અતીક અહેમદને સાબરમતી જેલ પરત લવાયો, કોર્ટે ફટકારી છે આજીવન કેદની સજા
પ્રયાગરાજના ઉમેશ પાલ અપહરણ કેસમાં આજીવન કેદની સજા કોર્ટે ફટકાર્યા બાદ માફિયા અતીક અહેમદને ફરી સાબરમતી જેલમાં લવાયો છે. સાબરમતી જેલ પહોંચતા જ કાફલો થોડીવાર માટે ગેટ પર રોકાઈ ગયો હતો અને ત્યારબાદ અતીકને કડક સુરક્ષા હેઠળ જેલની અંદર લઈ જવામાં આવ્યો હતો.
माफिया से नेता बने अतीक अहमद को गुजरात के अहमदाबाद में साबरमती जेल वापस लाया गया।
अतीक को उमेश पाल अपहरण मामले में आजीवन कारावास की सजा सुनाई गई है। pic.twitter.com/VDoDV35OV1
— ANI_HindiNews (@AHindinews) March 29, 2023
અતીકને હવે જેલના કપડા પહેરવા પડશે
ત્રણ દિવસ પહેલા, 26 માર્ચે યુપી પોલીસ અતીક અહેમદને સાંસદ-ધારાસભ્ય કોર્ટમાં રજૂ કરવા માટે પ્રયાગરાજ લઈ ગઈ હતી. 74 કલાક પછી સાબરમતી જેલમાં પરત ફરેલા અતીક માટે ઘણું બદલાઈ ગયું છે. હવે સાબરમતી જેલમાં સજા પામેલા કેદીઓના નિયમો તેને લાગુ પડશે. અતીક અહેમદ હવે મનસ્વી કપડાં પહેરી શકશે નહીં. તેણે હવે સફેદ જેલના કપડાં પહેરવા પડશે.
#WATCH | Gangster-politician Atiq Ahmad, who was sentenced to life imprisonment in the Umesh Pal kidnapping case, brought back to Sabarmati Jail in Ahmedabad, Gujarat pic.twitter.com/jgEpCbyrIF
— ANI (@ANI) March 29, 2023
અતીક હવે જૂની જેલમાં રહેશે
અતીક અહેમદને હવે સાબરમતી જેલમાં સજા પામેલા કેદીના નિયમો અનુસાર જીવવું પડશે અને તેને સફેદ ડ્રેસમાં જૂની જેલમાં રાખવામાં આવશે. સાબરમતી જેલ બે ભાગમાં વહેંચાયેલી છે. અંડરટ્રાયલ કેદીઓને નવી જેલમાં રાખવામાં આવે છે જ્યારે સજા પામેલા કેદીઓને જૂની જેલમાં રાખવામાં આવે છે, જોકે બંને જેલમાં ઉચ્ચ સુરક્ષા બેરેક છે. અતીકને જૂની જેલની બેરેકમાં ખસેડવામાં આવે તેવી શક્યતા છે. આ પહેલીવાર હશે જ્યારે અતીક અહેમદને જેલના કપડાં પહેરવા પડશે. આવી સ્થિતિમાં, આગામી એક-બે દિવસમાં આતિકને જેલના કપડાં અને કેદી નંબર સાથે નવી બેરેક આપવામાં આવશે.
#WATCH | Gangster-politician Atiq Ahmad, who was sentenced to life imprisonment in the Umesh Pal kidnapping case, brought back to Sabarmati Jail in Ahmedabad, Gujarat pic.twitter.com/sMVUEVGn0s
— ANI (@ANI) March 29, 2023
યુપી પોલીસે અગાઉ અતીક અહેમદને નૈની જેલમાં રાખવાની તૈયારી કરી હતી, પરંતુ સુપ્રીમ કોર્ટના આદેશને કારણે અતીક અહેમદને સાબરમતી જેલમાં પરત લાવવામાં આવ્યો છે. 28 માર્ચના રોજ જ્યારે અતીક અહેમદ ફરીથી સાબરમતી જેલ જવા રવાના થયો ત્યારે અતીકની તૈયારીઓ શરૂ થઈ ગઈ હતી. જેલ પ્રશાસન દ્વારા આગામી 24 કલાકમાં તેને નવી બેરેકમાં શિફ્ટ કરવામાં આવે તેવી શક્યતા છે. અતીક અહેમદના જેલ ટ્રાન્સફર અંગે કોઈ નવો કોર્ટનો આદેશ ન આવે ત્યાં સુધી તેણે અહીં જ રહેવું પડશે.
