અમદાવાદ ખાતે EDએ આ કંપનીઓની રૂ.10.38 કરોડની રકમ ફીજ કરી
- EDએ બે કરોડની રોકડ જપ્ત કરી, બેંક ખાતામાં 10 કરોડ ફ્રીઝ કર્યા
- કંપનીના વડા વિનોદ ખૂટેની ક્રિપ્ટો એક્સ્ચેન્જ અને ક્રિપ્ટો વોલેટમાં સંડોવણી
- ફેરેક્સ, ક્રિપ્ટો, સ્ટોક્સ વગેરેમાં કંપની ગ્રાહકોના રૂપિયા રોકતી
VIPS ગ્રૂપ ઓફ્ કંપનીઓ અને ગ્લોબલ એફિલિએટ બિઝનેસની અમદાવાદ ખાતે એન્ફેર્સમેન્ટ ડિરેક્ટોરેટ (ED)એ બે કરોડની રોકડ સહિત રૂ.10.38 કરોડની રકમ ફીજ કરી છે. અત્યાર સુધીમાં ઈડીએ કુલ રૂ.31.74 કરોડની રોકડ રકમ ફીજ કરી છે. એન્ફેર્સમેન્ટ ડિરેક્ટોરેટ (ED)એ ગ્લોબલ એફિલિએટ બિઝનેસ (GAB)ની પુણે અને અહમદનગરમાં આવેલી ઓફિસોમાં તપાસ હાથ ધરી હતી. કંપનીના મુખ્ય કર્તા વિનોદ ખુટે વિવિધ ગેરકાયદે વેપાર, ક્રિપ્ટો એક્સચેન્જ અને વૉલેટ જેવી પ્રવૃત્તિઓમાં સામેલ હોવાનું તપાસમાં બહાર આવ્યુ હતુ.
આ પણ વાંચો: અષાઢી બીજના દિવસે ગુજરાતના આ વિસ્તારોમાં પડશે વરસાદ
કંપનીના વડા વિનોદ ખૂટેની ક્રિપ્ટો એક્સ્ચેન્જ અને ક્રિપ્ટો વોલેટમાં સંડોવણી
ઉલ્લેખનીય છે કે, EDએ 25 મેના રોજ હાથ ધરાયેલા સર્ચ દરમિયાન રોકડ તેમજ રૂ. 18.54 કરોડની બેન્ક બેલેન્સ જપ્ત કર્યુ હતુ. અત્યાર સુધી હાથ ધરવામાં આવેલી તપાસમાં બહાર આવ્યુ હતુ કે બેન્કિંગ ચેનલ તેમજ રોકડમાં રૂ. 125 કરોડથી વધુ રકમ એકત્ર કરવામાં આવી હતી. વ્યાજ-કમિશનની આવક કમાવવા માટે રોકાણની આડમાં વિવિધ રોકાણકારો પાસેથી વિવિધ ગેરકાયદે વેપાર, ક્રિપ્ટો એક્સચેન્જ અને વૉલેટ જેવી પ્રવૃત્તિઓમાં રોકાણ કરાવતા હતા. VIPS ગ્રૂપ ઓફ્ કંપનીઓ દ્વારા શંકાસ્પદ વ્યાપારી સોદા કરીને કમાણી કરાયેલી રકમ હવાલા દ્વારા વિવિધ વિદેશી દેશોમાં મોકલવામાં આવી હતી.ઈડીને લોબલ એફિલિએટ બિઝનેસ (GAB)ની પુણે અને અહમદનગરમાં તપાસમાં ખુલ્યુ હતુ કે, અમદાવાદમાં પણ રોકાણકારો પાસેથી મોટી રકમ ઉઘરાવી હતી.જેના આધારે ઈડીએ અમદાવાદમાં તપાસ કરીને બે કરોડની રોકડ રકમ સહિત રૂ.10.38 કરોડની ફીજ કરી છે.
VIPS અમદાવાદ અને અહેમદનગરની ઓફિસો પર દરોડા
ઈડીને અમદાવાદની ઓફિસમાંથી મોટાપાયે દસ્તાવેજો મળી આવ્યા છે.જેમાં ગુજરાતમાંથી મોટાપાયે હવાલા પાડયા હોવાનું પણ ઈડીની તપાસમાં ખુલ્યુ છે. ગ્લોબલ એફિલિએટ બિઝનેસ ઈ-કોમર્સ શોપિંગ પોર્ટલ દ્વારા ઉત્પાદનોનું વેચાણ કરે છે અને તે જ નામની તેની એપ ગૂગલ પ્લે સ્ટોર તેમજ એપલ સ્ટોર પર ઉપલબ્ધ છે.ઈડીની તપાસમાં બહાર આવ્યુ હતું કે મેસર્સ ગ્લોબલ એફિલિએટ બિઝનેસ ગેરકાયદેસર અને અનધિકૃત મલ્ટી લેવલ માર્કેટિંગ સ્કીમ ચલાવી રહ્યું છે જેમાં જો કોઈ વ્યક્તિ સભ્ય તરીકે સ્કીમ પસંદ કરે છે અને અન્ય ગ્રાહકો/ગ્રાહકોને એપ્લિકેશન/વેબસાઈટ પર સંદર્ભિત કરે છે, તો તેના પર કમિશન અરજી પરનું રોકાણ/ખર્ચ તેના ખાતા/વૉલેટમાં જમા કરવામાં આવતા હતા. કંપનીએ આ રીતે વિવિધ રોકાણકારો પાસેથી કથિત રીતે રૂ.125 કરોડનું ભંડોળ એકત્ર કર્યું હતું. GAB મેસર્સ કાના કેપિટલના બિઝનેસનું માર્કેટિંગ કરતું હોવાનું પણ જાણવા મળ્યું છે, જે ટ્રેડ ફેરેક્સ, ક્રિપ્ટો, સ્ટોક્સ વગેરેમાં વેપાર કરતા વિવિધ ગ્રાહકો માટે બ્રોકરેજમાં રોકાયેલ છે.
