રશ્મિકા મંદાનાનો “ડીપફેક” વીડિયો વાયરલઃ બોલિવૂડથી લઈ સરકાર સુધી બધાએ ચિંતા વ્યક્ત કરી
મુંબઈ: એક્ટ્રેસ રશ્મિકા મંદાનાનો એક ફેક વીડિયો સોશિયલ મીડિયા પર વાઇરલ થઈ રહ્યો છે. AI દ્વારા નિર્મિત આ વીડિયો જોઈને રશ્મિકાના ફેન્સ પણ ગુસ્સે ભરાયા છે અને કાયદાકીય કાર્યવાહીની માગ કરી છે. બિગ બી અમિતાભ બચ્ચન પણ રશ્મિકાના સપોર્ટમાં આવ્યા છે. વીડિયોને લઈ રશ્મિકાએ પણ પ્રતિક્રિયા આપી છે. તેણે પોતાના ટ્વિટર હેન્ડલની મદદથી પોતાની વાતો રજૂ કરી છે.
I feel really hurt to share this and have to talk about the deepfake video of me being spread online.
Something like this is honestly, extremely scary not only for me, but also for each one of us who today is vulnerable to so much harm because of how technology is being misused.…
— Rashmika Mandanna (@iamRashmika) November 6, 2023
રશ્મિકાએ તેના ડીપફેક વીડિયો પર પ્રતિક્રિયા આપતાં કહ્યું કે, હું આ શૅર કરતી વખતે ખૂબ જ દુ:ખની લાગણી અનુભવું છે. હું પ્રામાણિકરૂપથી કહું તો આવું માત્ર મારા માટે જ નહીં પરંતુ આપણા બધા માટે ખૂબ જ બિહામણું છે. આજની ટેક્નોલોજીના આવા દુરુપયોગથી ઘણા લોકોને નુકસાન ભોગવવું પડશે.
yes this is a strong case for legal https://t.co/wHJl7PSYPN
— Amitabh Bachchan (@SrBachchan) November 5, 2023
બીગ બી એ પણ વીડિયોને લઈ ચિંતા વ્યક્ત કરી
અમિતાભ બચ્ચને રશ્મિકાના ડીપફેક વીડિયો પર ચિંતા વ્યક્ત કરી હતી. અભિષેક નામના એક યુઝરે રશ્મિકા મંદાનાનો ડીપફેક વીડિયો શૅર કરતા લખ્યું કે ડીપફેકને રોકવા માટે ભારતમાં તાત્કાલિક કાયદાકીય માર્ગદર્શિકા બનાવવાની જરૂર છે. આ પોસ્ટ શેર કરતા અમિતાભ બચ્ચને લખ્યું છે કે આ એક મજબૂત કાનૂની કેસ છે. અમિતાભ બચ્ચનની પોસ્ટ બાદ સરકારે આ મામલે સ્પષ્ટતા આપવી પડી હતી.
The original video is of Zara Patel, a British-Indian girl with 415K followers on Instagram. She uploaded this video on Instagram on 9 October. (2/3) pic.twitter.com/MJwx8OldJU
— Abhishek (@AbhishekSay) November 5, 2023
અભિષેક નામને યુઝરે ઝારા પટેલનો વીડિયો શેર કર્યો છે તેના પરથી કહી શકાય છે કે આ વીડિયોને એડિટ કરી ડિપફેકની ટેક્નોલોજી દ્વારા એક્ટ્રેસ રશ્મિકા મંદાનાનો ચહેરો લગાડવામાં આવ્યો છે.
PM @narendramodi ji’s Govt is committed to ensuring Safety and Trust of all DigitalNagriks using Internet
Under the IT rules notified in April, 2023 – it is a legal obligation for platforms to
➡️ensure no misinformation is posted by any user AND
➡️ensure that when reported by… https://t.co/IlLlKEOjtd
— Rajeev Chandrasekhar 🇮🇳 (@Rajeev_GoI) November 6, 2023
સરકારે સ્પષ્ટતા આપવી પડી
સરકાર વતી કેન્દ્રીય મંત્રી રાજીવ ચંદ્રશેખરે એક પોસ્ટ લખીને કહ્યું કે પીએમ નરેન્દ્ર મોદી ઇન્ટરનેટનો ઉપયોગ કરતા તમામ ડિજિટલ નાગરિકોની સુરક્ષા અને વિશ્વાસ સુનિશ્ચિત કરવા માટે પ્રતિબદ્ધ છે. તેમણે કહ્યું કે ડીપફેક લેટેસ્ટ અને સૌથી ખતરનાક છે. આ સાથે વ્યવહાર કરવાની જરૂર છે. મંત્રીએ કહ્યું છે કે ફેક ન્યૂઝ ફેલાવનારાઓ સામે કડક કાર્યવાહી કરવામાં આવશે.
શું છે ડીપફેક?
ડીપફેક એ એક પ્રકારનું સિન્થેટીક મીડિયા જેમાં AI ટેક્નોલોજીનો ઉપયોગ છે. જેમાં હાલના ફોટા અથવા વીડિયોમાંથી વ્યક્તિ અન્ય કોઈના ફોટો લગાવીને બદલી શકે છે. AIની ક્ષમતાને કારણે સામાન્ય નાગરિક માટે ફેક વીડિયોને ઓળખવાનું મુશ્કેલ બની જાય છે. જો કે, ભારતમાં ડીપ ફેક ટેક્નોલોજીના ઉપયોગ સામે કોઈ કાયદાકીય નિયમો નથી.
રશ્મિકા મંદાનાનું વર્ક ફ્રન્ટ
વર્ક ફ્રન્ટની વાત કરીએ તો રશ્મિકા મંદાના રણબીર કપૂર સાથે ‘એનિમલ’ ફિલ્મમાં જોવા મળશે. બંને કલાકારો પહેલીવાર એકસાથે કામ કરી રહ્યાં છે. ફિલ્મનું ટ્રેલર, ટીઝર અને ગીતો પહેલાથી જ ધૂમ મચાવી રહ્યા છે. ટ્રેલર મુજબ આ ફિલ્મ એક મેડ રોમેન્ટિક ડ્રામા હોઈ શકે છે. આ ફિલ્મ આ વર્ષે 1 ડિસેમ્બરે, 2023ના રોજ થિયેટરમાં રિલીઝ થશે.
આ પણ વાંચો: રશ્મિકા મંદાના અને વિજય એક જ ઘરમાં રહે છે? એક્ટ્રેસના વીડિયોમાં પ્રૂફ
