Appleએ યુઝર્સને આપ્યો ઝટકો, આ iPhone સહિત ત્રણ પ્રોડક્ટ માટે નહીં મળે સપોર્ટ
- Appleએ હવે વિંટેજ લિસ્ટમાં તેના સૌથી લોકપ્રિય iPhones પૈકીના એક iPhone X સહિત ત્રણ પ્રોડક્ટનો સમાવેશ કર્યો છે. કંપની હવે આ Apple પ્રોડક્ટ્સ માટે કોઈ સપોર્ટ આપશે નહીં. વધુમાં, આ ઉપકરણોના પાર્ટસ પણ બજારમાં મળતા બંધ થઈ જશે
HD ન્યૂઝ ડેસ્ક, 2 જુલાઈ: એપલે તેના લાખો વપરાશકર્તાઓને ઝાડકો આપ્યો છે. એપલે તેના ત્રણ લોકપ્રિય ઉપકરણોને વિંટેજ લિસ્ટમાં સામેલ કર્યા છે. વિંટેજ લિસ્ટમાં સમાવેશ કરવાનો અર્થ એ છે કે Apple દ્વારા આ Apple ઉપકરણો માટે કોઈ સુરક્ષા અપડેટ્સ જારી કરવામાં આવશે નહીં. એટલું જ નહીં, હવે આ ઉપકરણો માટે કોઈ પાર્ટ પણ હવે ઉપલબ્ધ રહેશે નહીં. iPhone ઉપરાંત Appleએ તેના AirPods અને HomePodને પણ આ વિંટેજ લિસ્ટમાં સામેલ કર્યા છે. કંપનીએ તેની વિંટેજ લિસ્ટમાં એવા ઉપકરણો મૂક્યા છે જે છેલ્લા 5 વર્ષમાં વેચાયા નથી અને ઓછામાં ઓછા 7 વર્ષ પહેલાં લોન્ચ થયા હતા.
iPhone Xનો થયો વિંટેજ લિસ્ટમાં સમાવેશ
એપલે હવે 2017માં લૉન્ચ કરેલા iPhone X ને વિંટેજ લિસ્ટમાં મૂક્યો છે. આ પહેલો iPhone હતો, જે નોચ ડિસ્પ્લે ફીચર સાથે આવ્યો હતો. તેમાં 5.8 ઇંચની ડિસ્પ્લે હતી અને ભારતમાં તેની કિંમત 89,000 રૂપિયા હતી. પહેલીવાર કંપનીએ આ iPhoneમાં સુપર રેટિના OLED ડિસ્પ્લે, ટ્રુ ડેપ્થ કેમેરા જેવા ફીચર્સ આપ્યા હતા. આ Apple ફોન A11 Bionic ચિપ સાથે આવ્યો હતો. આ કંપનીનો પહેલો ફોન હતો, જેને ન્યુરલ એન્જિન સાથે લોન્ચ કરવામાં આવ્યો હતો. ઉપરાંત, Appleએ તેને સ્ટેનલેસ સ્ટીલ ફ્રેમ અને ગ્લાસ બેક પેનલ પણ આપી હતી.
આ સિવાય Appleએ તેના એરપોડ્સની પ્રથમ પેઢીને પણ વિંટેજ લિસ્ટમાં સામેલ કરી છે. આ TWS, 2016 માં લૉન્ચ કરવામાં આવી હતી, તેમાં કસ્ટમ ડિઝાઇનવાળી W1 ચિપ છે. આ ચિપ ઉપકરણના ઝડપી જોડાણમાં મદદ કરે છે. આ સિવાય તેમાં ઓપ્ટિકલ અને મોશન સેન્સર આપવામાં આવ્યા છે. આટલું જ નહીં, Appleએ તેના પ્રથમ પેઢીના હોમપોડને વિંટેજ લિસ્ટમાં પણ સામેલ કર્યા છે.
એપલ સપ્ટેમ્બરમાં કરેશે iPhone 16 સિરીઝ લોન્ચ
Apple આ વર્ષે સપ્ટેમ્બરમાં iPhone 16 સિરીઝ લોન્ચ કરવા જઈ રહ્યું છે. આ નવી આઇફોન સીરીઝ તેની અગાઉની સીરીઝની સરખામણીમાં ઘણી રીતે અપગ્રેડેડ ફીચર્સ સાથે આવશે. એપલની આ સીરીઝને મોટા ડિસ્પ્લે અને AI ફીચર્સ સાથે લોન્ચ કરવામાં આવશે.
આ પણ વાંચો: વર્ષ 2030 સુધીમાં વૈશ્વિક બજારમાં વેચાતી દર ત્રણમાંથી એક કાર ચીની બ્રાન્ડની હશે..!
