અમદાવાદ: થલતેજમાં રહેતો ભૂવો અશ્વિન પંચાલ પત્ની અને બાળકોને મૂકીને બીજી મહિલા સાથે થયો ફરાર

અમદાવાદ 28 જુલાઈ 2024 :  અમદાવાદના થલતેજ વિસ્તારમાં રહેતો અશ્વિન પંચાલ નામનો ભુવો પોતાની પત્ની અને ત્રણ બાળકોને મૂકીને બીજી મહિલા સાથે ફરાર થયો હોવાના સમાચાર સામે આવી રહ્યા છે. જેમાં મહિલાને પોતાના પતિ પાસેથી સંતાન ન થતો હોવાની પીડાથી ભુવાને બતાવવા ગઈ હતી. જે તક સદુપયોગ કરતા મહિલા પણ પોતાના પતિને છોડીને ભુવા અશ્વિન પંચાલ સાથે ફરાર થઈ ગઈ હોવાથી મામલો બોડકદેવ પોલીસ સ્ટેશને પહોંચ્યો હતો.

ભૂવા અશ્વિન પંચાલને મોટા માથાઓનો સપોર્ટ છે

ભુવા સાથે ભાગી ગયેલી મહિલાનાં પતિ તેમજ ભુવાની પત્ની હાલ આ મામલે બોડકદેવ પોલીસ સ્ટેશનને ફરિયાદ નોંધાવવા પહોંચ્યા હતા. જેમાં ભાગેલી મહિલાનો પતિ પ્રદીપ પંચાલ એચડી ન્યૂઝની ટીમ સાથે વાતચીત કરતા જણાવે છે કે મારી પત્નીને બપોરે 3:30 થી લઇ 3:40 ની વચ્ચેનાં સમયગાળામાં મારી વાઈફ મારા મમ્મીને દવા લઈને આવું છું કહીને નીચે ઉતરી પરંતુ ફોન ચાલુ રાખી નીચે ઉતરતા ખબર નહિ શું થયું? મને લાગે છે તેને અગવા કરી લેવામાં આવી છે સાથે તેમણે જણાવ્યું હતું કે ભુવા અશ્વિન પંચાલને મોટા માથાઓના સપોર્ટ છે. કારણ કે ત્રણ મહિના પહેલા પણ વાડજ પોલીસ સ્ટેશનમાં મેં ફરિયાદ આપી હતી પરંતુ એફઆઇઆર નોંધવામાં આવી ન હતી, અને ત્યારથી લઈને અત્યાર સુધી સમય ખેંચી લેવામાં આવ્યો જેના કારણે આ બનાવ બન્યો છે. સાથે તેણે પોતાની પત્નીને ભગાડી ગયેલા ભુવા અશ્વિન પંચાલ દ્વારા “તને ખબર નથી હું કોણ છું” તેવી ધમકીઓ અપાઈ રહી હતી તેવો આક્ષેપ ફરાર થયેલી મહિલાના પતિએ કર્યો છે.

મારા પતિ પર સ્ત્રીને લઈને ફરાર થઇ ગયાં: પત્ની

ભુવા અશ્વિન પંચાલના પત્ની જ્યોત્સના પંચાલ એચડી ન્યૂઝની ટીમ સાથે વાતચીત કરતા જણાવ્યું હતું કે મારા પતિ અશ્વિન પંચાલ ઘરેથી પર સ્ત્રીને લઈને ફરાર થઈ ગયા છે. એમનો ફોન પણ બંધ આવે છે રિસીવ નથી થતો, સાથે તેમણે જણાવ્યું હતું કે તેઓ નાનું મોટું દલાલીનું કામ કરતા હતા અને દર રવિવારે અને ગુરુવારે ભુવાજીની બેઠકનું કામ કરતા, જોકે બોડકદેવ પોલીસ સ્ટેશનને ભુવાની પત્નીએ ન્યાયની માંગણી કરતા કહ્યું કે મારા ત્રણ બાળકો છે તેથી આ અંગે મને પોલીસ ન્યાય અપાવે અને મારા પતિને પાછો લાવે

આ પણ વાંચો : અમદાવાદ : “રીક્ષા ભરો આંદોલન” ની ચીમકી,સફેદ નંબર પ્લેટ વાળી પેસેન્જર ભાડા માટે ચાલતી ટુ વ્હીલર બંધ કરવાની માંગ