અમદાવાદમાં એ.એમ.ટી.એસ બસ ડ્રાઈવરે ચાલુ નોકરીએ નશો કરેલી હાલતમાં ઝડપાયો છે. જેમાં ડ્રાઇવર દારૂ પીધેલી હાલતમાં જણાતા મુસાફરો દ્વારા બસ રોકી દેવામાં આવી હતી. તેમજ આદિશ્વરનગરથી ઘુમાગામની બસનો ડ્રાઇવર દારૂ પીને બસ ચલાવી રહ્યો હતો. તથા અકસ્માતના ડરથી મુસાફરો દ્વારા બસ જમાલપુર રોકી દેવાઈ હતી.
આ પણ વાંચો: PM મોદી- અમિત શાહની મહેનત સફળ,‘મિશન 2024’નો જાણો માસ્ટર પ્લાન
ખાનગી ઓપરેટરોના ભરોસે બસ દોડાવી
ઉલ્લેખનીય છે કે ખાનગી ઓપરેટરોના ભરોસે બસ દોડાવી એ.એમ.ટી.એસ સાશકો અને વહીવટી તંત્ર એસી કેબિનોમાં બેસી ઘોર નિંદ્રામાં છે. ત્યારે આજરોજ રૂટ નં 49 બસ નંબર ABP.8 ના પ્રાઈવેટ ડ્રાઈવર અંકિત કુમાર અશોક કુમાર ઉપાધ્યાય બેઝ નંબર 0057 ચાલુ ફરજે કેફી પીણું પીધેલ હાલતમાં ડ્રાઈવિંગ કરતા પકડાયેલ છે. તેની પર કાયદેસર પોલીસ ફરિયાદની કાર્યવાહી કરવામાં આવી છે. તેમજ આ બસના પ્રાઈવેટ ઓપરેટરને હેવી પેનલ્ટી કરવામાં આવશે. તેમજ ઉપરોક્ત પ્રાઈવેટ ડ્રાઈવરને કાયમી ધોરણે ફરજ પરથી મોકૂફ કરવાની કાર્યવાહી પણ કરાઇ છે.
