અનુષ્કા શર્માએ સેલ્સ ટેક્સ વિભાગની નોટિસને પડકારી : બોમ્બે હાઈકોર્ટમાં અરજી દાખલ
અભિનેત્રી અનુષ્કા શર્મા ફરી એકવાર ચર્ચામાં આવી છે. પરંતુ આ વખતે કારણ ફિલ્મી નહીં પણ કાનૂની છે. જણાવી દઈએ કે અભિનેત્રીએ બોમ્બે હાઈકોર્ટમાં અરજી દાખલ કરી છે. અનુષ્કાએ વર્ષ 2012-13 અને 2013-2014 માટે ટેક્સની વસૂલાત માટે સેલ્સ ટેક્સ વિભાગની નોટિસને પડકારી છે. આ કેસની સુનાવણી 6 ફેબ્રુઆરી સુધી મુલતવી રાખવામાં આવી છે. કોર્ટે સેલ ટેક્સ વિભાગને ત્રણ અઠવાડિયામાં અરજીનો જવાબ આપવા જણાવ્યું છે.
આ પણ વાંચો : એક્શન અને કોમેડીથી ભરપૂર કાર્તિક આર્યનની ફિલ્મ ‘શહેજાદા’નું ટ્રેલર થયું રિલીઝ !
Bombay High Court agrees to hear a petition filed by actor Anushka Sharma challenging the proceedings against her initiated by the Sales Tax dept. Court has issued notice to the respondents on Anushka's plea and has kept the matter for hearing on 6th February.
— ANI (@ANI) January 12, 2023
કોર્ટે અનુષ્કા શર્માને ઠપકો આપ્યો
જણાવી દઈએ કે આ મામલામાં ગત સુનાવણીમાં કોર્ટે અનુષ્કા શર્માને ઠપકો આપ્યો હતો. કોર્ટે કહ્યું હતું કે, તેઓએ ટેક્સ કન્સલ્ટન્ટ દ્વારા અરજી દાખલ કરવાનો કેસ ક્યારેય સાંભળ્યો નથી કે જોયો નથી. કોર્ટે અનુષ્કા શર્માના વકીલને પૂછ્યું કે, અભિનેત્રી પોતે અરજી કેમ દાખલ કરી શકી નથી. કોર્ટના ઠપકા બાદ અભિનેત્રીએ વકીલ મારફતે દાખલ કરેલી અરજીઓ પાછી ખેંચી લીધી છે અને પોતે નવી અરજી દાખલ કરી છે.
અનુષ્કાને કેટલો ટેક્સ ભરવાનો બાકી ?
અનુષ્કાએ અરજીમાં કહ્યું છે, કે તેણી તેના એજન્ટ, યશ રાજ ફિલ્મ્સ પ્રાઇવેટ લિમિટેડ અને ઇવેન્ટના નિર્માતાઓ અથવા આયોજકો સાથે ત્રિપક્ષીય કરાર હેઠળ કલાકાર તરીકે તેની ક્ષમતામાં કોઈપણ ઉત્પાદન પ્રમોશન અથવા ઇવેન્ટમાં ભાગ લે છે. જ્યારે અસાઇનિંગ ઓફિસરે ફિલ્મ પર નહીં પરંતુ પ્રોડક્ટના પ્રમોશન અને એવોર્ડ ફંક્શનમાં એન્કરિંગ પર સેલ્સ ટેક્સ વસૂલ્યો હતો. અભિનેત્રીએ અપીલમાં કહ્યું છે કે ટેક્સ વિભાગે સ્વીકાર્યું છે કે તેણે તેના અભિનયના અધિકારો ટ્રાન્સફર કરી દીધા છે. વેચાણવેરા વિભાગે 2012-13 માટે રૂ. 1.2 કરોડના વ્યાજ સહિત રૂ. 12.3 કરોડનો વેચાણ વેરો નક્કી કર્યો છે, જ્યારે વર્ષ 2013-14 માટે રૂ. 17 કરોડનો વેચાણ વેરો રૂ. 1.6 કરોડ છે.
