ઓસ્ટ્રેલિયાના વડાપ્રધાનનો ભારત પ્રવાસ શરૂ થશે અમદાવાદથી, જાણો શું છે કાર્યક્રમ

વડાપ્રધાન નરેન્દ્ર મોદીની પ્રતિષ્ઠા દિન પ્રતિદિન વિદેશમાં પણ વધી રહી છે. જેના જ પગલે ઓસ્ટ્રેલિયન વડા પ્રધાન એન્થોની અલ્બેનીઝ 8 માર્ચથી ભારતની 4-દિવસીય મુલાકાતે આવશે. જેમનો મુખ્ય ઉદ્દેશ્ય વેપાર, રોકાણ અને મહત્વપૂર્ણ ખનિજો સહિતના ઘણા ક્ષેત્રોમાં એકંદરે દ્વિપક્ષીય સંબંધોને વેગ આપવાનો છે. ગયા વર્ષે મે મહિનામાં વડાપ્રધાન બન્યા બાદ આ તેમની પ્રથમ ભારત મુલાકાત હશે.

Australian PM Albanese will arrive in Ahmedabad on 8th March on the day of Holi. He will also visit Mumbai on 9th March, before arriving in Delhi later in the day: MEA

— ANI (@ANI) March 4, 2023

આ અંગે ભારતીય વિદેશ મંત્રાલયે જણાવ્યું કે, વડાપ્રધાન નરેન્દ્ર મોદીના આમંત્રણ પર, ઑસ્ટ્રેલિયાના વડાપ્રધાન એન્થોની અલ્બેનીઝ 8 થી 11 માર્ચ દરમિયાન ભારતની સરકારી મુલાકાતે આવશે. અલ્બેનીઝની સાથે વેપાર અને પર્યટન પ્રધાન ડોન ફેરેલ અને ઉત્તરી ઓસ્ટ્રેલિયા મેડેલીન કિંગ ઉપરાંત એક ઉચ્ચ સ્તરીય વેપારી પ્રતિનિધિમંડળ પણ ભારતની મુલાકાત લેશે.

આ પણ વાંચો : દેશભરમાં તાવ અને ઉધરસનું ચલણ વધ્યું, ઝડપથી ફેલાઈ રહ્યો છે H3N2 વાયરસ, ICMR એ જાહેર કરી ગાઇડલાઇન

Prime Minister of Australia Anthony Albanese will visit India from 8th to 11th March. He will be accompanied by Don Farrell, Minister for Trade and Tourism & Madeleine King, Minister for Resources and Northern Australia, along with a high-level business delegation.​

(file photo) pic.twitter.com/dxfOnFxAOP

— ANI (@ANI) March 4, 2023

ખાસ વાત એ છેકે ભારતના વડાપ્રધાન સાથે ઓસ્ટ્રેલિયાના વડાપ્રધાન અલ્બેનીઝ હોળીના દિવસે 8 માર્ચે અમદાવાદ પહોંચશે. આ પછી 9 માર્ચે મુંબઈ જશે અને તે જ દિવસે દિલ્હી આવશે. માનવામાં આવે છે કે ઓસ્ટ્રેલિયાના વડાપ્રધાન અને પીએમ મોદી 9 માર્ચે અમદાવાદના મોટેરા સ્ટેડિયમમાં બંને દેશોની ટેસ્ટ મેચ પણ નિહાળી શકે છે.

વડાપ્રધાન નરેન્દ્ર મોદીએ ઓસ્ટ્રેલિયાના વડાપ્રધાનને સાથે ભારત-ઓસ્ટ્રેલિયાની મેચ જોવાનું આમંત્રણ આંપ્યુ છે. ત્યારે ભારત-ઓસ્ટ્રેલિયા વચ્ચે કિક્રેટ મેચના 75 વર્ષની ઉજવણીને લઈ બંને દેશના વડાપ્રધાનો ભાગ લેશે. ભારત-ઓસ્ટ્રેલિયાના PM મેચ દરમિયાન કોમેન્ટ્રી કરે તેવી પણ શક્યતા છે. ભારત અને ઓસ્ટ્રેલિયા વચ્ચે બોર્ડર-ગાવસ્કર ટ્રોફીની ચોથી અને અંતિમ મેચ અમદાવાદના નરેન્દ્ર મોદી સ્ટેડિયમમાં 9 થી 13 માર્ચ દરમિયાન રમાવાની છે. ત્યારે ભારતના વડાપ્રધાન નરેન્દ્ર મોદી અને ઓસ્ટ્રેલિયાના વડાપ્રધાન એન્થોની અલ્બેનીઝ સાથે બેસીને આ ટેસ્ટ મેચ નીહાળવાના છે.

આ પણ વાંચો : US: નિક્કી હેલીએ કહ્યું- પાકિસ્તાન એક ડઝન આતંકવાદી સંગઠનોનું ઘર છે, તેને આર્થિક મદદ ન મળવી જોઈએ

આ પહેલી વાર બનશે કે જ્યારે પીએમ મોદી પોતાના નામના એટલે કે નરેન્દ્ર મોદી સ્ટેડિયમમાં મેચની મજા માણશે. વિશ્વના સૌથી મોટા સ્ટેડિયમમાં યોજાનારી બોર્ડર-ગાવસ્કર ટ્રોફીની આ મેચના બંને દેશોના વડાપ્રધાનો સાક્ષી બનશે. વડા પ્રધાન મોદી અને ઑસ્ટ્રેલિયન પીએમ વાર્ષિક શિખર સંમેલન કરશે, જેમાં ભારત-ઓસ્ટ્રેલિયા વ્યાપક વ્યૂહાત્મક ભાગીદારી હેઠળ સહકારના ક્ષેત્રો પર ચર્ચા કરવામાં આવશે. આ સાથે બંને પરસ્પર હિત સંબંધિત પ્રાદેશિક અને વૈશ્વિક મુદ્દાઓ પર પણ ચર્ચા કરશે.

આ પણ વાંચો : અમદાવાદ ટેસ્ટ માટે ટિકિટ બુકિંગ કેવી રીતે કરશો ? જાણો અહી