Apple યુઝર્સની બલ્લે બલ્લે: iPhone 17ની વિગતો આવી સામે, શાનદાર કેમેરો અને જબરદસ્ત છે ફિચર્સ

નવી દિલ્હી, 4 ડિસેમ્બર, Appleની સૌથી એડવાન્સ્ડ iPhone 16 સિરીઝને લૉન્ચ થયાને માત્ર બે-અઢી મહિના જ થયા છે. હવે કંપનીની આગામી લાઇનઅપ વિશેના સમાચાર પણ આવવા લાગ્યા છે. એપલે iPhone 17 પર કામ શરૂ કરી દીધું છે. કંપની ઘણા iPhone મૉડલ પર સપ્લાયર્સ સાથે સતત કામ કરી રહી છે, તેથી જ iPhone 17 સિરીઝ વિશેના અહેવાલો લૉન્ચ થવાના ઘણા સમય પહેલા આવવા લાગ્યા છે. એપલ આ વખતે તેની આવનારી સિરીઝમાં કેટલીક વસ્તુઓ સામેલ કરી શકે છે.

Appleની iPhone 17 સિરીઝ પહેલાથી જ ઘણી ચર્ચાઓ મેળવી રહી છે, લીક્સમાં તેની એક ઝલકએ બધાને દિવાના બનાવી દીધા છે. Appleના સત્તાવાર લોન્ચને લગભગ એક વર્ષ બાકી હોવા છતાં, લીક્સે ઘણા મોટા અપગ્રેડ જાહેર કર્યા છે જે iPhone 17 ને અગાઉના મોડલ્સ કરતા નોંધપાત્ર રીતે અલગ બનાવે છે. મોટા ડિસ્પ્લે અને વધુ સારા કેમેરાથી લઈને પાવરફુલ ચિપ્સ સુધી, નેક્સ્ટ જનરેશનના iPhoneમાં ઘણા બધા અપગ્રેડ થવાની અપેક્ષા છે.

iPhone 17માં આ 5 મોટા ફેરફારો થશે

Appleની આ અપકમિંગ સીરિઝ આવતા વર્ષે સપ્ટેમ્બરમાં લોન્ચ થઈ શકે છે. કંપની તેની આગામી iPhone 17 સિરીઝની ડિઝાઇનમાં પણ ફેરફાર કરી શકે છે. એટલું જ નહીં, કંપની તેના બંને સ્ટાન્ડર્ડ મોડલમાં પ્રો-ગ્રેડ ડિસ્પ્લે ફીચર પણ આપી શકે છે, જેના કારણે યુઝરનો અનુભવ વધુ સારો થવાનો છે. આવતા વર્ષે લોન્ચ થનારી Appleની આ ફ્લેગશિપ સીરીઝના તમામ મોડલ 120Hz રિફ્રેશ રેટ સાથે LTPO ડિસ્પ્લે સાથે આવશે. એપલ આ માટે દક્ષિણ કોરિયન બ્રાન્ડ્સ સેમસંગ અને એલજી સાથે સંપર્કમાં છે.

Apple iPhone 17 Pro Max સાથે એક નવું ડિઝાઇન ઘટક રજૂ કરી શકે છે, જેમાં ટાઇટેનિયમ ફ્રેમ હશે. કંપની અન્ય મોડલ પર એલ્યુમિનિયમ ફિનિશ આપી શકે છે. વધુમાં, iPhone 17 પ્રો મેક્સમાં ફેસ આઈડી સેન્સર માટે નવું “મેટલેન્સ” પણ હોઈ શકે છે, જે આકર્ષક ફ્રન્ટ-ફેસિંગ ડિઝાઇન માટે ડાયનેમિક આઇલેન્ડનું કદ ઘટાડવામાં મદદ કરી શકે છે. પ્રથમ વખત, iPhone 17 લાઇનઅપમાંના તમામ મોડલ્સમાં 24-મેગાપિક્સલનો ફ્રન્ટ-ફેસિંગ કૅમેરો જોવા મળશે, જે અગાઉના મૉડલમાં ઉપયોગમાં લેવાતા 12-મેગાપિક્સલના સેન્સરથી નોંધપાત્ર અપગ્રેડ છે.

આ પણ વાંચો..માત્ર 10,000 રૂપિયા ભરીને ઘરે લઈ આવો આ બાઈક, 60 kmplની છે એવરેજ