BREAKING : 7 લાખ પશુપાલકો માટે સારા સમાચાર, અમૂલે દૂધના ખરીદ ભાવમાં પ્રતિ કિલો ફેટે કર્યો મોટો વધારો
- અમૂલ દ્વારા દૂધના ખરીદ ભાવમાં કરાયો વધારો
- પ્રતિ કિલો ફેટે રૂપિયા 30નો વધારો કરાયો
- 7 લાખ પશુપાલકોને થશે ફાયદો
અમૂલ ડેરી દ્વારા પશુપાલકોના હિતમાં મહત્વપૂર્ણ નિર્ણય કરાયો છે. અમૂલ દ્વારા દૂધના ખરીદ ભાવમાં વધારો કરાયો છે. પ્રતિ કિલો ફેટે રૂપિયા 30નો વધારો કરાયો છે. જેને લઈ અમૂલ સાથે જોડાયેલા 7 લાખ પશુપાલકોને ફાયદો થશે. મહત્વનું છે કે,આ ભાવ વધારો 11 ઓગસ્ટથી લાગુ કરવામાં આવશે અને હવે નવો ભાવ પ્રતિકિલો ફેટ 850 રૂપિયા કરાયો છે. ગાયના દૂધમાં પણ પ્રતિકિલો ફેટે 13.70 રૂપિયાનો વધારો કરાયો છે.
દૂધ મંડળીના લાખો ખેડૂતોને લાભ થશે
પ્રાપ્ત વિગતો અનુસાર,ડેરી દ્વારા દૂધના ખરીદ ભાવમાં પ્રતિ કિલોએ 30 રૂપિયાનો વધારો કરવામાં આવ્યો છે. પહેલા પ્રતિકિલો ફેટે 820 હતા જે હવે વધીને 850 કરવામાં આવ્યા છે. નવો ભાવ વધારો 11 ઓગસ્ટથી અમલી બનશે. ભાવ વધારાથી આણંદ, ખેડા, મહીસાગર જિલ્લાની દૂધ મંડળીના લાખો ખેડૂતોને લાભ થશે.આ ભાવ વધારો 11 ઓગસ્ટથી લાગુ કરવામાં આવશે અને હવે નવો ભાવ પ્રતિકિલો ફેટ 850 રૂપિયા કરાયો છે. ગાયના દૂધમાં પણ પ્રતિકિલો ફેટે 13.70 રૂપિયાનો વધારો કરાયો છે.
દરરોજ લાખો લિટર દૂધની આવક
મહત્વનું છે કે,અમૂલ ડેરીમાં દરરોજ લાખો લિટર દૂધની આવક નોંધાય છે. જેની જગ વિખ્યાત વિવિધ પ્રોડ્કટ ધૂમ મચાવી રહી છે. ત્યારે સતત દૂધની માંગ અને વપરાશ વચ્ચે અમૂલ ડેરીએ પશુપાલકોના હિતમાં મોટો નિર્ણય લીધો છે. ડેરી દ્વારા દૂધના ભાવમાં વધારો કરવામાં આવ્યો છે. પહેલા દૂધનો ભાવ પ્રતિ કિલો ફેટે 820 રૂપિયા હતો જેમાં 30 રૂપિયાનો વધારો કરી 850 રૂપિયા પ્રતિ કિલો ફેટે કરાયો છે. આ જાહેરાત બાદ પશુપાલકો આનંદની લાગણી અનુભવી રહ્યા છે. અમૂલ ડેરીના આ નિર્ણયથી 7 લાખ પશુપાલકોને ફાયદો થશે.
ઘાસચારા સાથે સાથે દાણના ભાવમાં પણ વધારો
આ વર્ષે પશુઓના ખોરાકના ખર્ચમાં અંદાજીત 15 થી 20% જેટલો વધારો થયેલો છે. જેથી ઘાસચારા સાથે સાથે દાણના ભાવમાં પણ વધારો થવાથી પશુપાલકોને આર્થિક ભારણ વધ્યુ છે. જેને ધ્યાનમાં લઈ અમૂલ ડેરી આણંદ દ્વારા દૂધના ખરીદ ભાવમાં પ્રતિકિલો ફેટે રુપિયા 30નો વધારો કરવાનો નિર્ણય કર્યો છે. ભેંસના દૂધના 1.85 થી 2.16 રૂપિયા પ્રતિ લીટર તેમજ ગાયના દૂધમાં 1.29થી 1.36 રૂપિયા પ્રતિલીટર વધારો કરવામાં આવ્યો છે.
આ પણ વાંચો : બનાસકાંઠા : બનાસ ડેરી દ્વારા દૂધના પ્રતિ કિલો ફેટે રૂ.10 નો વધારો
