આયુષ્માન ખુરાનાની ફિલ્મ ‘ડ્રીમ ગર્લ 2’ની રિલીઝ પહેલા જ વેચાઈ આટલી ટિકિટો, શું ફિલ્મ બોક્સ ઓફિસ પર ટકી શકશે?
આયુષ્માન ખુરાના અને અનન્યા પાંડેની ફિલ્મ ડ્રીમ ગર્લ 2 ટૂંક સમયમાં સિનેમાઘરોમાં રિલીઝ થવા જઈ રહી છે. સાથે જ આ ફિલ્મને લઈને ચાહકો ખૂબ જ ઉત્સાહિત છે. ફિલ્મનું એડવાન્સ બુકિંગ પણ શરૂ થઈ ગયું છે.આયુષ્માન ખુરાના અને અનન્યા પાંડેની ફિલ્મ ડ્રીમ ગર્લ 2 સિનેમાઘરોમાં રિલીઝ થવા માટે તૈયાર છે. આ ફિલ્મ 25 ઓગસ્ટે સિનેમાઘરોમાં રિલીઝ થશે. લોકો ઘણા સમયથી આ ફિલ્મની રાહ જોઈ રહ્યા હતા. આ ડ્રીમ ગર્લની સિક્વલ છે જેમાં આયુષ્માન ખુરાના સાથે નુસરત ભરૂચા લીડ રોલમાં જોવા મળી હતી.
આ સાથે જ ફિલ્મના ટ્રેલરને સારો પ્રતિસાદ મળ્યો છે, ત્યારથી આશા છે કે ફિલ્મ સારું કલેક્શન કરવામાં સફળ રહેશે. ટ્રેલરના પોઝિટિવ ફીડબેકની અસર એડવાન્સ બુકિંગ પર જોવા મળી રહી છે.આયુષ્માન ખુરાના અને અનન્યા પાંડે આ દિવસોમાં ફિલ્મના પ્રમોશનમાં વ્યસ્ત છે. ફિલ્મનું પ્રમોશન વ્યૂહરચના સાથે કરવામાં આવી રહ્યું છે. જેનો લાભ એડવાન્સ બુકિંગ પર મળી રહ્યો છે. રિપોર્ટ સામે આવ્યો છે કે રિલીઝના બે દિવસ પહેલા સુધી ફિલ્મ માટે કેટલું એડવાન્સ બુકિંગ થઈ ગયું છે.
ડ્રીમ ગર્લ 2 એ ટોચની 3 રાષ્ટ્રીય ચેઇન PVR, INOX અને Cinepolisમાં 14 હજાર ટિકિટ વેચી છે. આ કલેક્શન ફિલ્મ રિલીઝ થવાના બે દિવસ પહેલાનું છે. ડ્રીમ ગર્લ 2 ટ્રેન્ડમાં છે. તેવું પણ માનવામાં આવી રહ્યું છે કે આ ફિલ્મ રિલીઝના દિવસ સુધી 60 હજાર ટિકિટો વેચી દેશે. એડવાન્સ બુકિંગથી અંદાજ લગાવી શકાય છે કે ડ્રીમ ગર્લ 2નું ઓપનિંગ ડે કલેક્શન 9 કરોડની આસપાસ હશે.
આ પણ વાંચો : દિશા પરમારે બતાવ્યો બેબી બમ્પ, અભિનેત્રીએ તસવીરો કરી શેર
