PM મોદીના અમેરિકાના પ્રવાસ પહેલા એક મહત્વપૂર્ણ બેઠકની થઇ રહી છે ચર્ચા; પરંતુ કેમ?

નવી દિલ્હી: વડાપ્રધાન મોદી આગામી અમેરિકા પ્રવાસથી બે સપ્તાહ પહેલા ભારત અને અમેરિકાના પ્રતિનિધિઓ વચ્ચે ‘સ્ટ્રેટિજિક ટ્રેડ ડાયલોગ’ના પ્રથમ રાઉન્ડની વાતચીત થઈ છે.

હિન્દુસ્તાન ટાઈમ્સમાં છપાયેલા સમાચાર અનુસાર, મંગળવારે વોશિંગ્ટનમાં ભારત-અમેરિકા સ્ટેટિજિક ટ્રેડ ડાયલોગ (આઈયૂએસએસટીડી)ની પ્રથમ બેઠક થઈ, જેમાં વ્યૂહાત્મક રીતે મહત્વપૂર્ણ

હિન્દુસ્તાન ટાઈમ્સમાં છપાયેલા સમાચાર અનુસાર, ભારત-યુએસ સ્ટ્રેટેજિક ટ્રેડ ડાયલોગ (IUSSTD)ની પ્રથમ બેઠક મંગળવારે વોશિંગ્ટનમાં યોજાઈ હતી, જેમાં વ્યૂહાત્મક રીતે મહત્વપૂર્ણ ટેક્નોલોજી અને વર્તમાન પરિસ્થિતિમાં અમેરિકાના નિકાસ સાથે જોડાયેલા નિયમો અંગે ચર્ચા કરવામાં આવી હતી.

બેઠકમાં ભારતનું પ્રતિનિધિત્વ વિદેશ સચિવ વિનય મોહન ક્વાત્રાએ કર્યું જ્યારે અમેરિકા તરફથી પ્રતિનિધિત્વ રાજકીય બાબતોના અન્ડર સેક્રેટરી વિક્ટોરિયા નુલેન્ડ અને ઉદ્યોગ અને સુરક્ષા બાબતોના અંડર સેક્રેટરી એલેન એસ્ટવેઝ દ્વારા કરવામાં આવ્યું હતું.

આ વર્ષ માર્ચમાં પોતાના દિલ્હી પ્રવાસ દરમિયાન અમેરિકન વાણિજ્ય મંત્રી ગીના રયામોન્ડોએ આ નવા ડાયલોગ પ્રક્રિયાની શરૂઆત કરી હતી.

સમાચાર પત્ર લખે છે કે, બેઠક પછી જારી નિવેદનમાં ભારતે કહ્યું કે તેઓ ડાયલોગ “સેમિકન્ડક્ટર, સ્પેસ, ટેલિકોમ, ક્વોન્ટમ કમ્પ્યુટિંગ, આર્ટિફિશિયલ ઈન્ટેલિજન્સ, સંરક્ષણ બાબતો અને બાયોટેક જેવી વ્યૂહાત્મક રીતે મહત્વપૂર્ણ ટેક્નોલોજીના વિકાસ અને વ્યાપારના મામલાઓમાં આગળ વધવામાં બંને દેશોની મદદ કરશે.

નિવેદનમાં કહેવામાં આવ્યું છે કે બેઠકમાં આ ટેકનોલોજી સાથે જોડાયેલી સપ્લાઇ ચેનને મજબૂત કરવા માટે દ્વિપક્ષીય વ્યાપાર સાથે જોડાયેલા નિયમોની સમીક્ષા કરવામાં આવી હતી. સાથે જ આગામી સમયમાં આવી રીતની ટેકનોલોજીના આદાન-પ્રદાનને પણ આગળ વધારવા માટે વાતચીત થઈ હતી.

આ સમાચાર પર ધ હિન્દૂ લખે છે કે, તે વાત પર સહમતિ બની ગઈ છે કે ડાયલોગ પ્રક્રિયા ચાલું રાખવા માટે બંને દેશો એક ખાસ વર્કિંગ ગ્રૂપ બનાવશે અને તેમના કામનું મોનિટરિંગ પણ કરશે.

ઇજિપ્ત જઇ શકે છે મોદી

ટાઈમ્સ ઓફ ઈન્ડિયામાં છપાયેલા એક સમાચારમાં કહેવામાં આવ્યું છે કે 24 જૂને પોતાનો અમેરિકા પ્રવાસ ખત્મ કર્યા પછી પરત ફરતી વખતે વડાપ્રધાન મોદી ઇજિપ્ત જઈ શકે છે. જોકે, અત્યાર સુધી આની સત્તાવાર જાહેરાત કરવામાં આવી નથી. પરંતુ જો મોદી ઇજિપ્ત પહોંચે તો 2014માં વડાપ્રધાન પછી આ તેમનો પ્રથમ ઇજિપ્ત પ્રવાસ હશે.

અખબારે સૂત્રોને ટાંકીને કહ્યું છે કે મોદી ટકાઉ ઉર્જા અને સુરક્ષાના ક્ષેત્રમાં સહયોગ પર વાતચીત માટે ઇજિપ્ત જઈ શકે છે.

ઇજિપ્તના રાષ્ટ્રપતિ અબ્દુલ ફતેહ અલ-સીસીએ આ વર્ષના પ્રજાસત્તાક દિવસે મુખ્ય અતિથિ તરીકે હાજરી આપી હતી. અગાઉ તેઓ ઓક્ટોબર 2015માં ભારત-આફ્રિકા ફોરમની બેઠક માટે ભારત આવ્યા હતા. તે ઉપરાંત સપ્ટેમ્બર 2016માં તેમની પ્રથમ સત્તાવાર મુલાકાતે આવ્યા હતા.

અબ્દુલ ફતેહ 2020માં વધુ એક વખત ભારત આવવાના હતા પરંતુ કોવિડ મહામારીના કારણે તેમનો પ્રવાસ રદ કરવામાં આવ્યો હતો. સૂત્રોના જણાવ્યા અનુસાર બંને દેશો વચ્ચેના સંબંધોને વધુ મજબૂત કરવાના ઈરાદાથી વડાપ્રધાન મોદી ઈજિપ્તમાં અલ-સીસી સાથે મુલાકાત કરી શકે છે.