અનંત-રાધિકાના પ્રી-વેડિંગમાં પર્ફોમ કરશે અમેરિકન સિંગર Katy Perry, રૂ. 424 કરોડના વિલામાં થશે પ્રોગ્રામ

• આ અગાઉ અનંત-રાધિકાના પ્રી-વેડિંગમાં જામનગરમાં રિહાના, એકોન જેવા આંતરરાષ્ટ્રીય સેલેબ્સે પરફોર્મ કરીને ફંકશનની રોનક વધારી હતી

31 મે, મુંબઈઃ અનંત અંબાણી અને રાધિકા મર્ચન્ટના પ્રથમ ધમાકેદાર પ્રી-વેડિંગ બાદ હવે બીજું પ્રી-વેડિંગ ફંક્શન પણ ભવ્ય બન્યું છે. 29મી મેથી ઈટાલીમાં સમારંભો શરૂ થયા છે અને તે 1લી જૂન સુધી ચાલશે. આ એક ક્રુઝ પાર્ટી છે જે 4 દિવસ સુધી ઈટાલીથી ફ્રાન્સ સુધી ચાલશે. આ ફંક્શનમાં હોલીવુડ અને બોલિવૂડ સહિત અનેક મોટી હસ્તીઓ હાજરી આપી રહી છે. હવે એવા સમાચાર આવી રહ્યા છે કે અંબાણી પરિવારે તેમના દિકરા-વહૂના ફંક્શનને વધુ ખાસ બનાવવા માટે ઈન્ટરનેશનલ સિંગર કેટી પેરીનો સંપર્ક કર્યો છે.

કેટી પેરી કરશે પર્ફોમ

આ અગાઉ અનંત-રાધિકાના પ્રી-વેડિંગમાં જામનગરમાં રિહાના, એકોન જેવા આંતરરાષ્ટ્રીય સેલેબ્સે પરફોર્મ કરીને ફંકશનની રોનક વધારી હતી. હવે આ વખતે ઘણા આંતરરાષ્ટ્રીય કલાકારો ઈટાલીમાં ચાલી રહેલા અન્ય કાર્યક્રમોમાં પર્ફોમ કરવાના છે. ઘણા મીડિયા રિપોર્ટ્સમાં દાવો કરવામાં આવ્યો છે કે અમેરિકન સિંગર કેટી પેરી અનંત-રાધિકાના ક્રૂઝ પ્રી-વેડિંગના ત્રીજા દિવસે પર્ફોમન્સ આપશે.

આજે કાન્સમાં થશે પાર્ટી

અમેરિકન સિંગર કેટી પેરી આજે (31 મે)ના રોજ કાન્સમાં યોજાનારી ક્રૂઝ પાર્ટી માટે રવાના થઈ ગઈ છે. આ ક્રૂઝ આજે દક્ષિણ ફ્રાંસ એટલે કે કાન્સ પહોંચશે. આજે અંબાણી પરિવારની પાર્ટીનો ત્રીજો દિવસ છે. શુક્રવારે સાંજે અંબાણી પરિવારની LA Vite E Viaggio (લાઈફ ઈઝ અ જર્ની)માં પાર્ટીનું આયોજન કરવામાં આવ્યું છે જેમાં કેટી પેરી પરફોર્મ કરશે. આ માટે સિંગરને ફી તરીકે લાખો રૂપિયા આપવામાં આવ્યા છે.

424 કરોડ રૂપિયાનો વિલા બુક

અંબાણી પરિવારે આ કાર્યક્રમ માટે કાન્સમાં 40 મિલિયન બ્રિટિશ પાઉન્ડ એટલે કે અંદાજે 423 કરોડ રૂપિયાનો વિલા બુક કરાવ્યો છે. આ પાર્ટી માટે, 800 મહેમાનો ક્રુઝમાંથી ઉતરશે અને વિલામાં પહોંચશે, જેમાં એક મોટા ફાયરવર્ક શોનું આયોજન પણ કરવામાં આવ્યું છે. આ ઉપરાંત આ કાર્યક્રમમાં કેટી પેરી પણ પર્ફોર્મ કરશે. આ પાર્ટી લગભગ 5 કલાક સુધી ચાલશે.

બેકસ્ટ્રીટ બોયઝ આપી ચૂક્યા છે પર્ફોર્મન્સ

અગાઉ, આંતરરાષ્ટ્રીય મ્યુઝિક બેન્ડ બેકસ્ટ્રીટ બોયઝે પણ અનંત-રાધિકાના પ્રી-વેડિંગમાં પર્ફોર્મ કર્યું હતું. હાલમાં અંબાણી પરિવારનું આ બીજું ગ્રાન્ડ સેલિબ્રેશન છે. અનંત-રાધિકાના લગ્ન થવાના બાકી છે. આ કપલના લગ્ન 12 જુલાઈએ મુંબઈના Jio વર્લ્ડ સેન્ટરમાં યોજાશે.

આ પણ વાંચોઃ રિહાન્ના બાદ હવે શકીરા અનંત-રાધિકાના બીજા પ્રી-વેડિંગમાં મચાવશે ધૂમ : જાણો કેટલો ચાર્જ લેશે