કુસ્તી સંઘના વિવાદ વચ્ચે રાહુલ ગાંધી કુસ્તીબાજોના અખાડામાં પહોંચ્યા, પહેલવાનોને મળ્યા
- કુસ્તીબાજો અને WFIના ભૂતપૂર્વ પ્રમુખ બ્રિજભૂષણ શરણસિંહ વચ્ચે ટક્કર ચાલુ
- રાહુલ ગાંધીએ અખાડામાં દિપક અને બજરંગ પુનિયા સહિતના કુસ્તીબાજો સાથે કરી મુલાકાત
હરિયાણા, 27 ડિસેમ્બર : કુસ્તીબાજો અને રેસલિંગ ફેડરેશન ઓફ ઈન્ડિયાના ભૂતપૂર્વ પ્રમુખ અને ભાજપના સાંસદ બ્રિજભૂષણ શરણસિંહ વચ્ચે ટક્કર ચાલુ છે. આ દરમિયાન આજે કોંગ્રેસ સાંસદ રાહુલ ગાંધી કુસ્તીબાજોને મળવા હરિયાણાના કુસ્તીબાજ દીપક પુનિયાના ગામ પહોંચ્યા હતા. જ્યાં રાહુલ ગાંધીએ કુસ્તીબાજોના અખાડામાં દિપક પુનિયા અને બજરંગ પુનિયા સહિતના પહેલવાનો સાથે મુલાકાત કરી હતી.
#WATCH | Haryana: Congress MP Rahul Gandhi reaches Virender Arya Akhara in Chhara village of Jhajjar district and interacts with wrestlers including Bajrang Poonia. pic.twitter.com/j9ItihwVvP
— ANI (@ANI) December 27, 2023
ઉલ્લેખનીય છે કે, રેસલિંગ ફેડરેશન ઓફ ઈન્ડિયાના પૂર્વ પ્રમુખ અને બીજેપી સાંસદ બ્રિજભૂષણ શરણ સિંહ વિરુદ્ધ કુસ્તીબાજો સતત કાર્યવાહીની માંગ કરી રહ્યા છે. કુસ્તીબાજોનું કહેવું છે કે, યૌન શોષણના આરોપી બ્રિજભૂષણ સિંહ સામે સરકારે કડક કાર્યવાહી કરવી જોઈએ.
#WATCH | Haryana: Congress MP Rahul Gandhi leaves from Virender Arya Akhara in Chhara village of Jhajjar district after interacting with wrestlers including Bajrang Poonia and others. pic.twitter.com/Amx713pfeG
— ANI (@ANI) December 27, 2023
રાહુલ ગાંધી કુસ્તીબાજોને મળવા પહોંચ્યા હરિયાણા
જ્યારે બ્રિજ ભૂષણના નજીકના સંજય સિંહ રેસલિંગ ફેડરેશન ઑફ ઈન્ડિયાની ચૂંટણીમાં પ્રમુખ તરીકે ચૂંટાયા ત્યારે સાક્ષી મલિકે વિરોધમાં કુસ્તી છોડવાની જાહેરાત કરી હતી અને બજરંગ પુનિયાએ પીએમના આવાસની સામે ફૂટપાથ પર પોતાનું પદ્મશ્રી છોડી દીધું હતું. આ પછી સરકારે ફેડરેશનને જ સસ્પેન્ડ કરી દીધું હતું. આ દરમિયાન વિનેશ ફોગાટે પોતાનો અર્જુન એવોર્ડ અને મેજર ધ્યાનચંદ ખેલ રત્ન છોડવાની પણ જાહેરાત કરી હતી. આ વિવાદ વચ્ચે આજે રાહુલ ગાંધી કુસ્તીબાજોને મળવા વિરેન્દ્ર અખાડા પહોંચ્યા હતા.
રાહુલ ગાંધી કુસ્તીનો નિત્યક્રમ જોવા માટે આવ્યા હતા : બજરંગ પુનિયા
#WATCH | Haryana: On Congress MP Rahul Gandhi visits Virender Arya Akhara in Chhara village of Jhajjar district, Wrestler Bajrang Poonia says, “He came to see our wrestling routine…He did wrestling…He came to see the day-to-day activities of a wrestler.” pic.twitter.com/vh0aP921I3
— ANI (@ANI) December 27, 2023
રાહુલ ગાંધી ઝજ્જર જિલ્લાના છારા ગામમાં પહોંચ્યા અને વીરેન્દ્ર અખાડામાં ત્યાં હાજર કુસ્તીબાજોને મળ્યા હતા. આ દરમિયાન બજરંગ પુનિયા પણ સ્થળ પર હાજર જોવા મળ્યા હતા. ઉલ્લેખનીય છે કે, દીપક અને બજરંગ પુનિયાએ છારા ગામના વીરેન્દ્ર અખાડાથી કુસ્તીની શરૂઆત કરી હતી. છારા ગામ દીપક પુનિયાનું ગામ છે. આ અંગે બજરંગ પુનિયાએ કહ્યું કે, રાહુલ ગાંધી અમારી કુસ્તીનો નિત્યક્રમ જોવા આવ્યા હતા. તેણે અહીં કુસ્તી પણ કરી હતી. રાહુલ ગાંધી અહીં એક કુસ્તીબાજની રોજબરોજની ગતિવિધિઓ જોવા આવ્યા હતા.
