જમ્મુ-કાશ્મીરમાં આર્મી કેપ્ટન શહીદ, આતંકવાદીઓ અને સુરક્ષા દળો વચ્ચે અથડામણ ચાલુ
- જમ્મુ-કાશ્મીરમાં આતંકીઓને ખતમ કરવા માટે સેનાનું ઓપરેશન ચાલુ છે. આ દરમિયાન ડોડામાં સુરક્ષાદળો અને આતંકવાદીઓ વચ્ચેની અથડામણમાં સેનાના એક કેપ્ટનના શહીદ થયાના સમાચાર છે
ડોડા, 14 ઓગસ્ટ: જમ્મુ-કાશ્મીરના ડોડા જિલ્લામાં આતંકવાદીઓ વિરુદ્ધ ચાલી રહેલા ઓપરેશન દરમિયાન ભારતીય સેનાના એક અધિકારીના શહીદ થવાના સમાચાર છે. સૂત્રોના જણાવ્યા પ્રમાણે સેનાની 48 રાષ્ટ્રીય રાઈફલ્સમાં તૈનાત કેપ્ટન દીપક સેનાના ઓપરેશન દરમિયાન શહીદ થયા છે. સેનાના જણાવ્યા અનુસાર આ વિસ્તારમાં હજુ પણ ઓપરેશન ચાલુ છે. જોકે, સેનાએ હજુ સુધી કેપ્ટનના શહીદ થયાની પુષ્ટિ કરી નથી.
A Captain of the Indian Army from the 48 Rashtriya Rifles was killed in action during the ongoing Op Assar in Doda district. Operations are still in progress: Defence officials pic.twitter.com/i40wzOrJrj
— ANI (@ANI) August 14, 2024
છુપાયેલા આતંકવાદીઓની શોધમાં સેનાનું ઓપરેશન
ડોડામાં એક એન્કાઉન્ટર બાદ આજે વિસ્તારને ઘેરીલેવામાં આવ્યો છે અને છુપાયેલા આતંકીઓને પકડવા માટે સર્ચ ઓપરેશન શરૂ કરવામાં આવ્યું છે. એવું માનવામાં આવે છે કે તેઓ શિવગઢ-અસાર પટ્ટામાં ક્યાંક છુપાયેલા છે. બુધવારે સુરક્ષા દળો અને અજાણ્યા આતંકવાદીઓ વચ્ચેની અથડામણમાં એક આતંકવાદી ઘાયલ થયો હતો.
M4 રાઈફલ મળી, લોહીના ડાઘા અને ત્રણ બેગ મળી
સેનાએ આતંકી પાસેથી M4 રાઈફલ કબજે કરી છે. તે જ સમયે, સેનાને વિસ્તારમાં લોહીના ડાઘા મળ્યા હતા અને ત્રણ બેગ પણ જપ્ત કરવામાં આવી હતી. સેનાના જણાવ્યા અનુસાર આતંકવાદીઓ અસારના નદી કિનારા વિસ્તારમાં છુપાયેલા છે. આતંકીઓની શોધ દરમિયાન સેના અને આતંકીઓ વચ્ચે ભીષણ અથડામણ થઈ હતી. આ એન્કાઉન્ટરમાં સેનાના કેપ્ટન શહીદ થયાના સમાચાર છે.
આ પણ વાંચો: સ્વતંત્રતા દિવસે 1037 લોકોને મળશે વીરતા અને સેવા મેડલ, જૂઓ અહીં લિસ્ટ
