દિલ્હીના સીએમ અરવિંદ કેજરીવાલની આગેવાનીમાં લેફ્ટનન્ટ ગવર્નર વીકે સક્સેના પર સરકારના કામમાં દખલ કરવાનો આરોપ લગાવતા ધારાસભ્યોએ વિધાનસભાથી એલજીની ઓફિસ સુધી કૂચ કરી હતી. આ સાથે કેજરીવાલે વિધાનસભામાં પણ LG પર નિશાન સાધ્યું હતું.
મુખ્યમંત્રી અરવિંદ કેજરીવાલે વિધાનસભામાં દાવો કર્યો હતો કે એલજી વીકે સક્સેનાએ તેમને એક મીટિંગમાં કહ્યું હતું કે MCDમાં ભાજપને 20 બેઠકો નથી મળી રહી, મારા કારણે તેને 104 મળી છે. આગામી લોકસભામાં ભાજપ 7 સીટો જીતશે અને તમને વિધાનસભાની ચૂંટણી જીતવા નહીં દઉ.
AAPએ શું દાવો કર્યો?
મુખ્યમંત્રી અરવિંદ કેજરીવાલે દાવો કર્યો હતો કે સક્સેનાએ શાળાના શિક્ષકોને તાલીમ માટે ફિનલેન્ડ મોકલવાના રાજ્ય સરકારના પ્રસ્તાવને ફગાવી દીધો હતો, પરંતુ એલજીની ઓફિસે આ આરોપને નકારી કાઢ્યો હતો. તેણે એમ પણ કહ્યું કે જીવનમાં કંઈ પણ કાયમી નથી. આવતીકાલે અમે કેન્દ્રમાં સત્તામાં પણ આવી શકીએ છીએ, અમારી પાસે લેફ્ટનન્ટ ગવર્નર પણ હશે. અમારી સરકાર જનતાને પરેશાન કરશે નહીં. તેમણે કહ્યું કે LG પાસે પોતાની રીતે નિર્ણય લેવાનો અધિકાર નથી.
SHOCKING‼️ CM को LG ने खुलेआम धमकी दी‼️
"BJP की MCD में 20 सीट नहीं आ रही थी, मेरी वजह से 104 आई"- LG
"Lok Sabha की 7 Seat BJP की आएगी और तुम्हें विधानसभा चुनाव जीतने नहीं दूंगा"
LG, Delhi को ठप कर AAP को बदनाम करने आये हैं।
-CM @ArvindKejriwal pic.twitter.com/vawjxCD54V
— AAP (@AamAadmiParty) January 17, 2023
‘સરમુખત્યારશાહી સહન નહીં કરીએ’
મુખ્યમંત્રી અરવિંદ કેજરીવાલે કહ્યું કે દિલ્હી ‘તાનાશાહી’ સહન કરશે નહીં. બાદમાં તેમણે એવો પણ દાવો કર્યો હતો કે તેમની સરકાર કોઈપણ ભોગે શિક્ષકોને તાલીમ માટે મોકલવાનું ચાલુ રાખશે. દિલ્હી વિધાનસભાના સત્રના પ્રથમ દિવસની કાર્યવાહી આખા દિવસ માટે સ્થગિત કરવામાં આવી હતી, કારણ કે ‘AAP’ ધારાસભ્યો વારંવાર સ્પીકરની બેઠક નજીક આવી રહ્યા હતા અને એલજી વિરુદ્ધ સૂત્રોચ્ચાર કરી રહ્યા હતા.
‘દિલ્હીના લોકોનું અપમાન કર્યું’
મીડિયા સાથે વાત કરતા કેજરીવાલે કહ્યું, “તે દુર્ભાગ્યપૂર્ણ છે કે એલજી વીકે સક્સેનાએ મુખ્યમંત્રી, નાયબ મુખ્યમંત્રી, મંત્રીઓ અને ધારાસભ્યોને મળવાનો ઇનકાર કર્યો છે. અમે બહુ નાના લોકો છીએ, પરંતુ અમે દિલ્હીના બે કરોડ લોકોનું પ્રતિનિધિત્વ કરીએ છીએ. એલજીએ એક રીતે દિલ્હીની જનતાનું અપમાન કર્યું છે.
