અરિજિતના કોન્સર્ટ દરમિયાન ભાવુક થઈ યુવતી, સિંગરે શું કર્યું, જૂઓ વીડિયો
લંડન, 18 સપ્ટેમ્બર: અરિજિત સિંહના લંડન કોન્સર્ટની એક ખૂબ જ ઈમોશનલ ક્લિપ સામે આવી છે, જેમાં તે હજારો ફેન્સની સામે પરફોર્મ કરતો જોવા મળી રહ્યો છે. જ્યારે સ્ટેજ પરના સ્ટાર્સ સામાન્ય રીતે ફક્ત તેમના પોતાના પ્રદર્શન પર ધ્યાન કેન્દ્રિત કરે છે ત્યારે અરિજિત સિંહ એક એવો સિંગર છે જે ગીતની સાથે તેમના ચાહકો પર પણ નજર રાખે છે. આવો જ એક ઈમોશનલ વીડિયો સામે આવ્યો છે જેમાં તેની એક ફેન ઓડિયન્સમાં ઊભી રહીને રડી રહી છે.
મળતી માહિતી મુજબ આ ફેનનું નામ આરતી ખેતરપાલ છે, જે અરિજીતનું પરફોર્મન્સ જોઈને સતત રડી રહી હતી. હજારોની ભીડમાં અરિજિતની નજર તેના પર પડી અને તે પછી તેણે જે કર્યું તે હવે દુનિયાભરના લોકોના દિલ જીતી રહ્યું છે.
રડતી ફેનને જોઈને અરિજિત થોડીવાર માટે જમીન પર બેસી ગયો
આ વીડિયોમાં એક હાર્ટટચિંગ મુમેન્ટ પણ કેપ્ચર કરવામાં આવી છે જેમાં અરિજિત તેના ફેન્સને નિરાશ જોઈને તેનું પર્ફોમન્સ રોકે છે. જ્યારે તેણે ‘રોકી ઔર રાની કી પ્રેમ કહાની’નું ‘વે કમલિયા’ ગાયું ત્યારે ફેન તેના કેટલાક જૂના સંબંધોને યાદ કરીને ભાવુક થઈ ગઈ અને રડવા લાગી હતી. સ્ટેજ પર પર્ફોમ કરી રહેલા અરિજિતની નજર તેના પર પડે છે અને અરજી યુવતીની લાગણીઓને સમજવાની કોશિશ કરે છે. આ પછી તે લાપતા લેડિઝનું ‘સજની’ ગાઈને સાંત્વના આપતો જોવા મળ્યો હતો. આ પછી ઊભા થઈને આંસુ લૂછવાનો અને સ્મિત કરવાનો ઈશારો કરે છે.
View this post on Instagram
અરિજિત માટે ફેને સોશિયલ મીડિયા પર પોસ્ટ કરી
આ ફેને આ સ્ટોરી સોશિયલ મીડિયા પર શેર કરી છે, જેમાં તેણે જણાવ્યું છે કે કેવી રીતે તેને અરિજિત સિંહનું ગીત સાંભળીને તેનો જૂનો પ્રેમ યાદ આવ્યો અને જ્યારે તે રડવા લાગી ત્યારે અરિજિતે પોતે જ ઈશારા કરીને તેને સાંત્વના આપી અને કહ્યું ‘ફરગીવ એન્ડ ફરગેટ’ તેણે લખ્યું છે કે – આ ક્ષણ એવી હતી કે જાણે આ ભગવાનનો જ ઈશારો હતો. તેણે લખ્યું છે કે આ મ્યુઝિક કોન્સર્ટ તેના માટે યાદગાર રહેશે અને તે સમજી ગઈ કે મારો એક્સ મારા માટે પાઠ હતો અને અરિજિત તેનો જવાબ હતો.
આ પણ વાંચો : કેટલા ભારતીયો દર વર્ષે રૂ.10 કરોડથી વધુની કમાણી કરે છે? જૂઓ આ ચોંકાવનારા આંકડા
