ISS પર આવવા જવાનો ખર્ચ, સુનીતા વિલિયમ્સ માટે બીજું એરક્રાફ્ટ કેમ નથી મોકલતું નાસા?

HD ન્યૂઝ ડેસ્ક – 25 ઑગસ્ટ : અવકાશયાત્રીઓ સુનીતા વિલિયમ્સ અને બુચ વિલ્મોર હજુ પણ અવકાશમાં ફસાયેલાં છે. પરંતુ મળતી માહિતી મુજબ હવે તેમની ઘરવાપસી આવતા વર્ષે જ શક્ય છે. અમેરિકન સ્પેસ એજન્સી નાસાએ કહ્યું કે આ વર્ષે અવકાશયાત્રીઓનું પરત ફરવું શક્ય નથી. હવે સવાલ એ છે કે નાસા આવતા વર્ષે પણ સુનીતા અને તેના પાર્ટનર બૂચને પૃથ્વી પર કેવી રીતે લાવશે? જાણો ISS પર અવકાશયાન મોકલવા માટે કેટલો ખર્ચ થાય છે?

સ્પેસ

નોંધનીય છે કે સુનિતા વિલિયમ્સ અને બુચ વિલ્મોર જૂન 2024માં બોઇંગ એરક્રાફ્ટમાં બેસીને સ્પેસ સ્ટેશન પહોંચ્યા હતા. બોઇંગ સ્ટારલાઇનરના કેપ્સ્યુલમાં ખામી સર્જાવાને કારણે તેમનું પુનરાગમન મોકૂફ રાખવામાં આવ્યું હતું. દરમિયાન, નાસાના વડા બિલ નેલ્સનનું કહેવું છે કે બંને અવકાશયાત્રીઓને હવે સ્પેસએક્સ રોકેટમાં પૃથ્વી પર પાછા ફરવું પડશે. તેમણે કહ્યું કે સ્ટારલાઈનરની પ્રોપલ્શન સિસ્ટમ ખામીયુક્ત છે, તેથી આ વાહનમાંથી અવકાશયાત્રીઓ માટે પૃથ્વી પર પાછા ફરવું ખૂબ જોખમી છે.

2025 સુધીમાં પુનરાગમન
નાસાએ કહ્યું કે બંને અવકાશયાત્રીઓ ફેબ્રુઆરી 2025માં પૃથ્વી પર પાછા ફરે તેવી અપેક્ષા છે. નાસાએ જણાવ્યું હતું કે નિયમિત અવકાશયાત્રી પરિભ્રમણ મિશનના ભાગરૂપે સ્પેસએક્સ ક્રૂ ડ્રેગન આવતા મહિને લોન્ચ કરવામાં આવશે. આ વાહનની ચાર બેઠકોમાંથી બે બેઠકો સુનીતા વિલિયમ્સ અને બૂચ વિલ્મોર માટે ખાલી રાખવામાં આવશે.

ISS પર જવા માટે કેટલો ખર્ચ થાય છે

હવે સવાલ એ છે કે સ્પેસ સ્ટેશન પર જવા માટે કેટલો ખર્ચ થાય છે? સ્પેસ એજન્સી દ્વારા લોન્ચ કરાયેલા તમામ રોકેટની કિંમત અલગ-અલગ છે. એક રિપોર્ટ અનુસાર ઓર્બિટલ રોકેટની કિંમત ઘણી વધારે હશે. રોકેટ લેબના ઇલેક્ટ્રોન સ્મોલસેટ લોન્ચર માટે $7.5 મિલિયન અમેરિકી ડૉલર, ફાલ્કન 9 લોન્ચ માટે $67 મિલિયન અમેરિકી ડૉલર, ડેલ્ટા IV હેવી માટે $350 મિલિયનનો ખર્ચ અને SLS માટે 4.1 અમેરિકી ડૉલરનો ખર્ચ થાય છે.

સ્પેસમાં અગણિત સમસ્યાઓ
હવે સુનીતા વિલિયમ્સ અને બૂચ 80 દિવસથી અવકાશમાં અટવાયેલા છે. જો કે, સુનિતા વિલિયમ્સ અને બૂચ વિલ્મોર ભૂતપૂર્વ લશ્કરી પરીક્ષણ પાઇલટ છે અને ખૂબ અનુભવી છે. આ બંને અવકાશયાત્રીઓ બોઇંગ સ્ટારલાઇનર ઉડાવનાર પ્રથમ પાઇલોટ હતા. તેમણે 5 જૂને ISS માટે 8 દિવસ માટે ઉડાન ભરી હતી, પરંતુ બોઇંગ એરક્રાફ્ટની પ્રોપલ્શન સિસ્ટમમાં ખામીને કારણે તે છેલ્લા 80 દિવસથી અવકાશમાં અટવાયેલા છે. મળતી માહિતી મુજબ, આટલા લાંબા સમય સુધી અંતરિક્ષમાં રહેવાના કારણે બંને અવકાશયાત્રીઓને ઘણી સમસ્યાઓનો સામનો કરવો પડી રહ્યો છે.

આ પણ વાંચો : એક સમયે અભાવભર્યું જીવન જીવ્યા, આજે ઈન્ડસ્ટ્રીના ટોપના ફિલ્મ મેકર