બ્રેકઅપની અફવાઓ વચ્ચે અર્જૂન કપૂરે શેર કરી ખાસ તસવીરો
- ‘સિંઘમ અગેઈન’ સ્ટાર અર્જૂન કપૂરે હાલમાં જ કેટલીક તસવીરો પોસ્ટ કરી છે. જેમાં બ્રેકઅપની અફવાઓ વચ્ચે તે પોતાનો સમય કેવી રીતે પસાર કરી રહ્યો છે તે જોવા મળી રહ્યું છે
26 જુલાઈ, મુંબઈઃ અર્જુન કપૂર ગર્લફ્રેન્ડ મલાઈકા અરોરા સાથેના બ્રેકઅપને લઈને ચર્ચાઓમાં છે. એવું લાગી રહ્યું છે કે અભિનેતા તેના જીવનમાં આગળ વધવાનો પ્રયાસ કરી રહ્યો છે. તે તેની ફિટનેસ અને કામ પર ધ્યાન કેન્દ્રિત કરી રહ્યો છે. ‘સિંઘમ અગેઈન’ સ્ટાર અર્જૂન કપૂરે હાલમાં જ કેટલીક તસવીરો પોસ્ટ કરી છે. જેમાં બ્રેકઅપની અફવાઓ વચ્ચે તે પોતાનો સમય કેવી રીતે પસાર કરી રહ્યો છે તે જોવા મળી રહ્યું છે. અર્જૂન કપૂરની આ તસવીરો સોશિયલ મીડિયા પર ઝડપથી વાયરલ થઈ રહી છે.
અર્જુન કપૂરે શેર કરી સુંદર તસવીરો
અર્જૂન કપૂરની લેટેસ્ટ ફોટો ડંપમા સુંદર ક્ષણો જોવા મળી રહી છે. તેણે જે તસવીરો શેર કરી છે તેમાં કસરત, સ્વિમિંગ, ફૂડ અને નેચર જેવી સુંદર વસ્તુઓની ઝલક જોઈ શકાય છે. આ ખાસ તસવીરો પોતાના ઈન્સ્ટાગ્રામ હેન્ડલ પર શેર કરતી વખતે અર્જુન કપૂરે એક સુંદર કેપ્શન પણ લખ્યું છે. પ્રથમ તસવીરમાં અર્જૂન વરસાદની વચ્ચે સ્વિમિંગ કરતા જોઈ શકાય છે. બીજી તસવીર સલાડ અને ભાતથી ભરેલી પ્લેટની છે. ત્યારબાદ અન્ય તસવીર વર્કઆઉટની છે.
View this post on Instagram
અર્જુન કપૂરની છેલ્લી તસવીર પર ફેન્સ ફિદા
અર્જુન કપૂરે શેર કરેલી છેલ્લી તસવીર પર તેના ફેન્સ ફિદા થઈ ગયા છે. ‘સિંઘમ અગેન’ સ્ટારને સોફા પર બ્લેક આઉટફિટમાં બેઠેલો જોઈ શકાય છે. જેમાં તે સ્માઈલ કરી રહ્યો છે અને સ્માઈલ કરતો અર્જૂન બધાને ખૂબ પસંદ પડી રહ્યો છે. અર્જૂનને ખુશ જોઈને તેના ચાહકો પણ ખુશીથી ઝૂમી ઉઠ્યા છે. તેના ચાહકો આ ફોટો પર ઘણો પ્રેમ વરસાવી રહ્યા છે. આ તસવીરમાં અભિનેતાએ બ્લેક ટી-શર્ટ અને બ્લેક પેન્ટ પહેર્યું છે. આ તસવીર શેર કરતી વખતે તેણે કેપ્શન લખ્યું છે કે કામ અને રમતમાં ખોવાઈ ગયો છું.
અર્જુન કપૂરની પ્રોફેશનલ લાઈફ
અર્જુન કપૂર રોહિત શેટ્ટીની આગામી ફિલ્મ ‘સિંઘમ અગેન’માં વિલનની ભૂમિકામાં જોવા મળશે, આ ફિલ્મમાં અર્જુન ઉપરાંત દીપિકા પાદુકોણ, કરીના કપૂર ખાન, રણવીર સિંહ, અજય દેવગન પણ છે. અક્ષય કુમાર લીડ રોલમાં છે. અભિનેતાએ ફિલ્મનું શૂટિંગ પૂર્ણ કરી લીધું છે અને દરેક લોકો ફિલ્મની રીલીઝની આતુરતાથી રાહ જોઈ રહ્યા છે. આ સિવાય તે કોમિક કેપર ‘નો એન્ટ્રી 2’માં પણ જોવા મળશે.
આ પણ વાંચોઃ અનંત-રાધિકાની હલ્દીનો વીડિયો વાયરલ, જુઓ મુકેશ અંબાણીની નીતા સાથે મસ્તી, દરેકનો અલગ અંદાજ
