સુપરસ્ટાર સિંગર- 3ના વિનર બન્યા અથર્વ-અવિર્ભવ, 10 લાખનું મળ્યું ઇનામ

મુંબઈ, 5 ઓગસ્ટ, અવિર્ભવ એસ અને અથર્વ બક્ષી સોની એન્ટરટેઈનમેન્ટ ટેલિવિઝનના સિંગિંગ રિયાલિટી શો ‘સુપરસ્ટાર સિંગર‘ની સીઝન 3 ના વિજેતા બન્યા છે. સુપરસ્ટાર સિંગર 3નો ગ્રાન્ડ ફિનાલે 04 ઓગસ્ટ રવિવારના રોજ યોજાયો હતો. શોના ગ્રાન્ડ ફિનાલેમાં નવ ટોચના સ્પર્ધકોએ ભાગ લીધો હતો. આ સિઝનમાં પ્રથમ વખત બે વિજેતાઓની જાહેરાત કરવામાં આવી હતી. કેરળના અવિર્ભવ એસ અને ઝારખંડના અથર્વ બક્ષીએ સુપરસ્ટાર સિંગર 3નો ખિતાબ જીત્યો. ટ્રોફીની સાથે બંને બાળકોને ઈનામી રકમમાં 10-10 લાખ રૂપિયા મળ્યા છે.

સિંગિંગ રિયાલિટી શો ‘સુપરસ્ટાર સિંગર’ની સીઝન 3માં લગભગ 5 મહિના પછી તેનો વિજેતા મળ્યો છે. અથર્વ બક્ષી અને અવિર્ભવ એસને શોના વિજેતા જાહેર કરવામાં આવ્યા હતા. બંનેને ઈનામી રકમ તરીકે 10 લાખ રૂપિયા મળ્યા હતા. વિજય બાદ બંને નાના બાળકોએ તેઓ મોટા થઈને શું બનવા માંગે છે તે વિશે વાત પણ કરી હતી. બિગ બોસ ઓટીટી સુપરસ્ટાર સિંગર 3 ની ગ્રાન્ડ ફિનાલે 4 ઓગસ્ટના રોજ થઈ હતી. ગ્રાન્ડ ફિનાલેમાં તમામ સ્પર્ધકો તેમના પરફોર્મન્સથી નિર્ણાયકોનું દિલ જીતતા જોવા મળ્યા હતા. અવિર્ભાવ અને અથર્વ તેમની સિંગિગથી શોના નિર્ણાયકો, સેલેબ્સ અને લોકોના દિલ જીતતા રહ્યા. મહિનાઓની મહેનત રંગ લાવી. આખરે બંનેનું સિંગિંગ શો જીતવાનું સપનું પૂરું થયું.

પહેલીવાર આ રિયાલિટી શોમાં બે વિનર હતા. ટ્રોફી ઉપરાંત, યંગ ચેમ્પિયન્સને 10-10 લાખ રૂપિયા આપવામાં આવ્યા હતા. ઓડિશનથી જ, હજારીબાગના 12 વર્ષના અથર્વ બક્ષીએ પોતાના અભિનયથી બધાને ચોંકાવી દીધા હતા. નેહા કક્કર શોની સુપર જજ હતી,નેહા કક્કરે તેમની સરખામણી અરિજિત સિંહ સાથે કરી હતી અને મહાન સંગીતકાર લક્ષ્મીકાંત તેમની ગાયકીથી પ્રભાવિત થયા હતા.

અવિર્ભવ એસએ ટ્રોફી જીત્યા બાદ શું કહ્યું?
અવિર્ભવ એસએ કહ્યું, ‘હું હજુ પણ વિશ્વાસ નથી કરી શકતો કે હું જીતી ગયો છું. હું નેહા કક્કર મેડમ, અરુણિતા દી અને મને ટેકો આપનાર દરેકનો આભાર માનું છું. હું સખત મહેનત કરવાનું વચન આપું છું અને તમને બધાને ગૌરવ અપાવું છું. હું મોટો થઈને અરિજીત સિંહ જેવો બનવા ઈચ્છું છું. અરુણિતા કાંજીલાલ, પવનદીપ રાજન, મોહમ્મદ દાનિશ, સયાલી કાંબલે અને સલમાન અલીએ આ બાળકો માટે માર્ગદર્શક તરીકે કામ કર્યું હતું.

જીત બાદ અથર્વ બક્ષીએ શું કહ્યું?
‘સુપરસ્ટાર સિંગર 3’ જીતવા પર અથર્વ બક્ષીએ કહ્યું, ‘તે એક સ્વપ્ન સાકાર થવા જેવું લાગે છે. હું મારા પરિવારનો તેમના અતૂટ સમર્થન અને પ્રેમ માટે આભાર માનું છું. હું મારા માર્ગદર્શક પવનદીપ ભૈયાનો પણ આભારી છું કે જેમણે મારામાં વિશ્વાસ કર્યો અને મને દરેક પસાર થતા દિવસ સાથે વધુ સારા કલાકાર બનવા માટે માર્ગદર્શન આપ્યું.

આ પણ વાંચો..બિગ બોસ ઓટીટી 3 વિજેતા બની સના મકબૂલ, ટ્રોફી સાથે જીત્યા 25 લાખ રૂપિયા