આણંદથી રાપર જતી ST બસનો થયો અકસ્માત, 4ના મૃત્યુ 6થી વધુ ઘાયલ
- ST બસ અને ટ્રક વચ્ચે ગમખ્વાર અકસ્માત સર્જાયો
- રાધનપુરના ખારિયાપુલ નજીક આ અકસ્માતથી ઘટના બની
- એસટી બસના કંડકટર અને ડ્રાઈવરનું ઘટના સ્થળે મૃત્યુ
આણંદથી રાપર જતી ST બસનો અકસ્માત થયો છે. જેમાં ST બસ અને ટ્રક વચ્ચે ગમખ્વાર અકસ્માત સર્જાયો છે. તેમાં રાધનપુરના ખારિયાપુલ નજીક આ અકસ્માતથી ઘટના બની છે.
આ પણ વાંચો: ગુજરાતના 100 તાલુકામાં મેઘમહેર, જાણો કયા થયો સૌથી વધુ વરસાદ
6થી વધુ મુસાફરો ઈજાગ્રસ્ત થતા તેમને સારવાર હેઠળ ખસેડયા
રાધનપુર હાઈવે પર આણંદથી રાપર જતી એસટી બસને અકસ્માત થયો છે. જેમાં 4 મુસાફરોના ઘટના સ્થળે મૃત્યુ થયા છે. તેમજ 6થી વધુ મુસાફરો ઈજાગ્રસ્ત થતા તેમને સારવાર હેઠળ ખસેડયા છે. અકસ્માતમાં બન્ને વાહનો ધડાકાભેર સામસામે અથડાયા હતા. તેમાં એસટી બસના કંડકટર અને ડ્રાઈવરનું ઘટના સ્થળે મૃત્યુ થયું છે.
સીસીટીવીના આધારે પોલીસે વધુ તપાસ હાથધરી
સમગ્ર ઘટનામાં 6 મુસાફરો ગંભીર રીતે ઈજાગ્રસ્ત થતા તેમને સારવાર હેઠળ ખસેડવામાં આવ્યા હતા ઘટનાની જાણ થતા પોલીસ પણ ઘટના સ્થળે પહોંચી હતી અને મુસાફરોના નિવેદન નોંધ્યા હતા. મોડી રાત્રે 3 વાગ્યાની આસપાસ આ અકસ્માત સર્જાયો હતો. કોના કારણે આ અક્સ્માત સર્જાયો તેની માહિતી સામે આવી નથી. તેથી સીસીટીવીના આધારે પોલીસે વધુ તપાસ હાથધરી છે.
