બલૂચિસ્તાનના ગ્વાદર બંદર પર હુમલો, બંદૂકધારીઓએ પરિસરમાં ઘૂસી અંધાધૂંધ ગોળીબાર અને વિસ્ફોટ કર્યા

પાકિસ્તાન, 20 માર્ચ : બલૂચિસ્તાનના ગ્વાદર પોર્ટ પર અજાણ્યા હુમલાખોરો દ્વારા ગોળીબાર કરવામાં આવ્યો છે. પાકિસ્તાની મીડિયાના અહેવાલો અનુસાર, બંદૂકો અને વિસ્ફોટકોથી સજ્જ અજાણ્યા હુમલાખોરો અચાનક પાકિસ્તાનના ગ્વાદર પોર્ટ ઓથોરિટી (GPA) સંકુલમાં ઘૂસી ગયા અને પછી અંધાધૂંધ ગોળીબાર શરૂ કરી દીધો. હુમલાખોરો બંદરની અંદર સ્થિત બિલ્ડીંગમાં ઘુસ્યા હોવાનું કહેવાય છે. સ્થાનિક સુરક્ષાકર્મીઓએ વિસ્તારને ઘેરી લીધો છે અને જવાબી કાર્યવાહી શરૂ કરી છે અને કહેવામાં આવી રહ્યું છે કે આ દરમિયાન બે બંદૂકધારી પણ માર્યા ગયા છે.

સંકુલની અંદર જોરદાર વિસ્ફોટ અને ભારે ગોળીબારથી આસપાસનો વિસ્તારમાં ભારે અફરાતફરીનો માહોલ સર્જાયોછે. GPA પાકિસ્તાનના ત્રીજા સૌથી મોટા બંદર ગ્વાદર પોર્ટના બાંધકામ સ્થળને હોસ્ટ કરવા ઉપરાંત વિવિધ સરકારી સંસ્થાઓ માટે હબ તરીકે સેવા આપે છે. આ હુમલો ગ્વાદર બંદર પર થયો હતો, જ્યાં ચીનના એન્જિનિયરો હાલમાં વ્યાપક બાંધકામ કાર્યમાં વ્યસ્ત છે. આ બંદર મહત્ત્વાકાંક્ષી ચાઇના-પાકિસ્તાન ઇકોનોમિક કોરિડોર (CPEC)નો એક ભાગ છે, જે બેઇજિંગના બેલ્ટ એન્ડ રોડ ઇનિશિયેટિવ (BRI)નું કેન્દ્ર છે.

અહીં મોટી સંખ્યામાં ચીની કર્મચારીઓ કામ કરી રહ્યા છે. પાકિસ્તાનમાં ઘણા આતંકવાદી જૂથો દ્વારા ચીનના લક્ષ્યાંકો પર પહેલાથી જ હુમલા કરવામાં આવ્યા છે. ઑગસ્ટ 2023 માં, બંદૂકધારીઓએ ગ્વાદરમાં ચીની કામદારોના કાફલા પર હુમલો કર્યો અને અલગતાવાદી બલૂચિસ્તાન લિબરેશન આર્મીએ હુમલાની જવાબદારી સ્વીકારી. આ ઘટના બાદ ચીનના જવાનોની સુરક્ષા પણ ખતરામાં આવી ગઈ છે.

2021માં ગ્વાદર પોર્ટને લઈને સમજૂતી થઈ હતી
ચીન-પાકિસ્તાન ઈકોનોમિક કોરિડોર પ્રોજેક્ટમાં ગ્વાદર પોર્ટ ખૂબ જ મહત્ત્વપૂર્ણ છે. અરબી સમુદ્રમાં ચીનની પહોંચ માટે આ ખૂબ જ મહત્ત્વપૂર્ણ બંદર છે. ગયા વર્ષે ડિસેમ્બરમાં, પાકિસ્તાન અને ચીને ગ્વાદર પોર્ટને CPEC હેઠળ લાવવા પર સહમતિ દર્શાવી હતી. બંને દેશોએ સંયુક્ત રીતે એક કરાર કર્યો હતો કે તેઓ CPEC હેઠળ ગ્વાદર પોર્ટની સંપૂર્ણ ક્ષમતાનો ઉપયોગ કરશે, જેનો ફાયદો પાકિસ્તાન અને ચીન બંનેને થશે.CPEC પ્રોજેક્ટ પાકિસ્તાનના બલૂચિસ્તાનમાં ગ્વાદર પોર્ટને ચીનના શિનજિયાંગ પ્રાંત સાથે જોડે છે.

આ ચીનનો મહત્ત્વાકાંક્ષી બિલિયન-ડોલર બેલ્ટ એન્ડ રોડ ઇનિશિયેટિવ (BRI)નો મોટો પ્રોજેક્ટ છે. ચીન અને પાકિસ્તાન વચ્ચે CPEC પ્રોજેક્ટ વર્ષ 2013માં શરૂ થયો હતો. આ અંતર્ગત ચીન પાકિસ્તાનમાં ઘણા ઈન્ફ્રાસ્ટ્રક્ચર પ્રોજેક્ટ્સમાં રોકાણ કરી રહ્યું છે. CPECની શરૂઆતમાં ચીને કહ્યું હતું કે તે આ પ્રોજેક્ટમાં 46 બિલિયન ડૉલરનું રોકાણ કરશે, પરંતુ 2017 સુધીમાં પ્રોજેક્ટની કિંમત વધીને 62 બિલિયન ડૉલર થઈ ગયું છે. ભારત શરૂઆતથી જ CPECનો વિરોધ કરી રહ્યું છે કારણ કે આ પ્રોજેક્ટ પાકિસ્તાનના કબજામાં છે. POKમાંથી પસાર થાય છે. ભારત આ ક્ષેત્રમાં કોઈપણ પ્રકારના વિદેશી રોકાણને અસ્વીકાર્ય માને છે.