કોંગ્રેસના નેતા પવન ખેડાને ગુરુવારે સવારે દિલ્હીથી છત્તીસગઢ જતા કથિત રીતે અટકાવવામાં આવ્યા હતા. પક્ષના નેતાઓએ આ અંગે એરપોર્ટ પર વિરોધ પણ કર્યો હતો. કોંગ્રેસનો આરોપ છે કે ખેડાને દિલ્હી એરપોર્ટ પર અટકાયત કરવાનો પ્રયાસ કરવામાં આવ્યો હતો. તો બીજી તરફ ઈન્ડિગો એરલાઈન્સે કહ્યું છે કે પવન ખેડાને રાયપુર લઈ જવાની સૂચના મળી છે.
કોંગ્રેસના કેટલાક નેતાઓ રાયપુર અધિવેશન માટે દિલ્હી એરપોર્ટથી જઈ રહ્યા હતા. મીડિયા અધ્યક્ષ પવન ખેડાને ઈન્ડિગો દ્વારા પ્લેનમાંથી ઉતારવામાં આવ્યા.#Congress #leaders #Raipur #DelhiAirport #pawankheda #indigoplane #convention #politicians #Gujarat #GujaratiNews #humdekhengenews pic.twitter.com/tXZSvTQL95
— Hum Dekhenge News (@humdekhengenews) February 23, 2023
થોડા દિવસો પહેલા ખેડાએ વડાપ્રધાન નરેન્દ્ર મોદીના પિતાને લઈને વિવાદાસ્પદ નિવેદન આપ્યું હતું. મળતી માહિતી મુજબ, તેમની સામે લખનૌમાં પણ કેસ નોંધવામાં આવ્યો હતો. હવે પવન ખેડા પરની આ કાર્યવાહીને આ બાબત સાથે જોડવામાં આવી રહી છે. કોંગ્રેસે કહ્યું કે, ખેડા રાયપુર જવા માટે ફ્લાઈટમાં ચડી રહ્યા હતા, ત્યારપછી તેમને સામાન ચેક કરાવવાના બહાને નીચે ઉતરવાનું કહેવામાં આવ્યું.
We are all on the @IndiGo6E flight 6E 204 to Raipur and all of a sudden my colleague @Pawankhera has been asked to deplane
What sort of high handedness is this? Is there any rule of law? On what grounds is this being done and under whose order?
— Supriya Shrinate (@SupriyaShrinate) February 23, 2023
કોંગ્રેસનો આરોપ છે કે આસામ પોલીસ વોરંટ લઈને એરપોર્ટ પહોંચી હતી. કોંગ્રેસ પ્રવક્તા સુપ્રિયા શ્રીનાતે કહ્યું કે આ કેટલું મનસ્વી છે? શું કાયદાનું શાસન છે? કયા આધારે અને કોના આદેશ પર આ કરવામાં આવી રહ્યું છે? સુત્રો પાસેથી મળતી માહિતી મુજબ આસામ પોલીસના કહેવા પર દિલ્હી પોલીસે પવન ખેડાને એરપોર્ટ પર રોક્યો છે. કોંગ્રેસના નેતા જયરામ રમેશે તેને સરમુખત્યારશાહી ગણાવી છે. તેમનું કહેવું છે કે પવન ખેડાને દિલ્હી પોલીસ વતી રાયપુરની ફ્લાઈટમાંથી ઉતારવામાં આવ્યા હતા. સરમુખત્યારશાહીનું બીજું નામ ‘અમિતશાહી‘ છે. મોદી સરકાર આપણા રાષ્ટ્રીય સંમેલનને ખોરવી નાખવા માંગે છે. અમે ડરવાના નથી, દેશવાસીઓ માટે લડતા રહીશું.
