આર્મીમાંથી નિવૃત્ત થયેલો શ્વાન ફર્સ્ટ એસીમાં ઘરે પહોંચ્યો, વાયરલ વીડિયો જોઈને યુઝર્સે કરી સલામી
- શ્વાનનું નિવૃત્તિ પછીનું સન્માન જોઈને લોકો થયા આશ્ચર્યચકિત
રિટાયરમેન્ટ હોમ પહોંચવા માટે ટ્રેનના ફર્સ્ટ એસી કોચમાં કરી મુસાફરી
મેરઠ,20 મે: હવે ભારતીય સેનાના એક શ્વાનનું નિવૃત્તિ પછીનું સન્માન જોઈને લોકો આશ્ચર્યચકિત થઈ ગયા છે. આર્મી ડોગ મેરુ મેરઠમાં પોતાના રિટાયરમેન્ટ હોમ પહોંચવા માટે ટ્રેનના પહેલા એસી કોચમાં મુસાફરી કરી રહ્યો છે.
સમાજમાં યોગદાન આપ્યા પછી મળતું સન્માન મનુષ્ય અને પ્રાણીઓમાં ભેદ રાખતું નથી. તાજેતરમાં, ઓસ્કાર એવોર્ડ શો અને કાન્સ ફિલ્મ ફેસ્ટિવલમાં એક શ્વાનને અને પછી વર્મોન્ટ સ્ટેટ યુનિવર્સિટીમાંથી ડોક્ટર ઓફ લિટરેચરની માનદ પદવી મેળવનાર બિલાડીને જોઈને લોકો આશ્ચર્યચકિત થઈ ગયા હતા. હવે ભારતીય સેનાના એક શ્વાનનું નિવૃત્તિ પછીનું સન્માન જોઈને લોકો આશ્ચર્યચકિત થઈ ગયા છે. આર્મી ડોગ મેરુ મેરઠમાં પોતાના રિટાયરમેન્ટ હોમ પહોંચવા માટે ટ્રેનના એસી ફર્સ્ટ કોચમાં મુસાફરી કરી રહ્યો છે.
ટ્રેનના ફર્સ્ટ એસી કોચમાં આરામ અને સ્ટાઈલમાં મુસાફરી
વાસ્તવમાં, 22 આર્મી ડોગ યુનિટનો આર્મી ડોગ મેરુ તાજેતરમાં જ પોતાની નિવૃત્તિની યાત્રાથી ઓનલાઈન યુઝર્સના દિલ જીતી રહ્યો છે. વાયરલ થઈ રહેલા વીડિયોમાં મેરુ રિટાયરમેન્ટ બાદ ટ્રેનના ફર્સ્ટ એસી કોચમાં ખૂબ જ આરામદાયક અંદાજમાં મુસાફરી કરતી જોવા મળે છે. 9 વર્ષનો મેરુ વફાદાર ટ્રેકર ડોગ તરીકે સમર્પિત કારકિર્દી પછી નિવૃત્ત થયો છે. મેરઠમાં નિવૃત્તિ ગૃહ સુધીની તેની મુસાફરી દર્શાવતી એક વાયરલ પોસ્ટે ઘણાને પ્રભાવિત કર્યા છે.
મેરુ તેનો બાકીનો સમય ડોગ્સ રિટાયરમેન્ટ હોમમાં વિતાવશે.
ટ્રેનના ફર્સ્ટ એસી કોચમાં મેરુની મુસાફરીના વાયરલ થયેલા વીડિયોના કેપ્શનમાં લખ્યું છે, ” 22 આર્મી ડોગ યુનિટનો આર્મી ટ્રેકર ડોગ મેરુ, નિવૃત્તિ પર મેરઠ માટે ટ્રેનમાં ચડ્યો. તે તેના બાકીના દિવસો રિમાઉન્ટ અને વેટરનરી કોર્પ્સ(આરવીસી) સેન્ટરના ડોગ્સ રિટાયરમેન્ટ હોમમાં વિતાવશે. સંરક્ષણ મંત્રાલયે તાજેતરમાં સર્વિસ ડોગ્સને તેમના હેન્ડલર સાથે એસી ફર્સ્ટ ક્લાસમાં મુસાફરી કરવાની મંજૂરી આપી છે.”
Army Tracker Dog Meru from the 22 Army Dog Unit boarded a train to Meerut on retirement. He will spend the rest of his days at the Dogs Retirement Home at the Remount and Veterinary Corps (RVC) Center.
He is travelling AC first class. The Ministry of Defence recently permitted… pic.twitter.com/wy4mcXdDyA— Ashok Bijalwan अशोक बिजल्वाण 🇮🇳 (@AshTheWiz) May 18, 2024
સંરક્ષણ મંત્રાલયની તાજેતરની પહેલનો એક ભાગ
આ વિશેષ વ્યવસ્થા સંરક્ષણ મંત્રાલયની તાજેતરની પહેલનો એક ભાગ છે, જે હવે નિવૃત્તિ પછી સર્વિસ ડોગ્સને એસી ફર્સ્ટ ક્લાસમાં તેમના હેન્ડલર્સ સાથે તેમના નિવૃત્તિ ઘરોમાં મુસાફરી કરવાની મંજૂરી આપે છે. વિભાગીય નીતિમાં આ ફેરફાર એ પ્રાણીઓ માટે આદર અને કૃતજ્ઞતા દર્શાવે છે જેમણે રાષ્ટ્રની સેવામાં પોતાનું જીવન સમર્પિત કર્યું છે.
મેરુના વર્ષોના સમર્પણ અને પરિશ્રમનું ફળ
મેરઠના RVC સેન્ટર ખાતે ડોગ્સના નિવૃત્તિ ગૃહમાં મેરુની ખૂબ જ આરામદાયક મુસાફરી એ તેના વર્ષોના સમર્પણ અને સખત મહેનતનું પરિણામ છે. મેરુની નિવૃત્તિ પ્રવાસની વાર્તા ઘણા વપરાશકર્તાઓને પસંદ આવી રહી છે. માઈક્રો બ્લોગિંગ સાઈટ X (અગાઉ ટ્વિટર) પર પોસ્ટ કરવામાં આવેલ આ વિડિયો જોયા બાદ ઓનલાઈન યુઝર્સે તેને ખૂબ લાઈક અને શેર કર્યો છે. લોકોએ ગર્વ છે, સલામ અને શુભ સેવાનિવૃત્તિ, મેરુ! જેવી કોમેન્ટ્સ કરીને અનેક પ્રતિક્રિયાઓ આપી છે.
