આનંદ મહિન્દ્રાએ શેર કરી ડાઇનિંગ ટેબલ જેવી અનોખી કાર- જુઓ વીડિયો
ઉદ્યોગપતિ આનંદ મહિન્દ્રા ઘણીવાર તેના 9.4 મિલિયન ફોલોઅર્સને સોશિયલ મીડિયા પર નવી પોસ્ટ્સથી આશ્ચર્યચકિત કરે છે. પછી તે પ્રેરણાદાયી અવતરણો હોય કે તેના WhatsApp વન્ડરબોક્સમાંથી કોઈ રસપ્રદ વિડિયો હોય. મહિન્દ્રાના ચેરમેન આનંદ મહિન્દ્રાનું એક ટ્વીટ સોશિયલ મીડિયા પર વાયરલ થયું છે. આ વખતે મહિન્દ્રાએ એક અનોખા વાહનનો વીડિયો શેર કર્યો છે, જેને જોઈને તમે કહેશો- આ કાર છે કે ડાઈનિંગ ટેબલ. કારણ કે ભાઈ.. આ કાર એ ફરતું ડાઈનિંગ ટેબલ છે. જુગાડ કરીને બનાવેલા વાહનની સાથે ડાઇનિંગ ટેબલ અને ચાર ખુરશીઓ જોડવામાં આવી છે. આવી સ્થિતિમાં જ્યારે આ વાહન ચાલે છે, ત્યારે લાગે છે કે ખુરશી અને ટેબલ પર બેઠેલા લોકો કોઈ રેસ્ટોરન્ટમાંથી ભાગી ગયા છે!
I guess this is e-mobility. Where ‘e’ stands for eat… pic.twitter.com/h0HKmeJ3AI
— anand mahindra (@anandmahindra) July 3, 2022
આ વીડિયો બિઝનેસમેન આનંદ મહિન્દ્રાએ 3 જુલાઈના રોજ શેર કર્યો હતો. તેના કેપ્શનમાં તેણે લખ્યું- મારા મતે આ ઈ-મોબિલિટી છે, જેમાં E એટલે Eat. આ વીડિયોને 30 હજારથી વધુ લાઈક્સ અને 1.3 મિલિયન (13 લાખ) વ્યૂઝ મળ્યા છે. તેમજ યુઝર્સ કોમેન્ટ સેક્શનમાં સતત તેમના મનની વાત લખી રહ્યા છે. ઉદાહરણ તરીકે, જ્યાં ઘણા યુઝર્સે કહ્યું કે તેઓને આ દેશી જુગાડ ખૂબ જ ગમ્યું તો કેટલાકે તેને ખતરનાક ગણાવ્યું.
જો તમે ખાણીપીણીના શોખીન છો તો આ વિડીયો તમને ચોક્કસ ચોંકાવી દેશે. આ 24 સેકન્ડના વિડિયોમાં આપણે જોઈ શકીએ છીએ કે એક ડાઈનિંગ ટેબલ પેટ્રોલ પંપ તરફ ચાલે છે. તેના પર ચાર લોકો છે. ટેબલ પર પ્લેટ્સ, વાઇનના ગ્લાસ જેવી વસ્તુઓ રાખવામાં આવી છે. ઉપરાંત, ટેબલ પર એક હેન્ડલ છે જેની મદદથી વ્યક્તિ આ વિચિત્ર વાહનને નિયંત્રિત કરી રહ્યો છે. જ્યારે પેટ્રોલ પંપ પર ફરતું ટેબલ અટકે છે, ત્યારે પંપનો કર્મચારી તેમાં પેટ્રોલ નાખે છે, ત્યારબાદ તેઓ ત્યાંથી આગળ વધે છે. કદાચ તેથી જ મહિન્દ્રાએ તેને ઈ-મોબિલિટી નામ આપ્યું છે.
