‘અગ્નવીર’ કે ‘જાતિવીર’ ? વકર્યો વિવાદ, જાણો- શું છે સત્ય ?
કેન્દ્ર સરકાર દ્વારા જાહેર કરાયેલી અગ્નિપથ યોજનાને લઈને વિવાદ વધ્યો છે. આ યોજના હેઠળ ભરતીમાં જાતિ પ્રમાણપત્ર અને ધર્મ પ્રમાણપત્રની માંગ પર સવાલ ઉઠાવતા આમ આદમી પાર્ટીના સાંસદ સંજય સિંહે સરકારને ઘેરી છે. આ દરમિયાન સેનાએ પણ એક નિવેદન જારી કરીને આ મુદ્દે પોતાની સ્પષ્ટતા આપી છે. સેના તરફથી કહેવામાં આવ્યું છે કે અગાઉ પણ તમામ આર્મી ભરતીમાં આવું થતું હતું. ઉમેદવારોએ તેમનું જાતિ પ્રમાણપત્ર અને ધર્મનું પ્રમાણપત્ર આપવાનું હતું. આ માત્ર અગ્નિપથ યોજનાના સંદર્ભમાં જ કરવામાં આવ્યું નથી.
AAP સાંસદ સંજય સિંહે આ યોજનામાં જાતિ પ્રમાણપત્ર માંગવા પર કેન્દ્રની મોદી સરકાર પર પ્રહારો કર્યા હતા. તેમણે ટ્વિટ કરી લખ્યું, ‘મોદી સરકારનો ગરીબ ચહેરો દેશની સામે આવી ગયો છે. શું મોદીજી દલિતો/પછાત/આદિવાસીઓને સેનામાં ભરતી માટે લાયક નથી માનતા ? ભારતના ઈતિહાસમાં પહેલીવાર સેનાની ભરતીમાં જાતિ પૂછવામાં આવી રહી છે. મોદીજી, તમારે ‘અગ્નવીર’ બનાવવા છે કે ‘જાતિવીર’ ?
The Army, in an affidavit filed before the SC in 2013, has made it clear that it does not recruit on the basis of caste, region and religion. It however justified grouping of people coming from a region in a regiment for administrative convenience and operational requirements… https://t.co/kYLZcC8THO
— Amit Malviya (@amitmalviya) July 19, 2022
ભાજપે કર્યો વળતો પ્રહાર
સંજય સિંહની આ ટિપ્પણી બાદ ભાજપે પણ વળતો પ્રહાર કર્યો છે. ભાજપના સોશિયલ મીડિયા સેલના વડા અમિત માલવિયાએ ટ્વીટ કર્યું છે કે-2013માં ભારતીય સેના વતી સુપ્રીમ કોર્ટમાં સ્પષ્ટતા કરવામાં આવી હતી કે જાતિ, ધર્મ અને ક્ષેત્રના આધારે કોઈ ભરતી કરવામાં આવતી નથી. તેમણે કહ્યું કે સેનાએ એ પણ જાણ કરી હતી કે કોઈપણ રેજિમેન્ટમાં કોઈપણ એક વિસ્તારના વધુ લોકોને રાખવાનું કામ વહીવટી સુવિધા અને કામની જરૂરિયાતને કારણે કરવામાં આવે છે.
