‘અયોધ્યાનું રામ મંદિર અશુદ્ધ છે, હિન્દુઓએ પૂજા ન કરવી જોઈએ’, TMC ધારાસભ્ય રામેન્દુ સિંહાનું વિવાદાસ્પદ નિવેદન
તેલંગાણા, 05 માર્ચ 2024: TMC ધારાસભ્ય રામેન્દુ સિન્હાએ રામ મંદિરને લઈને વિવાદિત નિવેદન આપ્યું છે. તેમણે રામ મંદિરને અપવિત્ર સ્થળ ગણાવ્યું છે. આ સાથે તેમણે એમ પણ કહ્યું કે કોઈ પણ હિંદુએ રામ મંદિરમાં પૂજા માટે ન જવું જોઈએ. તારકેશ્વરના ટીએમસી ધારાસભ્યના આ નિવેદનને લઈને હોબાળો થયો છે. રામેન્દુ સિન્હાના આ નિવેદનની દરેક જગ્યાએ નિંદા થઈ રહી છે.
यह है तृणमूल कांग्रेस के नेताओं की सच्चाई। हिन्दुओं पर आक्रमण करते करते उनकी हिम्मत इतनी बड़ गई है कि वह अब भगवान श्री राम के भव्य मंदिर को 'अपवित्र' बताने की धृष्टता कर रहे हैं।
तारकेश्वर विधानसभा क्षेत्र के विधायक – रामेंदु सिन्हा रॉय, जो आरामबाग संगठनात्मक जिले के टीएमसी… pic.twitter.com/RZ95yPDY5V
— Suvendu Adhikari (Modi Ka Parivar) (@SuvenduWB) March 4, 2024
બંગાળના બીજેપી નેતા સુવેન્દુ અધિકારીએ રામેન્દુ સિંહા પર આકરા પ્રહારો કર્યા છે. સુવેન્દુ અધિકારીએ સોશિયલ મીડિયા પ્લેટફોર્મ પર જણાવ્યું હતું ‘હું તેમના અપમાનજનક નિવેદનની માત્ર સખત નિંદા જ નથી કરતો, પરંતુ વિશ્વભરના હિંદુઓની ભાવનાઓને ઠેસ પહોંચાડે તેવું ધિક્કારપાત્ર નિવેદન કરવા બદલ આ વ્યક્તિ સામે એફઆઈઆર દાખલ કરવાની પણ તૈયારી કરી રહ્યો છું.’
સુવેન્દુ અધિકારીએ કર્યા પ્રહાર
ટીએમસી પર પ્રહાર કરતા સુવેન્દુ અધિકારીએ કહ્યું કે આ તૃણમૂલ કોંગ્રેસના નેતાઓનું સત્ય છે. હિન્દુઓ પર હુમલો કરવાની તેમની હિંમત એટલી વધી ગઈ છે કે હવે તેઓ ભગવાન શ્રી રામના ભવ્ય મંદિરને ‘અશુદ્ધ’ કહેવાની હિંમત ધરાવે છે. તારકેશ્વરના ધારાસભ્ય રામેન્દુ સિંહા રોયે ભવ્ય રામ મંદિરને અપવિત્ર ગણાવ્યું છે. તેમણે એમ પણ કહ્યું છે કે કોઈપણ ભારતીય હિન્દુએ આવા અપવિત્ર સ્થાન પર પૂજા કરવી જોઈએ નહીં. તેમનું આ વર્ણન ભગવાન શ્રી રામ પ્રત્યે TMC નેતૃત્વની લાગણી દર્શાવે છે.
TMC MLA સામે FIR નોંધવાની તૈયારી
અધિકારીએ વધુમાં કહ્યું કે હું માત્ર તેના અપમાનજનક નિવેદનની સખત નિંદા નથી કરું છું, પરંતુ વિશ્વભરના હિંદુઓની ભાવનાઓને ઠેસ પહોંચાડે તેવું ઘૃણાસ્પદ નિવેદન કરવા બદલ આ વ્યક્તિ વિરુદ્ધ FIR દાખલ કરવાની પણ તૈયારી કરી રહ્યો છું. તમને જણાવી દઈએ કે રામેન્દુ સિંહા આરામબાગ સંગઠનાત્મક જિલ્લાના ટીએમસી અધ્યક્ષ પણ છે.
