શું ઇટાલીના પ્રમુખ જ્યોર્જિયા મેલોની અને એલોન મસ્ક કરી રહ્યા છે ડેટ? જાણો X ના સ્થાપકે શું કહ્યું

Team Hum Dekhenge Last Updated: સપ્ટેમ્બર 25, 2024

436 1 minute read

શું ઇટાલીના પ્રમુખ જ્યોર્જિયા મેલોની અને એલોન મસ્ક કરી રહ્યા છે એકબીજાને ડેટ? જાણો X ના સ્થાપકે શું કહ્યું

HD ન્યૂઝ ડેસ્ક, 25 સપ્ટેમ્બર : સોશિયલ મીડિયા પર કોઈ પણ સેલિબ્રિટીની તસવીરો વારંવાર વાયરલ થતી હોય છે. જ્યોર્જિયા મેલોની અને વડાપ્રધાન મોદીના ઘણા બધા મીમ્સ બનાવવામાં આવ્યા હતા. હવે આ યાદીમાં ઈલોન મસ્કનું નામ પણ જોડાઈ ગયું છે. હાલમાં જ અમેરિકન અબજોપતિ ઉદ્યોગપતિ એલોન મસ્ક અને ઈટાલીના પ્રમુખ જ્યોર્જિયા મેલોનીની એક તસવીર વાયરલ થઈ છે. આમાં બંને એકબીજાની આંખોમાં આંખો નાખી વાતો કરતાં જોઈ શકે છે. તસવીર જોઈને સોશિયલ મીડિયા પર કહેવામાં આવી રહ્યું છે કે બંને ડેટિંગ કરી રહ્યાં છે.

શું મસ્ક-મેલોની ડેટિંગ કરે છે?

હાલમાં જ જ્યોર્જિયા મેલોની એક ઈવેન્ટમાં એલોન મસ્કને મળ્યા હતા. આ મુલાકાત બાદ બંનેની તસવીરો સોશિયલ મીડિયા પર વાયરલ થઈ હતી. યુઝર્સે બંનેની ડેટિંગ પર સવાલો ઉઠાવ્યા હતા. બંનેની એક તસવીર પણ ટેસ્લા ઓનર્સ સિલિકોન વેલી દ્વારા ઈન્સ્ટાગ્રામ પર શેર કરવામાં આવી હતી. જેમાં લખ્યું હતું કે શું તમને લાગે છે કે અમે બંને ડેટ કરી રહ્યા છીએ? જે બાદ આ પોસ્ટ વાયરલ થઈ હતી.

Grazie Elon pic.twitter.com/NgHchWLUtB

— Giorgia Meloni (@GiorgiaMeloni) September 24, 2024

આ ફોટો ટેસ્લા ફેન ક્લબે કેપ્શન સાથે શેર કર્યો હતો, શું તમને લાગે છે કે અમે ડેટિંગ કરી રહ્યા છીએ? તેના જવાબમાં ઈલોન મસ્કે લખ્યું કે અમે ડેટિંગ નથી કરી રહ્યા. મસ્કના આ જવાબથી યુઝર્સે તસવીરોની સત્યતા જાણી લીધી છે.

એલોન મસ્કે શું કહ્યું?
મંગળવારે ન્યૂયોર્કમાં એક કાર્યક્રમમાં મસ્કે પણ મેલોનીની પ્રશંસા કરી હતી. તેણે મેલોનીને પ્રામાણિક અને સત્યવાદી વ્યક્તિ ગણાવી. મેલોનીને એટલાન્ટિક કાઉન્સિલ ગ્લોબલ સિટીઝન એવોર્ડ અર્પણ કરતી વખતે, મસ્કે કહ્યું કે તે તેમના માટે સન્માનની વાત છે. જ્યોર્જિયા મેલોની એવી વ્યક્તિ છે જેની હું પ્રશંસા કરું છું, જેણે ઇટાલીના પ્રમુખ તરીકે અવિશ્વસનીય કામ કર્યું છે. તેના વખાણમાં મસ્કે મેલોનીના વખાણ કર્યા અને કહ્યું કે દરેક રાજનેતા વિશે આવું ન કહી શકાય. મીડિયા રિપોર્ટ્સ અનુસાર, મેલોનીને યુરોપિયન યુનિયન પ્રત્યેના તેમના સમર્થન અને ઇટાલીની પ્રથમ મહિલા પ્રમુખ બનવા બદલ આ એવોર્ડ આપવામાં આવ્યો હતો.