રૂપિયા 185 સુધી જઈ શકે છે આ મોટો શેર, કંપનીનું દેવું ઓછું કરવા પર ફોકસ

HD ન્યૂઝ ડેસ્ક :   ઓટો સેક્ટરની કંપની સંવર્ધન મધરસન ઈન્ટરનેશનલના શેરમાં નિષ્ણાતો તેજીમાં દેખાઈ રહ્યા છે. સ્થાનિક બ્રોકરેજ ICICI સિક્યોરિટીઝનો અંદાજ છે કે શેર રૂ. 180ને પાર કરશે. આ સાથે બ્રોકરેજે શેર ખરીદવાની પણ સલાહ આપી છે.

વર્તમાન શેર કિંમત
હાલમાં સંવર્ધન મધરસન ઇન્ટરનેશનલના શેરની કિંમત રૂ. 165 છે. 22 નવેમ્બર, 2023ના રોજ શેરની કિંમત 86.80 રૂપિયા હતી. સપ્ટેમ્બર 2024માં શેરનો ભાવ રૂ. 217 પર પહોંચ્યો હતો. આ બંને ભાવ શેરના 52-સપ્તાહના નીચા અને ઊંચા છે. કંપનીના શેરહોલ્ડિંગ પેટર્ન વિશે વાત કરીએ તો, પ્રમોટરનો હિસ્સો 58.13 ટકા છે. તે જ સમયે, પબ્લિક શેરહોલ્ડિંગ 41.87 ટકા છે.

શેરની ટાર્ગેટ પ્રાઈઝ
ICICI સિક્યોરિટીઝે સંવર્ધન મધરસન ઈન્ટરનેશનલનો સ્ટોક 185 રૂપિયાના લક્ષ્યાંક સાથે ખરીદવાની સલાહ આપી છે. ચીફ ઓપરેટિંગ ઓફિસર પંકજ મિત્તલના જણાવ્યા અનુસાર, સંવર્ધન મધરસન ઈન્ટરનેશનલ લિમિટેડ બીજા ક્વાર્ટરમાં મજબૂત કામગીરીના આધારે આગામી ક્વાર્ટરમાં દેવું ઘટાડવાનું લક્ષ્ય ધરાવે છે. તેમણે કહ્યું કે અમે અમારી ડેટ પ્રોફાઇલને ઘટાડીને Ebitdaના એક ગણા સુધી કરી દીધી છે. કંપનીને અપેક્ષા છે કે બીજા છ મહિનામાં તેનું દેવું ઘટશે.

મિત્તલે કહ્યું- યુરોપ અને અન્ય સ્થળોએ રજાઓને કારણે આ ક્વાર્ટર મોસમી રીતે નબળું છે. અમે અપેક્ષા રાખીએ છીએ કે બે ક્વાર્ટરમાં અમારું દેવું વધુ ઘટશે. તેમણે વધુમાં કહ્યું કે જિયો પોલિટિક્સમાં શું થશે તેની અમને ખબર નથી. જો કે, આ અમુક અંશે વોલ્યુમમાં ઘટાડો કરી રહ્યું છે અને વર્કિગ કેપિટલ ચેનમાં સમસ્યાઓ ઊભી કરી રહ્યું છે.

ત્રિમાસિક પરિણામો કેવા રહ્યા?
ચાલુ નાણાકીય વર્ષના સપ્ટેમ્બર ક્વાર્ટરમાં કંપનીનો નફો 223% વધ્યો છે. તે એક વર્ષ અગાઉના ગાળામાં રૂ. 294.15 કરોડથી વધીને રૂ. 948.81 કરોડ થયો હતો. એબિટડા પણ વાર્ષિક ધોરણે 23% વધીને રૂ. 2,447.94 થયો છે. બીજા ક્વાર્ટરમાં આવક રૂ. 23,527 કરોડથી 18% વધીને રૂ. 27,812 કરોડ થઈ છે.

આ પણ વાંચો : પીએમ મોદીની ઈટલી, પોર્ટુગલ, નોર્વેના પ્રમુખો સાથે મુલાકાત, સંબંધો મજબૂત કરવા વિશે ચર્ચા થઈ