IPC, CrPC અને એવિડન્સ એક્ટની જગ્યાએ ત્રણ નવા બિલ પાસ થશે: અમિત શાહ
હૈદરાબાદ: કેન્દ્રીય ગૃહ મંત્રી અમિત શાહે કહ્યું કે ભારતીય દંડ સંહિતા (IPC), CrPC અને ભારતીય પુરાવા અધિનિયમની જગ્યાએ ત્રણ નવા બિલ સંસદ દ્વારા ટૂંક સમયમાં પસાર કરવામાં આવશે. હૈદરાબાદમાં સરદાર વલ્લભભાઈ પટેલ નેશનલ પોલીસ એકેડમી ખાતે પાસિંગ આઉટ પરેડની સમીક્ષા કર્યા બાદ IPS પ્રોબેશનર્સની 75મી બેચને સંબોધી હતી. જેમાં તેમણે આ વાત કરી હતી. તેમણે કહ્યું કે, ભારત બ્રિટિશ શાસન દરમિયાન બનેલા કાયદાઓનું પાલન કરી રહ્યું છે અને નવા આત્મવિશ્વાસ અને નવી આશાઓ સાથે નવા યુગમાં પ્રવેશી રહ્યું છે.
The three new Bills to replace IPC, CrPC and Evidence Act will be passed soon, says Amit Shah in Hyderabad
— Press Trust of India (@PTI_News) October 27, 2023
મહિલા નેતૃત્વમાં દેશ આગળ વધી રહ્યો છે
ગૃહ બાબતોની સંસદીય સ્થાયી સમિતિ ત્રણ નવા બિલોની તપાસ કરી રહી છે અને તે ટૂંક સમયમાં પસાર થશે. અમિત શાહે કહ્યું કે, નવા કાયદાનો હેતુ લોકોના અધિકારોનું રક્ષણ કરવાનો છે. મહિલા IPS કેડેટ્સની સંખ્યામાં વધારો થઈ રહ્યો છે તે અંગે જણાવતા શાહે કહ્યું કે વડાપ્રધાન નરેન્દ્ર મોદીના નેતૃત્વમાં દેશ મહિલાઓના નેતૃત્વમાં વિકાસમાં આગળ વધી રહ્યો છે. તેમણે એકેડેમીમાં મૂળભૂત તાલીમ પૂર્ણ કરનાર IPS પ્રોબેશનર્સને નવી ફોજદારી ન્યાય પ્રણાલી અમલમાં આવે ત્યારે મુખ્ય ભૂમિકા ભજવવા જણાવ્યું હતું.
#WATCH | Hyderabad: Union Home Minister Amit Shah in his address at the passing-out parade of the 75th batch of IPS probationers says, “The three laws drafted around 1850…CRPC, IPC and Evidence Act, the government has made some significant changes in these three laws and put… pic.twitter.com/LZ60i5ejFW
— ANI (@ANI) October 27, 2023
ઉલ્લેખનીય છે કે આ ત્રણ બિલ સંસદના ચોમાસુ સત્રમાં રજૂ કરવામાં આવ્યા હતા. ગૃહ મંત્રી અમિત શાહે આ બિલોને વ્યાપક પરામર્શ અને ચર્ચા માટે સ્ટેન્ડિંગ કમિટીને મોકલવાની વિનંતી કરી હતી. આ સમિતિને ઓગસ્ટ મહિનામાં ત્રણ બિલનો અભ્યાસ કરવા માટે ત્રણ મહિનાનો સમય આપવામાં આવ્યો હતો.
આ પણ વાંચો: 91મા એરફોર્સ ડે નિમિત્તે પીએમ મોદી અને અમિત શાહે વાયુસેનાને શુભેચ્છા આપી
