તેલંગણાના સીએમ કેસીઆરની BRS પાર્ટીની જાહેર સભામાં દિલ્હીના મુખ્યમંત્રી અરવિંદ કેજરીવાલે કહ્યું કે PM મોદી પરેશાન કરી રહ્યા છે.
Addressing a public meeting in Khammam, Telangana | LIVE https://t.co/vj5SlbaQTq
— Arvind Kejriwal (@ArvindKejriwal) January 18, 2023
દિલ્હીના મુખ્યમંત્રી અરવિંદ કેજરીવાલે કહ્યું, “જ્યારે હું ધોરણ 10માં ભણતો હતો, ત્યારે મેં સાંભળ્યું હતું કે કેરળમાં શાળાઓ સારી છે. દેશની તમામ શાળાઓ અત્યારસુધી સારી કેમ નથી બની? તામિલનાડુના રાજ્યપાલ એમકે સ્ટાલિનને પરેશાન કરી રહ્યા છે, દિલ્હીના એલજી મને પરેશાન કરી રહ્યા છે. આ રાજ્યપાલો મુખ્યમંત્રીઓને પરેશાન કરી રહ્યા છે. રાજ્યપાલ નહીં પરંતુ પીએમ મોદી તેમને પરેશાન કરી રહ્યા છે.” આ સિવાય તેમણે કહ્યું કે આ દેશમાં પહેલીવાર નેતાઓ એક સાથે આવી રહ્યા છે. તેમણે દાવો કર્યો હતો કે અખિલેશ યાદવ જેવા નેતાઓ તેમની સાથે છે.
PM મોદી 24 કલાક શું વિચારે છે?
સીએમ અરવિંદ કેજરીવાલે કહ્યું કે પીએમ મોદીને વધતી બેરોજગારી સાથે કોઈ લેવા-દેવા નથી. તેઓ 24 કલાક વિચારે છે કે મુખ્યમંત્રીઓને કેવી રીતે પરેશાન કરવા? તેઓ વિચારે છે કે કોઈપણ પક્ષના ધારાસભ્ય કે સાંસદને કેવી રીતે ખરીદવા. હવે દેશ પરિવર્તનની માંગ કરી રહ્યો છે.
“દિલ્હીની સ્કૂલો જોઈ તમિલનાડુની સ્કૂલો સુધારી”
દિલ્હીના મુખ્યમંત્રી અરવિંદ કેજરીવાલે કહ્યું કે તમિલનાડુના સીએમ એમકે સ્ટાલિન દિલ્હીમાં અમારી શાળાઓ જોવા આવ્યા હતા અને પાછા ગયા પછી તેમણે તેમના રાજ્યની શાળાઓ સુધારી કરી હતી. આ પછી મને શાળાના ઉદ્ઘાટન માટે બોલાવવામાં આવ્યો. અમે બધા સવારથી ચર્ચા કરી રહ્યા છીએ કે શાળાઓ કેવી રીતે સારી રહેશે.
અરવિંદ કેજરીવાલે આ દાવો કર્યો
દિલ્હીના સીએમ અરવિંદ કેજરીવાલે દાવો કર્યો છે કે મોટા લોકો તેમના બાળકોને સરકારી શાળાઓમાં દાખલ કરાવી રહ્યા છે. તેમણે કહ્યું કે દેશને આઝાદી મળ્યાને 75 વર્ષ થઈ ગયા છે, પરંતુ આપણે કેમ પાછળ રહી ગયા. આપણે પાછળ રહી ગયા કારણ કે આપણા દેશની રાજનીતિ અને નેતાઓ ખરાબ છે. અમે સાથે મળીને દેશના વિકાસની ચર્ચા કરી રહ્યા છીએ.
પંજાબના સીએમ ભગવંત માને કહ્યું કે ડોનાલ્ડ ટ્રમ્પની પત્ની મેલાનિયા ટ્રમ્પ સરકારી શાળા જોવા માંગતી હતી, તો ભાજપે ‘કેજરીવાલ વાળી સ્કૂલ’ બતાવી. ભાજપ એટલે કે ભારતીય જુમલા પાર્ટી દેશને ગેરમાર્ગે દોરી રહી છે. જ્યાં ભાજપ ચૂંટણી જીતી શકતું નથી ત્યાં પેટાચૂંટણી કરાવે છે અથવા ધારાસભ્યોને ખરીદે છે.
