અનંતનાગમાં ચોથા દિવસે પણ સેનાનું ઓપરેશન જારીઃ શહીદોની વિદાય, માહોલ ગમગીન
- કાશ્મીરના અનંતનાગ એન્કાઉન્ટરમાં વધુ એક જવાન શહીદ
- ચોથા દિવસે પણ સર્ચ ઓપરેશન યથાવત
- આ એન્કાઉન્ટરમાં અત્યાર સુધીમાં કુલ ચાર જવાન શહીદ થયા
દક્ષિણ કાશ્મીરના અનંતનાગમાં સેના દ્વારા સતત ચાલી રહેલા સર્ચ ઓપરેશનમાં વધુ એક જવાન શહીદ થયો હતો જ્યારે બે જવાન ઘાયલ થયા હતા જેને તાત્કાલિક હોસ્પિટલમાં દાખલ કરવામાં આવ્યા હતા. બુધવારથી શરુ થયેલા સર્ચ ઓપરેશનમાં અત્યાર સુધીમાં ચાર જવાન શહીદ થયા છે. જંગલમાં ડ્રોનથી દેખરેખ રાખવામાં આવી રહી છે. અત્યાર સુધી પાંચ જવાન ઘાયલ થયા છે.
સખત જવાબ અપાશેઃ અનુરાગ ઠાકુર
અનંતનાગ એન્કાઉન્ટર પર કેન્દ્રીય પ્રધાન અનુરાગ ઠાકુરે કહ્યુ કે આ ખૂબ જ દુખદ ઘટના છે. તેનો સખત શબ્દોમાં જવાબ આપવામાં આવશે. જમ્મુ-કાશ્મીરે કોંગ્રેસને આર્ટિકલ 370 આપી અને તેના કારણે અત્યાર સુધી 40,000 લોકો જીવ ગુમાવી ચુક્યા છે. અમે છેલ્લા નવ વર્ષોમાં પાકિસ્તાન દ્વારા કરાયેલા આતંકવાદ વિરુદ્ધ કાર્યવાહી કરી છે અને તેમાં અનેક આતંકવાદી માર્યા ગયા છે.
#WATCH मोहाली, पंजाब: अनंतनाग मुठभेड़ में शहीद कर्नल मनप्रीत सिंह को राजकीय सम्मान के साथ अंतिम विदाई दी गई। pic.twitter.com/bWjzoN0irp
— ANI_HindiNews (@AHindinews) September 15, 2023
શહીદ કર્નલ મનપ્રીત સિંહને ભીની આંખે અંતિમ વિદાય
અનંતનાગની અથડામણમાં શહીદ થયેલા કર્નલ મનપ્રીત સિંહને મોહાલીમાં રાજકીય સન્માન સાથે અંતિમ વિદાય આપવામાં આવી છે. પંજાબના રાજ્યપાલ બનવારીલાલ પુરોહિતે કર્નલ મનપ્રિતસિંહના પાર્થિવ દેહને પુષ્પચક્ર ચઢાવ્યુ અને તેમને શ્રદ્ધાંજલિ આપી છે. પંજાબના મોહાલીમાં કર્નલ સિંહના પૈતૃત ગામ મુલ્લાંપુર ગરીબદાસમાં તેમને અંતિમ વિદાય આપવામાં આવી છે.
#WATCH कर्नल मनप्रीत सिंह की पत्नी जगमीत कौर ने हाथ जोड़कर उन्हें अंतिम विदाई दी। कर्नल मनप्रीत सिंह ने जम्मू-कश्मीर के अनंतनाग में आतंकवादियों से लड़ते हुए ड्यूटी के दौरान वीरगति को प्राप्त हुए थे।
पंजाब के मोहाली में कर्नल सिंह के पैतृक गांव मुल्लांपुर गरीबदास के दृश्य। pic.twitter.com/20J7XtIfu6
— ANI_HindiNews (@AHindinews) September 15, 2023
મેજર આશિષ ઘૌંચકની અંતિમ યાત્રામાં આખુ ગામ ઉમટ્યુ
કાશ્મીરના અનંતનાગમાં 13 સપ્ટેમ્બરે આતંકવાદીઓ સાથેની અથડામણમાં શહીદ થયેલા મેજર આશિષ ધૌંચકના અંતિમ સંસ્કાર તેમના વતન બિંજૌલ ગામમાં કરવામાં આવ્યા હતા. મેજર આશિષને તેમના ભાઈ મેજર વિકાસે મુખાગ્નિ આપ્યો હતો. અંતિમ સંસ્કાર પહેલા મેજર આશિષને સૈન્ય સન્માન સાથે શીખ રેજિમેન્ટના જવાનોએ ગનથી સલામી આપી હતી. મેજર આશિષનો પાર્થિવ દેહ પાણીપતથી તેમના વતન બિંજૌલ ગામ લવાયો હતો. એક કિલોમીટર લાંબો કાફલો તેમની અંતિમ યાત્રામાં જોડાયા હતા. લગભગ 10 હજાર જેટલા લોકો જોડાયા હતા. શહીદને અંતિમ વિદાય આપવા માટે લોકોની ભારે ભીડ ઊમટી હતી.
જે ઘરનું સપનુ જોયું હતું, સૌપ્રથમ આશિષના મૃતદેહને તે ઘરે લવાયો
શહીદ મેજર આશિષના પાર્થિવ દેહને 15 સપ્ટેમ્બરે સવારે પાણીપતના TDI સિટીમાં તેમના નવા ઘરે લાવવામાં આવ્યો હતો. જે ઘરને આશિષ બે વર્ષથી બનાવી રહ્યા હતા. આ ઘરમાં તેઓ ઓક્ટોબરમાં તેના જન્મદિવસે ગૃહ પ્રવેશ કરવાના હતા. આજે તેમના પાર્થિવ દેહને એ જ ઘરમાં લાવવામાં આવ્યો હતો.
શહીદ મેજરની બહેને કહ્યું- મારો ભાઈ અમારું અને દેશનું ગૌરવ
અંતિમ યાત્રા દરમિયાન શહીદ મેજર આશિષની બહેને કહ્યું કે મારો ભાઈ અમારું અને દેશનું ગૌરવ છે. તેમના માતા સતત હાથ જોડી રહ્યા હતા, જ્યારે બહેન પોતાના ભાઈને સલામી આપી રહી હતી.
સેના દ્વારા સર્ચ ઓપરેશન હજુ પણ ચાલુ
જમ્મુ કાશ્મીરના અનંતનાગના કોકરનાગ વિસ્તારમાં સેના દ્વારા સતત ચાલી રહેલા સર્ચ ઓપરેશનમાં વધુ એક જવાન શહીદ થયો હતો. આ જવાન ગઈકાલે એન્કાઉન્ટર દરમિયાન ઘાયલ થયો હતો. આ શહીદ થયેલા મેજર આશિષ ઢોંચકના પાર્થિવ દેહને તેમના નિવાસ્થાને લાવવામાં આવ્યો હતો. સુત્રોમાંથી મળતી માહિતી મુજબ અનંતનાગના કોકરનાગ વિસ્તારમાં સેનાનું સર્ચ ઓપરેશન હજુ પણ ચાલુ છે.
આ પણ વાંચોઃ પતિ અન્ય મહિલા સાથે રહે તે ક્રુરતા નહીંઃ દિલ્હી હાઇકોર્ટે કેમ આપ્યો આ ચુકાદો?
