Auto Expoમાં સ્કોડા રજૂ કરશે 3 નવી કાર, મળશે આ ધાંસૂ ફીચર્સ
નવી દિલ્હી, તા.16 જાન્યુઆરી, 2025: ઇન્ડિયા મોબિલિટી ગ્લોબલ એક્સ્પો યોજાવા જઈ રહ્યો છે. આ ઇવેન્ટમાં સ્કોડા અનેક પ્રોડક્ટ્સ લોન્ચ કરે તેવી અપેક્ષા છે. તેમાંથી એક કોડિયાક એસયુવી છે, જે ભારતમાં હાલના મોડલનું નવું વર્ઝન હશે. નવી સ્કોડા કોડિયાક પહેલા કરતા વધુ એડવાન્સ્ડ અને વધુ સ્પેસ સાથે આવશે. તેમાં 7 સીટર ઓપ્શન આપવામાં આવશે.
નવી સ્કોડા કોડિયાક ઘણા નવા ફીચર્સથી સજ્જ હશે. મોટી ટચસ્ક્રીન પ્લસ સાથે, તમને એક નવું ડિજિટલ ઇન્સ્ટ્રુમેન્ટ ક્લસ્ટર પણ મળશે. તેમાં 2.0 લીટર ટર્બો પેટ્રોલ અને AWDનો સમાવેશ થાય છે.
સ્કોડા સુપર્બ અને Elroq પણ ઓફર કરવામાં આવશે
કંપની સ્કોડા સુપર્બ પણ રજૂ કરશે, પરંતુ પહેલા માત્ર કોડિયાક રજૂ કરવામાં આવશે. સ્કોડા સુપર્બ વધુ મોર્ડન અને લેટેસ્ટ ફીચર્સ સાથે પણ આવશે. ઇન્ટીરિયર અને પાવરટ્રેન કોડિયાકથી ખૂબ પ્રેરિત હોઈ શકે છે. નવી સ્કોડા સુપર્બ ભારતમાં તેની માંગ અનુસાર આયાત કરવામાં આવશે.
સ્કોડા ત્રીજી એસયુવી Elroq પણ લોન્ચ કરે તેવી અપેક્ષા છે, જે મિડ સાઇઝ ઇલેક્ટ્રિક એસયુવી છે. તે ભારતીય બજારમાં હ્યુન્ડાઇ ક્રેટા અને ટાટા ગ્રેવિટાસને ટક્કર આપશે. Elroq કોમ્પેક્ટ લાગે છે પરંતુ મસ્ક્યુલર ડિઝાઇન સાથે આવે છે.
There is a Škoda for everyone that’s safe, sustainable, luxurious, and packed with power. Discover the Škoda for you at the #BharatMobility Global Expo 2025.
🗓️19th – 22nd January 2025, 10 am to 6 pm
📍Hall no. 3, Booth 1, Bharat Mandapam, Pragati Maidan, New Delhi#SkodaIndia pic.twitter.com/YhGDofDO7P— Škoda India (@SkodaIndia) January 14, 2025
સ્કોડા કોડિયાકે યુરો એનસીએપી ક્રેશ પરીક્ષણોમાં ખૂબ જ સારું પ્રદર્શન કર્યું છે. સ્કોડા કોડિયાકને એડલ્ટ સેફ્ટી ટેસ્ટમાં 89 ટકા, ચાઈલ્ડ સેફ્ટી ટેસ્ટમાં 83 ટકા અને પેડેસ્ટલ પેસેન્જર સેફ્ટી ટેસ્ટમાં 82 ટકા મળ્યા છે. આ કારના સેફટી ફીચર્સને કુલ 72 ટકા મળ્યા છે.
આ પણ વાંચોઃ ઈંગ્લેન્ડ સામેની સીરિઝ પહેલા ભારતને મળ્યો નવો બેટિંગ કોચ, સૌરાષ્ટ્ર સાથે છે સંબંધ
