એઆર રહેમાન કે સાયરા બાનો, બાળકોની કસ્ટડી કોણે મળશે? વકીલે આપ્યો જવાબ

મુંબઈ, 29 નવેમ્બર 2024 :  એઆર રહેમાન અને સાયરા બાનુના અલગ થવાની ચર્ચા જોરશોરથી થઈ રહી છે. બંનેએ તેમના 29 વર્ષ જૂના લગ્નજીવનનો અંત લાવી દીધો છે. આ લગ્ન સમાપ્ત કરવા પાછળ બંનેના અંગત કારણો છે. એઆર રહેમાન અને સાયરા બાનૂના ડિવોર્સની કેટલીક પ્રોસેસ હજુપણ બાકી છે. દરમિયાન તેમના વકીલ વંદના શાહે ત્રણેય બાળકોની કસ્ટડી અંગે જવાબ આપ્યો હતો. તેણે આ મુદ્દે ખુલીને વાત કરી હતી.

વંદના શાહે તેની યુટ્યુબ ચેનલ પર વિકી લાલવાણી સાથે એઆર રહેમાન અને સાયરા બાનુના બાળકોની કસ્ટડી વિશે વાત કરી હતી. વંદનાને પૂછવામાં આવ્યું કે જો બંનેના છૂટાછેડા થઈ જાય તો બાળકોની કસ્ટડી કોને મળશે. આ પ્રશ્નના જવાબમાં વકીલે કહ્યું કે હજુ આ મામલો ફાઇનલ થયો નથી. જો કે, તેણે કહ્યું કે તેમના બાળકો પુખ્ત છે. તેઓ પોતે નિર્ણય લેવા માટે સ્વતંત્ર છે, બાળકો તેઓ કોની સાથે રહેવા માંગે છે તે પસંદ કરી શકે છે.

બાળકની કસ્ટડી અંગે વકીલનો જવાબ
વકીલે કહ્યું, “તે હજુ સુધી નક્કી કરવામાં આવ્યું નથી… તે નક્કી કરવાનું બાકી છે… પરંતુ તેમાંથી કેટલાક પુખ્ત વયના છે, તેઓ કોની સાથે રહેશે તે પસંદ કરવા માટે સ્વતંત્ર છે.” આ જ ઈન્ટરવ્યુમાં વંદનાને છૂટાછેડા દરમિયાન થયેલા કરારમાં આપવામાં આવેલી ભરણપોષણ અંગે પણ પ્રશ્ન પૂછવામાં આવ્યો હતો. તેણે આ પ્રશ્ન પર ટિપ્પણી ન કરવાનો નિર્ણય કર્યો. જો કે, તેણે ઉલ્લેખ કર્યો કે તે કોઈ એવી વ્યક્તિ નથી જેને પૈસાનો ઝનૂન હોય.

આ ઉપરાંત વંદનાએ દંપતી વચ્ચે સમાધાનની શક્યતાને પણ નકારી ન હતી. તેમણે કહ્યું, “મેં એવું નથી કહ્યું કે સમાધાન શક્ય નથી.” તેમના વકીલે વધુમાં કહ્યું કે સંયુક્ત નિવેદન ખૂબ જ સ્પષ્ટ છે કારણ કે તે પીડા અને અલગ થવાની વાત કરે છે. વંદનાએ વધુમાં કહ્યું, “આ લાંબા લગ્ન છે અને આ નિર્ણય પર પહોંચવા માટે ઘણો વિચાર કરવામાં આવ્યો છે, પરંતુ મેં ક્યાંય એવું નથી કહ્યું કે સમાધાન શક્ય નથી.”

આ પણ વાંચો : ભયાનક માર્ગ અકસ્માત, બાઇક સવારને બચાવવા જતાં બસ પલટી, 12 લોકોનાં મૃત્યુ