અનંત અંબાણીએ મિત્રોને રિટર્નમાં આપી કરોડોની ગિફ્ટ, કિંમત અધધ…
![anant ambani wedding-HDNEWS](https://www.humdekhenge.in/wp-content/uploads/2024/07/anant-ambani-wedding.jpg)
- અનંત અંબાણીએ લગ્નમાં આવેલા તેમના મિત્રોને રિટર્ન ગિફ્ટ તરીકે ખૂબ જ મોંઘી ઘડિયાળો ગિફ્ટ કરી છે, જેની કિંમત જાણીને તમે ચોંકી જશો
મુંબઈ, 14 જુલાઈ: અનંત અંબાણી અને રાધિકા મર્ચન્ટના લગ્ન સોશિયલ મીડિયા તેમજ લોકોમાં ચર્ચાનો વિષય બન્યા છે. બિઝનેસમેન મુકેશ અંબાણીના નાના પુત્ર અનંત અંબાણીએ 12 જુલાઈના રોજ લાંબા સમયથી ગર્લફ્રેન્ડ રહેલી રાધિકા મર્ચન્ટ સાથે લગ્ન કરી લીધા છે. અનંત અને રાધિકાના લગ્નના દરેક ફંક્શન પર લોકોની નજર ટકેલી છે. 13 જુલાઈ, 2024 ના રોજ શુભ આશીર્વાદ સમારોહ પછી 14 જુલાઈ એટલે કે આજે એક રિસેપ્શન પાર્ટીનું આયોજન કરવામાં આવશે. આ બધાની વચ્ચે અનંત અંબાણીએ તેમના મિત્રોને આપેલી રિટર્ન ગિફ્ટને લઈને એક લેટેસ્ટ અપડેટ આવ્યું છે, જેના વિશે જાણીને તમે ચોંકી જશો. અનંતે તેના નજીકના મિત્રોને ખાસ ભેટ આપી છે, જેની કિંમત કરોડોમાં છે.
અનંત અંબાણીએ તેના મિત્રોને કરોડોની કિંમતની ઘડિયાળ આપી ગિફ્ટ
દેશના અમીર ઉદ્યોગપતિ મુકેશ અંબાણીના પુત્રના શાહી લગ્નની તસવીરો અને વીડિયો વાયરલ થઈ રહ્યા છે. આ બધાની વચ્ચે અનંત અંબાણી અને રાધિકા મર્ચન્ટના લગ્નમાં આવનાર મહેમાનોને આપવામાં આવેલી લક્ઝરી ગિફ્ટને લઈને જોરદાર ચર્ચા ચાલી રહી છે. અનંત અંબાણીએ તેમના કેટલાક ખાસ મિત્રોને કરોડોની કિંમતની Audemars Piguet ઘડિયાળો ભેટમાં આપી છે. અનંત અંબાણીએ ભેટમાં આપેલી ઘડિયાળોની કિંમત જાણીને તમે દંગ રહી જશો.
અનંત અંબાણીની રિટર્ન ગિફ્ટની ઝલક
અનંત અંબાણીના લગ્નનો એક વીડિયો વાયરલ થઈ રહ્યો છે, જેમાં તેમના નજીકના મિત્રોને મોંઘી ઓડેમર્સ પિગ્યુટ ઘડિયાળો બતાવતા જોઈ શકાય છે. વરની ટુકડીમાં શાહરૂખ ખાન, સલમાન ખાન, રણવીર સિંહ, વીર પહાડિયા, સલમાન ખાન, મીઝાન જાફરી, શિખર પહાડિયા સહિત 25 નજીકના મિત્રોનો સમાવેશ થાય છે, જેમને અનંત અંબાણીએ લક્ઝરી ઘડિયાળ ભેટમાં આપી છે. આ Audemars Piguet ઘડિયાળોની વિશેષતાઓ વિશે વાત કરીએ તો તેમાં 18K ગોલ્ડ બ્રેસલેટ, ગોલ્ડ ડાયલ અને સેફાયર ક્રિસ્ટલ કેલિબર છે.
View this post on Instagram
અનંત-રાધિકા રિસેપ્શન
અનંત-રાધિકાના લગ્ન 12મી જુલાઈના રોજ થયા હતા. આ પછી 13 મી જુલાઈના રોજ દંપતીનો એક શુભ આશીર્વાદ સમારોહનું આયોજન કરવામાં આવ્યું હતું, જેમાં દેશભરમાંથી ઘણી હસ્તીઓ તેમને આશીર્વાદ આપવા માટે આવી હતી. આ કપલનું રિસેપ્શન આજે 14મી જુલાઈએ યોજાશે.
આ પણ વાંચો: PM મોદીએ નવદંપતી અનંત અને રાધિકાને આપ્યા આશીર્વાદ, જુઓ વીડિયો