ભારતમાં સ્થિત આ રહસ્યમય પર્વત પર ચડવાની હિંમત જે કોઈ કરે છે તેનું મૃત્યુ નિશ્ચિત છે

હિમાલય, 14 માર્ચ : આ પર્વત સ્થાનિક લોકો માટે દેવતા, વિદેશીઓ માટે સાહસ અને વિજ્ઞાનીઓ માટે રહસ્ય કેવી રીતે બન્યો? ભારતના સૌથી ઊંચા શિખર કંચનજંઘા પર ચડવાની હિંમત આજ સુધી કોઈમાં નથી થઈ. ભારતનો સૌથી ઊંચો પર્વત કંચનજંઘા 5 શિખરોથી બનેલો છે. એવું કહેવાય છે કે જેણે પણ આ પર્વત પર ચઢવાની હિંમત કરી છે તે કાં તો મૃત્યુ પામ્યું છે અથવા તો તે ચઢી શક્યા નથી. સ્થાનિક લોકો આ પર્વતને દેવતા માને છે, જ્યારે વિદેશીઓ માટે આ એક સાહસ છે અને વિજ્ઞાનીઓ માટે તે હજુ પણ એક રહસ્ય છે. તો ચાલો જાણીએ શું છે આ પર્વતની સ્ટોરી…

કંચનજંઘાનો ઇતિહાસ શું છે?

8મી સદીમાં પદ્મસંભવ નામના બૌદ્ધ સાધુ લોપન રિનપોચેએ કંચનજંઘાની દેવી તરીકે પૂજા કરી હતી. ત્યારથી બૌદ્ધ માન્યતાઓમાં તેનું એક અલગ મહત્ત્વ છે. કંચનજંઘા જેમાં પ્રથમ, મધ્ય, પશ્ચિમ, દક્ષિણ અને કાંગબાચેન એમ પાંચ શિખરો છે. સ્થાનિક લોકોનું માનવું છે કે તેની રક્ષા રાક્ષસો દ્વારા કરવામાં આવે છે. તિબેટીયન સમુદાય આ પર્વતને બેયુલ ડેમોશોંગ એટલે કે મૃત્યુ અને વેદનાથી આગળની દુનિયા માનીને તેની પૂજા કરે છે.

જ્યારે કોઈ તેને ચઢવાનો પ્રયત્ન કરે છે ત્યારે ભારે વિનાશનો સામનો કરવો પડે છે. 1929 અને 1955માં તેના પર ચઢવાના અસફળ પ્રયાસો કરવામાં આવ્યા હતા. આવી સ્થિતિમાં, હવામાન એટલું ખરાબ થઈ ગયું હતું કે, કોઈ તેના પર ચઢી શક્યું નહીં. ત્યારબાદ વર્ષ 1977માં કર્નલ નરેન્દ્ર કુમારના નેતૃત્વમાં કંચનજંઘા પર પ્રથમ વખત ભારતીય ધ્વજ ફરકાવવામાં આવ્યો હતો. આ વર્ષે સરકારે કંચનજંઘાની સાથે આસપાસની ખીણો અને જંગલોને રાષ્ટ્રીય ધરોહર તરીકે જાહેર કર્યા છે. આજે પણ આ પર્વતો પર્વતારોહકો માટે એક મોટો પડકાર છે. અહીં સેંકડો લોકો ચઢવાના ઈરાદાથી આવે છે. જેમને આશા છે કે દેવી કંચનજંઘા તેમને આશીર્વાદ આપશે અને તેઓ આ પર્વત પર ચઢી શકશે. આજે પણ તે વિજ્ઞાનીઓ માટે કોઈ રહસ્યથી ઓછું નથી.

આ પણ વાંચો : આયર્ન લંગ્સના સહારે જીવતા પોલ એલેક્ઝાન્ડરનું મૃત્યુ, જાણો શું છે આયર્ન લંગ્સ?