ફિરોઝાબાદ: ઉત્તર પ્રદેશના ફિરોઝાબાદમાં પોલીસે એક યુવકે કોલેજની વિદ્યાર્થિનીને બળજબરી મુસ્લિમ ધર્મ અંગીકાર કરાવ્યો હોવાની ઘટના સામે આવી છે. તેટલું જ નહીં તેની સાથે મુસ્લિમ ધર્મની વિધિ પ્રમાણે જબરદસ્તી લગ્ન કર્યા હોવાનો પણ આક્ષેપ કરવામાં આવ્યો છે. હાલ પોલીસે આ મામલે આરોપી યુવકની ધરપકડ કરી છે. પોલીસે શનિવારે આ માહિતી આપી હતી. પોલીસના જણાવ્યા અનુસાર, શહેરના રસુલપુર પોલીસ સ્ટેશન વિસ્તારમાં રહેતી એક વિદ્યાર્થીનીના ગુમ થવાના સંદર્ભમાં તેના પિતાએ અન્ય સમુદાયના યુવકો વિરુદ્ધ પોલીસ સ્ટેશનમાં લેખિત ફરિયાદ કરી હતી.
કેસ નોંધ્યા બાદ પોલીસે આરોપીની ધરપકડ કરી હતી અને તેના કહેવા પર વિદ્યાર્થિનીને પરત મેળવી હતી. તેણે જણાવ્યું કે, પૂછપરછ દરમિયાન આરોપીએ યુવતીને ધર્મ પરિવર્તન કરાવવાની વાત કબૂલ કરી અને તેની સાથે લગ્ન કરી લીધા હતા. મ્યુનિસિપલ પોલીસ અધિક્ષક મુકેશ ચંદ્ર મિશ્રાએ જણાવ્યું કે, રસુલપુર પોલીસ સ્ટેશનમાં રહેતી બી.કોમ.ની વિદ્યાર્થિની 10 દિવસ પહેલા 25 એપ્રિલે તેના ભાઈ સાથે કોલેજ ગઈ હતી અને ત્યારબાદ રામગઢ પોલીસ સ્ટેશનના આકાશવાણી રોડનો રહેવાસી આરિફ કથિત રીતે વિદ્યાર્થીને બહેકાવીને ઉપાડી ગયો.
ત્યારબાદ પિતાની ફરિયાદના આધારે આરોપી વિરુદ્ધ ઉત્તર પોલીસ સ્ટેશનમાં ‘અપહરણ’નો કેસ નોંધવામાં આવ્યો હતો. તેમણે કહ્યું કે, વરિષ્ઠ પોલીસ અધિક્ષકની સૂચના પર રચાયેલી પોલીસ ટીમે બુધવારે રાત્રે આરોપીની ધરપકડ કરી અને તેની પૂછપરછ કર્યા પછી શુક્રવારે રાત્રે છોકરીને બહાર કાઢી હતી. પૂછપરછ દરમિયાન આરોપીએ જણાવ્યું કે, તેણે યુવતીનું ધર્મપરિવર્તન કરાવ્યું અને તેની સાથે લગ્ન કર્યા છે. પોલીસે આરોપી વિરુદ્ધ ઉત્તર પ્રદેશ પ્રોહિબિશન ઑફ રિલિજિયન એક્ટની કલમ હેઠળ કાર્યવાહી કરી તેને જેલમાં મોકલી આપ્યો હતો.
