Mahakumbh 2025/ આ વખતે ત્રિવેણી ઘાટ પર ડુબકી લગાવશે આ સેલિબ્રિટિઝ
પ્રયાગરાજ, 8 જાન્યુઆરી 2025 : પ્રયાગરાજમાં 13 જાન્યુઆરીથી Mahakumbh 2025 શરૂ થઈ રહ્યો છે. આ ઐતિહાસિક અને ભવ્ય પ્રસંગમાં લાખો શ્રદ્ધાળુઓ ગંગા, યમુના અને અદ્રશ્ય સરસ્વતીના સંગમમાં પવિત્ર સ્નાન કરશે. દર વખતની જેમ આ વખતે પણ આ પ્રસંગ તેની આધ્યાત્મિકતા અને ભવ્યતા માટે સમાચારમાં છે. પરંતુ આ વખતે કુંભ પર હિન્દી અને સાઉથના ફિલ્મ સ્ટાર્સના કારણે છવાઈ જશે. આ વખતે લાખો ભક્તોની વચ્ચે બોલિવૂડ અને ટીવી સ્ટાર્સ પણ ડુબકી લગાવવા આવી રહ્યા છે.
ઝડપથી સમાચાર મેળવવા માટે જોઈન કરો અમારા વોટ્સઅપ ગ્રુપમાં
આ મહાકુંભની ખાસ વાત એ છે કે આ વખતે બોલિવૂડની ઘણી મોટી હસ્તીઓ તેમાં ભાગ લેશે. આમાં અમિતાભ બચ્ચન, આલિયા ભટ્ટ, રણબીર કપૂર, શંકર મહાદેવ અને રાખી સાવંત જેવા સ્ટાર્સના નામ સામે આવ્યા છે. આ સ્ટાર્સ ત્રિવેણી ઘાટ પર ડૂબકી લગાવશે. કલાકારોના રહેવા માટે પણ ખાસ વ્યવસ્થા કરવામાં આવી રહી છે. બોલિવૂડ સેલેબ્સ માટે ખાસ સુવિધાઓ સાથેના કેમ્પ તૈયાર કરવામાં આવી રહ્યા છે. લાખોની ભીડમાં સામેલ થવા જઈ રહેલા આ સેલેબ્સની સુરક્ષા માટે સુવિધાઓની સાથે ખાસ કાળજી પણ રાખવામાં આવી છે.
મહાકુંભએ ભારતની સૌથી મોટી ધાર્મિક ઘટનાઓમાંની એક છે, જે પ્રયાગરાજ, હરિદ્વાર, ઉજ્જૈન અને નાસિક નામના ચાર પવિત્ર સ્થળોએ દર 12 વર્ષે વારાફરતી યોજાય છે. આ પ્રસંગ આસ્થા, સંસ્કૃતિ અને પરંપરાનો સંગમ છે. મહાકુંભ 2025 13 જાન્યુઆરીથી શરૂ થશે અને માર્ચ 2025 સુધી ચાલશે. આ વખતે શ્રદ્ધાળુઓની સંખ્યા કરોડોમાં હોવાની શક્યતા છે. ભીડને સંભાળવા માટે 24/7 હેલ્પલાઇન, મોબાઇલ એપ્લિકેશન અને ડિજિટલ નકશા જેવી સુવિધાઓ ઉપલબ્ધ કરાવવામાં આવશે. ભક્તોની સુરક્ષા માટે પોલીસ, SDRF અને NDRFની ટીમો હાજર રહેશે.
આ પણ વાંચો : ”વોકલ ફોર લોકલ”/ રાજ્ય સરકાર દ્વારા કારીગરોને પતંગ બનાવવાની તાલીમ
