આંધ્રપ્રદેશના પૂર્વ મુખ્યમંત્રી કિરણ કુમાર રેડ્ડી શુક્રવારે ભાજપમાં જોડાયા છે. કિરણ કુમાર રેડ્ડી અવિભાજિત આંધ્ર પ્રદેશના છેલ્લા મુખ્યમંત્રી હતા. કિરણ રેડ્ડીએ 12 માર્ચના રોજ કોંગ્રેસ પ્રમુખ મલ્લિકાર્જુન ખડગેને એક લીટીનો રાજીનામું પત્ર મોકલ્યો હતો, જેના પછી તેમના ભાજપમાં જોડાવાની અટકળો ચાલી રહી હતી.
આ પણ વાંચો : ખેડૂતો આનંદો ! વીજ કનેક્શન ધરાવતા ખેડૂતોને મળશે રાહત, રાજ્ય સરકારે લીધો મોટો નિર્ણય
#WATCH | "I had never imagined that I'll have to leave Congress…There is a saying- 'My king is very intelligent, he doesn't think on his own, doesn't listens to anyone's advice', "says former Congress leader Kiran Kumar Reddy on joining BJP in Delhi. pic.twitter.com/8s43F09WxK
— ANI (@ANI) April 7, 2023
ભાજપમાં જોડાયા બાદ રેડ્ડીએ કહ્યું કે મેં ક્યારેય વિચાર્યું ન હતું કે મારે કોંગ્રેસ છોડવી પડશે. કોંગ્રેસ હાઈકમાન્ડના ખોટા નિર્ણયોને કારણે પાર્ટી એક પછી એક રાજ્યમાં તૂટી રહી છે. એક જૂની વાર્તા છે કે મારો રાજા ખૂબ જ બુદ્ધિશાળી છે, તે પોતાની રીતે વિચારતો નથી અને કોઈના સૂચનો સાંભળતો નથી. હું શું કહેવા માંગુ છું તે તમે બધા જાણતા જ હશો. કિરણ રેડ્ડીએ કહ્યું કે કોંગ્રેસ પાર્ટી લોકોના અભિપ્રાયને સમજી શકતી નથી. કોંગ્રેસ પાર્ટી ન તો એનું વિશ્લેષણ કરી રહી છે કે ભૂલ શું છે અને ન તો તેઓ સુધારવા માંગે છે. તેઓ વિચારી રહ્યા છે કે માત્ર હું જ સાચો છું અને દેશના લોકો સહિત બીજા બધા ખોટા છે. આ વિચારધારાને કારણે મેં પાર્ટી છોડવાનો નિર્ણય કર્યો.
