Aston Martinની Valkyrie Hypercarનો મેન્ટેનન્સ ખર્ચ જ છે કરોડો, તો કિંમત કેટલી હશે?

બ્રિટન, 24 ફેબ્રુઆરી: બ્રિટિશ લક્ઝરી કાર ઉત્પાદક Aston Martinની મોંઘી Valkyrie Hypercarની જાળવણી માટે માલિકોને ભારે ખર્ચ થઈ રહ્યો છે. આ કાર ખરીદવા માટે લગભગ 3 મિલિયન ડોલર (લગભગ 25 કરોડ રૂપિયા) ખર્ચવા પડે છે અને સર્વિસિંગ પર પણ કરોડો રૂપિયા ખર્ચવામાં આવે છે. Valkyrie Hypercarના માલિકોએ 3 વર્ષમાં લગભગ $450,000 (આશરે રૂ. 3.7 કરોડ) ખર્ચવા પડશે. વોરંટી રદ થવાના જોખમને કારણે, ગ્રાહકો અન્ય જગ્યાએ વાહનની સર્વિસ કરાવી શકતા નથી.

કંપની સર્વિસિંગનો સસ્તો વિકલ્પ પણ આપી રહી છે

બ્લૂમબર્ગ ન્યૂઝના રિપોર્ટ અનુસાર, Valkyrie Hypercar માલિકો થોડી સસ્તી સર્વિસ સ્કીમ પણ પસંદ કરી શકે છે, પરંતુ આ માટે પણ તેમણે 3 વર્ષ માટે $340,000 (લગભગ 2.8 કરોડ રૂપિયા) ચૂકવવા પડશે. એવું કહેવામાં આવી રહ્યું છે કે Aston Martin તેના નુકસાનને ઓછું કરવા માટે મોંઘી સેવા આપી રહી છે. કંપનીના પ્રવક્તાએ કહ્યું કે વધુ સસ્તું વિકલ્પો ઉપલબ્ધ છે, પરંતુ તે ગ્રાહકના કારના ઉપયોગ પર નિર્ભર કરે છે.

Valkyrie Hypercar માટે જાળવણી ખર્ચ અન્ય કેટલીક સુપરકાર્સના સેવા ખર્ચ કરતાં નોંધપાત્ર રીતે વધારે છે. સમાન કિંમતની બુગાટી ચિરોન માટે 4 વર્ષ માટે સર્વિસ ચાર્જની કિંમત લગભગ $1.7 લાખ (આશરે રૂ. 1.4 કરોડ) છે. બુગાટી વેરોન માટે 4 વર્ષની વિસ્તૃત વોરંટી લગભગ $2 લાખ (આશરે રૂ. 1.6 કરોડ) રાખવામાં આવી છે. વાલ્કીરી એ વિશ્વની સૌથી મોંઘી કાર છે. તેને ફોર્મ્યુલા 1 રેસ કારની જેમ ડિઝાઇન કરવામાં આવી છે.

‘ઇન્શાલ્લાહ, અમે તને બોમ્બથી ઉડાવી દઇશું’: કૃષ્ણ જન્મભૂમિ સમર્થકોને મળી વધુ એક ધમકી