વિરાટ કોહલીના જન્મદિવસ પર અનુષ્કા શર્માએ શેર કરી Unseen તસવીરો
ક્રિકેટર સ્ટાર વિરાટ કોહલી આજે પોતાનો જન્મદિવસ ઉજવી રહ્યો છે. કોહલી જન્મદિવસે તેની પત્નિ અનુષ્કા શર્માએ પણ તેનાં પર પ્રેમ વરસાવતી જોવા મળી છે. વિરાટનાં જન્મદિવસે પત્નિ અનુષ્કા શર્માએ વિરાટ કોહલીને શુભેચ્છા પાઠવતા તેની કેટલીક અનસીન તસવીરો શેર કરી છે. આ તસવીરો શેર કરતાં અનુષ્કાએ કહ્યું છે કે આ તમારો અત્યાર સુધીનો શ્રેષ્ઠ એંગલ છે.
આ પણ વાંચો : HBD KING KOHLI : વિરાટનાં જન્મદિવસ પર જાણો તેનાં કેટલાક રસપ્રદ રેકોર્ડ્સ અને તથ્યો વિશે
અનુષ્કાએ શેર કરી પોસ્ટ
અનુષ્કા શર્માએ વિરાટ કોહલીના કેટલાક રસપ્રદ અને અનોખા ફોટા શેર કર્યા છે. તેમને શેર કરતી વખતે કેપ્શનમાં લખ્યું છે કે માય લવ, આજે તારો જન્મદિવસ છે. તો આવી સ્થિતિમાં, મેં તમારા શ્રેષ્ઠ એંગલમાં લીધેલાં ફોટા અહીં મૂક્યાં છે. આ પોસ્ટ દ્વારા, હું તમને કહેવા માંગુ છું કે હું તમને દરેક સ્વરૂપમાં પ્રેમ કરું છું. અનુષ્કા શર્માએ શેર કરેલો છેલ્લો ફોટો જોઈને દરેક તેના પર પ્રેમ વરસાવી રહ્યા છે. વિરાટ વામિકાને જે રીતે પોતાના ખોળામાં ઉછેરી રહ્યો છે, તે ખૂબ જ સુંદર લાગી રહી છે.જો કે અનુષ્કાએ એ ફોટોમાં વામિકાનો ચહેરો હાર્ટવાળી ઈમોજીથી ઢાંકી દીધો છે.અનુષ્કા શર્માની આ પોસ્ટ પર કોમેન્ટ કરતાં વિરાટ કોહલીએ હસાવતું ઈમોજી બનાવ્યું છે અને કેટલાક હાર્ટ ઇમોજીસ પણ પોસ્ટ કર્યા છે.
View this post on Instagram
ઝુલન ગોસ્વામીનું પાત્ર ભજવશે અનુષ્કા
અનુષ્કા શર્માના વર્કફ્રન્ટ વિશે વાત કરતી વખતે, અભિનેત્રી આ દિવસોમાં ‘ચકડા એક્સપ્રેસ’ની તૈયારીમાં વ્યસ્ત છે. આ સિવાય તે પતિ વિરાટ કોહલી સાથે કેટલીક એડ્સ પર પણ કામ કરી રહી છે. પહેલા પણ બંનેની ઘણી જાહેરાતો એકસાથે રિલીઝ થઈ છે. અભિનેત્રી આ ફિલ્મની તૈયારીઓને લઈને ઘણી વખત સોશિયલ મીડિયા પર પોસ્ટ અપડેટ કરતી જોવા મળી છે. અનુષ્કા શર્મા માટે આ ફિલ્મ ખૂબ જ ખાસ છે. આ ફિલ્મમાં તે ઝુલન ગોસ્વામીનું પાત્ર ભજવતી જોવા મળશે.
