ગાબા ટેસ્ટઃ વરસાદે અટકાવી મેચ, ભારતીય ટીમમાં થયો આ બદલાવ
બ્રિસબેન, તા.14 ડિસેમ્બર, 2024: ગાબા ટેસ્ટમાં ભારતીય કેપ્ટન રોહિત શર્માએ ટૉસ જીતીને પ્રથમ બોલિંગનો ફેંસલો કર્યો હતો. ઑસ્ટ્રેલિયાએ 13.2 ઓવરના અંતે વિના વિકેટે 28 રન બનાવ્યા ત્યારે વરસાદ તૂટી પડ્યો હતો. જેથી મેચ અટકાવવી પડી હતી. આ મેચમાં ભારતીય ટીમમાં બે મોટા બદલાવ કરવામાં આવ્યા છે. અશ્વિનના સ્થાને જાડેજા અને હર્ષિત રાણાના સ્થાને અર્શદીપને ટીમમાં સામેલ કરવામાં આવ્યા હતા.
ભારતની પ્લેઇંગ ઇલેવન: યશસ્વી જયસ્વાલ, લોકેશ રાહુલ, શુભમન ગિલ, વિરાટ કોહલી, રોહિત શર્મા (કેપ્ટન), નીતીશ કુમાર રેડ્ડી, ઋષભ પંત (વિકેટકીપર), રવિન્દ્ર જાડેજા, જસપ્રિત બુમરાહ, આકાશ દીપ, મોહમ્મદ સિરાજ
Rain restricts play to only 13.2 overs in the opening session at the Gabba 🌧️ #WTC25 | Follow #AUSvIND live 👉 https://t.co/MAzTLSWAhv pic.twitter.com/NBvgQP7FSU
— ICC (@ICC) December 14, 2024
આજની મેચમાં મેદાન પર ઉતરતાં જ વિરાટ કોહલી આંતરરાષ્ટ્રીય ક્રિકેટમાં ઓસ્ટ્રેલિયા સામે 100 મેચ રમનાર વિશ્વનો બીજો બેટ્સમેન બની ગયો હતો. કોહલીએ સચિન તેંડુલકરના રેકોર્ડની બરાબરી કરી હતી. સચિને ઓસ્ટ્રેલિયા સામે 100 મેચ પણ રમી છે. ડેસમંડ હેન્સે ઓસ્ટ્રેલિયા સામે 97 મેચ રમી છે, જ્યારે ધોનીએ 91 અને વિવ રિચર્ડ્સે ઓસ્ટ્રેલિયા સામે 88 મેચ રમી છે.
કોહલી પાસેથી મોટી ઇનિંગ્સની અપેક્ષા
પર્થમાં શાનદાર સદી ફટકાર્યા બાદ હવે ગાબા ખાતે કોહલી પાસેથી વિરાટ ઇનિંગ્સની અપેક્ષા રાખો. કોહલીએ પર્થમાં પોતાની 30મી ટેસ્ટ સદી ફટકારી હતી. જોકે, કોહલી બીજી ઇનિંગ્સમાં સારું પ્રદર્શન કરવામાં નિષ્ફળ રહ્યો હતો. કોહલી ઓફ સ્ટમ્પની બહાર જતા બોલ પર પાછળ કેચ આઉટ થયો હતો. કોહલીના આઉટ થવાની આ રીતોને લઈને ઘણી ટીકા થઈ હતી. આવી સ્થિતિમાં હવે જોવાનું રહેશે કે ભારતીય દિગ્ગજ ખેલાડીઓ ગાબા ખાતે મોટી ઇનિંગ્સ રમી શકશે કે નહીં.
આ પણ વાંચોઃ ગાબા ટેસ્ટ ભારત જીતશે, ઑસ્ટ્રેલિયાના ખેલાડીએ જ આપી ટિપ્સ
તમામ સમાચારથી અપડેટ રહેવા અમારી વૉટ્સએપ ચૅનલમાં જોડાવ – લિંક – https://whatsapp.com/channel/0029VaqfJ6J3GJP7HcwkVF1S
