અફઘાનિસ્તાનની રાજધાની કાબુલમાં ફરી બ્લાસ્ટની ઘટના, 19ના મોત, તેમજ 32 ઘાયલ
અફઘાનિસ્તાનની રાજધાની કાબુલની એક સુરંગમાં ફ્યુઅલ ટેન્કરમાં વિસ્ફોટ થતાં 19 લોકોનાં મોત થયાં છે તેમજ 32 લોકો ગંભિર રીતે ઘાયલ થયા છે. ત્યાંના એક સ્થાનિક અધિકારીએ આ અંગે માહિતી આપતા જણાવ્યુ હતુ કે આ સલંગ ટનલ કાબુલથી લગભગ 80 માઈલ ઉત્તરમાં આવેલ છે, તેનું નિર્માણ 1960માં થયું હતું. તેમજ તે સોવિયેત આક્રમણને મદદ કરવા માટે બનાવવામાં આવ્યું હતું.
આ પણ વાંચો: અમેરિકાની ગુપ્તચર એજન્સી CIAના વડા વિલિયમ બર્ન્સે PM મોદીના વખાણ કર્યા
સુરંંગમાં બ્લાસ્ટ થતા 19 લોકોના મોત
પરવાન પ્રાંતના પ્રવક્તા હિમતુલ્લાહ શમીમે જણાવ્યું કે સુરંગમાં વિસ્ફોટ થયો હતો. જેમાં મહિલાઓ અને બાળકો સહિત ઓછામાં ઓછા 19 લોકોના મોત થયા છે. તેમણે કહ્યું કે જીવિત લોકો હજુ પણ કાટમાળની નીચે ફસાયેલા છે અને મૃત્યુઆંક વધી પણ શકે છે. આરોગ્ય વિભાગને અત્યાર સુધીમાં 14 લોકોના મોત અને 24 ઘાયલોની માહિતી મળી છે.
મૃત્યુ આંક હજુ પણ વધી શકે છે
મૃતકોમાં પાંચ મહિલાઓ અને બે બાળકો છે, બાકીના પુરુષો ગંભીર રીતે દાઝી ગયા છે અને તેમની ઓળખ થઈ રહી નથી. જાહેર બાંધકામ મંત્રાલયના પ્રવક્તા મોલવી હમીદુલ્લા મિસ્બાહે જણાવ્યું હતું કે, “આગ પર કાબૂ મેળવી લેવામાં આવ્યો છે અને ટીમો હજુ પણ ટનલમાંથી કાટમાળ નીચે દબાયેલ લોકોને બચાવવાની કામગીરી કરી રહ્યા છે.
