વિધાનસભા ચૂંટણી : રાજ્યના તમામ જિલ્લા કલેકટરોની શુક્ર – શનિવારે ગાંધીનગરમાં તાલીમ

આગામી વિધાનસભાની ચૂંટણી માટે રાજ્ય ચૂંટણીપંચ દ્વારા તમામ તૈયારીઓનો ધમધમાટ શરુ કરી દીધો છે. અગાઉ રાજ્યના તમામ જિલ્લા કલેકટરોને ગાંધીનગર ખાતે બે દિવસ તાલીમ માટે બોલાવ્યા હતા આ ઉપરાંત આગામી તા. 10 ઓગષ્ટથી ફર્સ્ટ લેવલ ઇવીએમનું ચેકિંગ રાજકીય પક્ષોની હાજરીમાં હાથ ધરાશે. સાથોસાથ તા. 5 અને 6 ઓગષ્ટના રોજ ફરી રાજ્યના જિલ્લા કલેકટરોની ગાંધીનગરમાં ચૂંટણીલક્ષી તાલીમ યોજવામાં આવી છે.

દરમિયાન ચૂંટણી માટેનું સેટઅપ પણ આવી ગયું છે જેને ધ્યાનમાં રાખી તમામ ચૂંટણી સ્ટાફના તા. 1 સપ્ટેમ્બરથી કલેકટર કચેરીએ ચૂંટણીની જગ્યા માટે ઓર્ડર નીકળશે. આ ઉપરાંત ત્રણ વર્ષ થઇ ગયા હોય તેવા તમામ અધિકારીઓ, કર્મચારીઓની વતનની બહાર બદલી કરાશે. ખાસ કરી મામલતદાર, ડે. કલેકટર, કલેકટર, ડીડીઓ વગેરેનો પણ સમાવેશ કરવામાં આવ્યો છે.