કેદારનાથમાં હિમસ્ખલન, બરફનો પર્વત થયો ધરાશાયી, જૂઓ વીડિયો
- ઉત્તરાખંડના કેદારનાથમાંથી એક ભયાનક વીડિયો પ્રકાશમાં આવ્યો છે. અહીં ગાંધી સરોવર ઉપર બરફનો પહાડ તૂટી પડ્યો છે
ઉત્તરાખંડ, 30 જૂન: ઉત્તરાખંડનું હવામાન બદલાયું છે. આ દરમિયાન કેદારનાથમાંથી એક ભયાનક તસવીર પ્રકાશમાં આવી છે. અહીં ગાધી સરોવર પર હિમસ્ખલન થયો અને થોડી જ વારમાં બરફનો પર્વત નીચે આવ્યો. આ ઘટનાનો વીડિયો પણ પ્રકાશમાં આવ્યો છે. પ્રાપ્ત માહિતી અનુસાર અત્યાર સુધી કોઈ જાન-માલના નુકસાનના સમાચાર નથી. આ ઘટના આજે (30 જૂન) રવિવારની છે. જ્યારે આ ઘટના બની ત્યારે કેદારનાથ મંદિર પાસે કોઈએ તેને કેમેરામાં રેકોર્ડ કરી લીધી હતી. અહીં બરફથી ઢંકાયેલો પહાડ અચાનક તૂટી પડતો સ્પષ્ટ જોઈ શકાય છે.
અહીં જૂઓ વીડિયો:
VIDEO | Uttarakhand: An avalanche occurred over Gandhi Sarovar in Kedarnath. No loss of life and property was reported. More details are awaited. pic.twitter.com/yfgTrYh0oc
— Press Trust of India (@PTI_News) June 30, 2024
ઉત્તરાખંડના રૂદ્રપ્રયાગ જિલ્લાની આ ઘટના છે. આ દુર્ઘટના અહીં કેદારનાથ મંદિર પાસે ગાંધી સરોવર પર બની હતી. આ ઘટના વિશે માહિતી આપતા રુદ્રપ્રયાગના SSP ડૉ. વિશાખા અશોક ભદાનેએ જણાવ્યું કે આ ઘટના સવારે 5 વાગ્યે બની હતી. અહીં કેદારનાથમાં ગાંધી સરોવરની ઉપર હિમસ્ખલનનો મામલો પ્રકાશમાં આવ્યો છે. અપડેટ આપતાં તેમણે કહ્યું કે આ ઘટનામાં કોઈ જાનહાની થઈ નથી.
હિમસ્ખલન શું છે?
ઊંચાઈ પર સ્થિત પર્વતો મોટાભાગના વિસ્તારોમાં બરફથી ઢંકાયેલા રહે છે. ઘણી વખત વિવિધ કારણોસર પહાડો પર ઢંકાયેલો બરફ અચાનક ઝડપથી નીચેની તરફ પડવા લાગે છે. આ ઘટનાને હિમસ્ખલન કહેવામાં આવે છે. આ દરમિયાન ઝડપથી બરફ પડવાને કારણે જોરદાર અવાજ પણ આવે છે. ઘણી વખત આવી ઘટનાઓમાં ગૂંગળામણને કારણે લોકોના મૃત્યુ પણ થાય છે.
10 મેથી અત્યાર સુધીમાં 7 લાખથી વધુ શ્રદ્ધાળુઓએ દર્શન કર્યા
આ મહિનાની શરૂઆતમાં કેદારનાથ આવતા ભક્તોની ભારે ભીડ જોવા મળી હતી. પહેલા અઠવાડિયામાં લગભગ 6 લાખ ભક્તો અહીં પહોંચ્યા હતા અને દર્શન કર્યા હતા. આ અંગે માહિતી આપતા રુદ્રપ્રયાગ જિલ્લાના મેજિસ્ટ્રેટે જણાવ્યું કે 10 મેથી અત્યાર સુધીમાં 7 લાખથી વધુ શ્રદ્ધાળુઓ આ 11મા જ્યોતિર્લિંગના દર્શન કરવા આવ્યા છે.
આ પણ વાંચો: બિહાર બાદ હવે ઝારખંડમાં પણ નિર્માણાધીન પુલ થયો ધરાશાયી
