બાબા રામદેવે SCની ફટકાર બાદ ફરીવાર જાહેરાત આપીને માફી માંગી, શું કહ્યું? જાણો
- શું આ માફીનામાની એ જ સાઇઝ છે જેટલી મોટી તમે જાહેરાત કરો છો? શું તમે હંમેશા આ સાઇઝની જાહેરાત કરો છો: SC
નવી દિલ્હી, 24 એપ્રિલ: ભ્રામક જાહેરાત પ્રસિદ્ધ કરવા મામલે સુપ્રીમ કોર્ટની ફટકાર બાદ પતંજલિએ અખબારોમાં નવી જાહેરાત આપી છે. પતંજલિ આયુર્વેદના સહ-સ્થાપક યોગ ગુરુ બાબા રામદેવ અને આચાર્ય બાલકૃષ્ણએ આજે એટલે કે બુધવારે અખબારોમાં એક નવું સાર્વજનિક માફીનામુ જારી કર્યું છે. ઉલ્લેખનીય છે કે, એક દિવસ પહેલા જ મંગળવારે સુપ્રીમ કોર્ટે તિરસ્કારના મામલાની સુનાવણી કરતા પતંજલિને પૂછ્યું હતું કે, શું આ માફીનામાની એ જ સાઇઝ છે જેટલી મોટી તમે જાહેરાત કરો છો? શું તમે હંમેશા આ સાઇઝની જાહેરાત કરો છો?
BIG BREAKING 🚨
Full-Page public apology letters by Baba Ramdev & Patanjali in 67 major newspapers today 😄
Supreme Court had given them bélt trèatment yesterday for printing small apology ads.
SC should not stop at only apologies & must award strictest of punishments too 🔥 pic.twitter.com/bhR9vy7qHL
— Ankit Mayank (@mr_mayank) April 24, 2024
સ્વામી રામદેવ, પતંજલિ અને આચાર્ય બાલકૃષ્ણના નામે અખબારોમાં આપવામાં આવેલા માફીનામામાં લખવામાં આવ્યું છે કે, ‘ભારતની માનનીય સર્વોચ્ચ અદાલત સમક્ષ ચાલી રહેલા કેસને ધ્યાનમાં રાખીને, અમે અમારી વ્યક્તિગત ક્ષમતાની સાથે-સાથે કંપની તરફથી માનનીય સર્વોચ્ચ અદાલતના નિર્દેશો\આદેશોનું પાલન ન કરવા અથવા અવમાનના કરવા બદલ કંપની વતી બિનશરતી માફી માંગે છે.
પતંજલિના નવા માફીનામામાં શું છે?
પતંજલિએ ‘બિનશરતી જાહેર માફી’ના નામે અખબારોમાં મોટી સાઇઝમાં માફીનામું પ્રકાશિત કર્યું છે. જેમાં લખવામાં આવ્યું છે કે, ‘અમે વ્યક્તિગત રીતે તેમજ કંપની વતી, ભારતની માનનીય સર્વોચ્ચ અદાલતમાં પેન્ડિંગ કેસના સંદર્ભમાં માનનીય સર્વોચ્ચ અદાલતના નિર્દેશો/આદેશોનું પાલન ન કરવા અથવા અનાદર કરવા બદલ અમારી બિનશરતી માફી વ્યક્ત કરીએ છીએ.
અમે 22.11.2023ના રોજ મીટિંગ/પ્રેસ કોન્ફરન્સનું આયોજન કરવા બદલ પણ માફી માંગીએ છીએ. અમે અમારી જાહેરાતોના પ્રકાશનમાં થયેલી ભૂલ માટે પણ દિલથી ક્ષમા માંગીએ છીએ અને આવી ભૂલોનું પુનરાવર્તન નહીં થાય તેવી અમારી પૂરા દિલથી પ્રતિબદ્ધતા વ્યક્ત કરીએ છીએ. અમે માનનીય અદાલતની નિર્દેશોનું અત્યંત કાળજી અને નિષ્ઠા સાથે પાલન કરવા પ્રતિબદ્ધ છીએ. અમે કોર્ટના મહિમા માટે આદર જાળવવાનું અને માનનીય કોર્ટ/સંબંધિત સત્તાવાળાઓના લાગુ કાયદા અને સૂચનાઓનું પાલન કરવાનું વચન આપીએ છીએ.
અરજદાર
પતંજલિ આયુર્વેદ લિમિટેડ, આચાર્ય બાલકૃષ્ણ, સ્વામી રામદેવ
મંગળવારની સુનાવણીમાં સુપ્રીમ કોર્ટે શું કહ્યું?
ઉલ્લેખનીય છે કે, આ પહેલા મંગળવારે સુપ્રીમ કોર્ટમાં કેસની સુનાવણી દરમિયાન યોગગુરુ બાબા રામદેવ અને પતંજલિ આયુર્વેદ લિમિટેડના તેમના સહયોગી આચાર્ય બાલકૃષ્ણએ જસ્ટિસ હિમા કોહલી અને જસ્ટિસ અહસાનુદ્દીન અમાનુલ્લાહની બેંચને કહ્યું હતું કે, તેઓ ગેરમાર્ગે દોરતી જાહેરાતો પર બિનશરતી પ્રતિબંધ મૂકે છે. 67 અખબારોમાં તેઓએ જાહેર માફી માંગી છે અને તેમની ભૂલો માટે બિનશરતી માફી માંગતી વધારાની જાહેરાતો પણ બહાર પાડવા માંગે છે. આ પછી ખંડપીઠે કહ્યું હતું કે, “અખબારોમાં પ્રકાશિત જાહેર માફી રેકોર્ડ પર નથી અને તેને બે દિવસમાં દાખલ કરવામાં આવે.” ત્યારબાદ કોર્ટે આ કેસની આગામી સુનાવણી 30 એપ્રિલ નક્કી કરી છે.
આ પણ જુઓ: સંદેશખલી કેસના આરોપી શાહજહાં શેખનો બાળકની જેમ રડતો વીડિયો વાયરલ, ભાજપે કર્યો કટાક્ષ
