ગુજરાતના સ્વિમર આર્યન નેહરાએ હૈદરાબાદમાં સર્જ્યો અપસેટ; ગોલ્ડ મેડલ કર્યો પોતાના નામે

IAS વિજય નહેરા : ગુજરાતના સ્વિમર આર્યન નેહરાએ હૈદરાબાદમાં રાષ્ટ્રીય સ્વિમિંગ ચેમ્પિયનશિપમાં શાનદાર પ્રદર્શન કર્યું. ઈતિહાસમાં કોઈપણ ભારતીય તરવૈયા દ્વારા સૌથી ઝડપી 400 મીટર ફ્રીસ્ટાઈલ સ્વિમ્સ આર્યને સર્જ્યો મોટો અપસેટ સર્જ્યો છે. કારણ કે 400 મીટર ફ્રી સ્ટાઇલ તેની મુખ્ય ઇવેન્ટ નથી. તેણે રાષ્ટ્રીય રેકોર્ડ ધારક કુશાગ્ર રાવત અને ડબલ ઓલિમ્પિયન સાજન પ્રકાશને હરાવી ગોલ્ડ મેડલ જીત્યો.

સ્વેમ કરીને ગોલ્ડ મેડલ જીત્યો હતો

તેની પ્રથમ રાષ્ટ્રીય સ્વિમિંગ ચેમ્પિયનશીપમાં ભાગ લેતા, આર્યનએ 400 મીટર ફ્રી સ્ટાઇલમાં 3 મિનિટ 52.55 સેકન્ડમાં સ્વેમ કરીને ગોલ્ડ મેડલ જીત્યો હતો, જે ઓપન નેશનલ મીટમાં તેની પ્રથમ હતી.

વિજય નહેરાના પુત્રએ તોડ્યો રેકોર્ડ

વધુ મહત્ત્વની વાત એ છે કે, આર્યનએ રાષ્ટ્રીય રેકોર્ડ તોડ્યો અને કોઈપણ ભારતીય તરવૈયા દ્વારા સૌથી ઝડપી 400 ફ્રી સ્વિમિંગ કર્યું. આ ઇવેન્ટમાં તેણે એશિયન ગેમ્સ માટે પણ ક્વોલિફાય કર્યું હતું.

અગાઉ, આર્યન બે મહિના પહેલા જ 800 અને 1500 ફ્રીસ્ટાઈલ ઈવેન્ટ્સ માટે ક્વોલિફાઈ થઈ ચૂક્યો હતો. હૈદરાબાદ ખાતે જીએમસી બાલયોગી એક્વાટીક્સ કોમ્પ્લેક્સમાં આયોજિત 76મી સિનિયર નેશનલ એક્વેટિક ચેમ્પિયનશિપના પ્રથમ દિવસે આ પ્રથમ રેસ હતી.

વિજય નહેરાની પુત્રીએ પણ પ્રાપ્ત કર્યા હતા 6 ગોલ્ડ

જેમાં રાજ્યમાં આઈએએસ અધિકારી વિજય નેહરાની પુત્રી અનાયા નેહરાએ ઉત્કૃષ્ટ પ્રદર્શન કરતા 6 ગોલ્ડ મેડલ પ્રાપ્ત કર્યા છે. તેમની આ પ્રગતિના લીધે ઠેરઠેરથી તેને શુભેચ્છાઓ મળી રહી છે અને આવનારા દિવસોમાં તેઓ હજુ સારૂ પ્રદર્શન કરે તેવી શુભકામનાઓ પાઠવવામાં આવી છે.

આ પણ વાંચો : સ્વિમિંગ સ્પર્ધામાં આર્યન નહેરાનો ડંકો