Amitabh Bachchan Birthday: બિગ બીની સંપત્તિ જાણીને તમે ચોંકી જશો, સારા સારા એક્ટરો તેની પાછળ

હિન્દી સિનેમાના મેગાસ્ટાર કહેવાતા અમિતાભ બચ્ચનનો દરજ્જો આજે પણ યથાવત છે. છેલ્લાં કેટલાંક વર્ષોમાં બોલિવૂડમાં ઘણા એક્ટર-એક્ટ્રેસ આવ્યા જેમને નામ મળ્યું, પૈસા મળ્યા, પ્રસિદ્ધિ મળી. પરંતુ આજે પણ બિગ બીના સ્ટારડમ સુધી કોઈ પહોંચી શક્યું નથી. 7 નવેમ્બર 1969ના રોજ બોલિવૂડમાં ડેબ્યૂ કર્યા બાદ અમિતાભ બચ્ચને ક્યારેય પાછળ વળીને જોયું નથી. આ ફિલ્મથી તેણે પોતાની એક્ટિંગ કરિયરની શરૂઆત કરી હતી અને જોતા જોતામાં જ બિગ બીએ અત્યાર સુધી 100 થી વધુ ફિલ્મો કરી છે. આટલા વર્ષોની સફરમાં તેના સ્ટારડમમાં કોઈ ફરક પડ્યો નથી. જો કે તેમના જીવનમાં ઘણા ઉતાર-ચઢાવ આવ્યા, પરંતુ તેમની સફળતા પર તેમની અસર ક્યારેય પડી નહીં. અભિનય, વોઈસ ઓવર અને ક્યારેક ટીવી શો હોસ્ટ તરીકે વર્ષો સુધી દર્શકોનું મનોરંજન કરનાર અમિતાભ બચ્ચન 11 ઓક્ટોબર, 2022ના રોજ તેમનો 80મો જન્મદિવસ ઉજવી રહ્યા છે. આ અવસર પર ચાલો જાણીએ તેમની અત્યાર સુધીની કમાણી અને લક્ઝરી કલેક્શન વિશે..

ફિલ્મ ઈન્ડસ્ટ્રી અમિતાભ બચ્ચનનો 80મો જન્મદિવસ ખાસ રીતે સેલિબ્રેટ કરી રહી છે. તેમના 80માં જન્મદિવસ પર 8 થી 11 ઓક્ટોબર દરમિયાન ‘બચ્ચન બેક ટુ ધ બિગનિંગ’ નામના ફંક્શનનું આયોજન કરવામાં આવ્યું છે. જ્યાં તેમની ફિલ્મો અને અન્ય બાબતો સાથે જોડાયેલી યાદોને ફરી એક વાર તાજી કરવામાં આવી રહી છે. ફિલ્મોમાં આવતા પહેલા અમિતાભ બચ્ચને કેટલાક નાના-મોટા કામો કર્યા હતા, જેના માટે તેમને એક દિવસના જીવનના હિસાબે પૈસા મળતા હતા. ફિલ્મોમાં જોડાતા પહેલા બિગ બી કોલકાતાની એક કંપનીમાં એક્ઝિક્યુટિવ તરીકે કામ કરતા હતા. ત્યાં તેને 800 રૂપિયા મળતા હતા. બિગ બીએ રેડિયોમાં પણ પોતાનું નસીબ અજમાવ્યું, પરંતુ સફળતા ન મળી. પીઢ કવિ અને લેખક હરિવંશરાય બચ્ચનના પુત્ર હોવા છતાં પણ તેમને કામ માટે સંઘર્ષ કરવો પડ્યો હતો. આ પછી તે ક્ષણ આવી જ્યારે અમિતાભ બચ્ચન ફિલ્મ ઇન્ડસ્ટ્રી તરફ વળ્યા અને સતત કામ કરીને પોતાની કમાણી વધારતા રહ્યા. આજે અમિતાભ બચ્ચનની નેટવર્થ એટલી બધી છે કે તેમાં નાનું શહેર પણ ખરીદી શકાય છે. રિપોર્ટ્સ અનુસાર અમિતાભ બચ્ચન 3500 કરોડ રૂપિયાની નેટવર્થ સાથે લગભગ 60 કરોડ રૂપિયાની કમાણી કરે છે. ફિલ્મો ઉપરાંત કમાણીનું માધ્યમ બ્રાન્ડ એન્ડોર્સમેન્ટ, જાહેરાતો, ટીવી શો કૌન બનેગા કરોડપતિ, ઈવેન્ટ્સ વગેરે છે.

બિગ બી પાંચ બંગલાના માલિક છે

અમિતાભ બચ્ચનના ‘જલસા’ બંગલા વિશે બધા જાણે છે. આ સિવાય તેમની પાસે પ્રતિક્ષા, જનક અને વત્સ નામના વધુ ત્રણ બંગલા છે. 2021માં અમિતાભે જુહુમાં 31 કરોડમાં બીજો બંગલો ખરીદ્યો હતો. રિપોર્ટ્સ અનુસાર જલસા બંગલાની કિંમત 120 કરોડથી 160 કરોડની વચ્ચે છે.

પ્રાઇવેટ જેટમાંથી મોટી કમાણી

અમિતાભ બચ્ચનની લક્ઝરી લાઈફસ્ટાઈલની વાત અહીં પૂરી નથી થતી. આ બધા સિવાય બિગ બી પાસે 260 કરોડનું પ્રાઈવેટ જેટ પણ છે, જેનો ઉપયોગ તેઓ અને તેમનો પરિવાર મુસાફરી કરવા માટે કરે છે. આ સિવાય તેની પાસે ઘણી લક્ઝરી કારનું કલેક્શન પણ છે.

આ પણ વાંચો : અમિતાભ બચ્ચનના ઘરની બહાર ‘જલસો’, ફેન્સની સાથે બીગ બીએ કરી ઉજવણી…