AMCનો સૌથી મોંઘો રોડ પ્રોજેક્ટઃ 61 કરોડના ખર્ચે કરવામાં આવશે 3.6 કિમી લાંબા રોડનું મેકઓવર

અમદાવાદ 12 માર્ચ 2024: અમદાવાદ મ્યુનિસિપલ કોર્પોરેશન દ્વારા તેનો અત્યાર સુધીનો સૌથી મોંઘો રોડ પ્રોજેક્ટ હાથ ધરવામાં આવ્યો છે. એએમસી દ્વારા ચાંદખેડાના વિસત સર્કલથી ઝુંડાલ સર્કર સુધીના 3.6 કિમી લાંબા રોડના મેકઓવર માટે 61 કરોડ રૂપિયા ખર્ચવામાં આવશે. આ રોડને આઈકોનિક બનાવવા માટે ઘણા યુઝર-ફ્રેન્ડલી ફિચર્સ ઉમેરવામાં આવશે, વિસત-ઝુંડાલ સ્ટ્રેચ અમદાવાદમાં પ્રવેશવાના આઈકોનિક સ્થળો તરીકે રિડેવલોપમેન્ટ માટે પસંદ કરાયેલા રસ્તાઓમાંનો એક છે. આ રોડને અમદાવાદમાં ઉત્તર ગુજરાતના પ્રવેશ દ્વાર તરીકે ઓળખવામાં આવે છે.

3.6 કિલોમીટરના રોડના મેકઓવર માટે 61 કરોડ રૂપિયા ખર્ચવામાં આવશે
અમદાવાદ મ્યુનિસિપલ કોર્પોરેશન (AMC) દ્વારા તેનો અત્યાર સુધીનો સૌથી મોંઘે રોડ મેકઓવર પ્રોજેક્ટ હાથ ધરવામાં આવ્યો છે. જેમાં 3.6 કિલોમીટરના રોડના મેકઓવર માટે 61 કરોડ રૂપિયા ખર્ચવામાં આવશે. આ 3.6 કિલોમીટર લાંબો રોડ ચાંદખેડાના વિસત સર્કલથી ઝુંડાલ સર્કલ સુધીનો છે જેને અમદાવાદમાં દાખલ થવા માટે ઉત્તર ગુજરાતના પ્રવેશ દ્વાર તરીકે પણ ઓળખવામાં આવે છે. હવે આ રોડનો મેકઓવર પ્રોજેક્ટ હાથ ધરવામાં આવ્યો છે. એક અહેવાલ પ્રમાણે આ રોડને આઈકોનિક બનાવવા માટે ઘણા યુઝર-ફ્રેન્ડલી ફિચર્સ ઉમેરવામાં આવશે. આ સ્ટ્રેચ મોટેરા નજીકના સરદાર પટેલ ઓલિમ્પિક સ્પોર્ટ્સ એન્ક્લેવને ભાટ-કોટેશ્વર સ્ટ્રેચ પરના અન્ય સ્પોર્ટ્સ ઈન્ફ્રાસ્ટ્રક્ચર અને ઝુંડાલ સર્કલ પાસે આયોજિત શહેરના સૌથી મોટા મોલ માટેના સ્થળ સાથે જોડે છે. આ પ્રોજેક્ટમાં કોર્પોરેશન દ્વારા સંપૂર્ણ સમારકામ કરવામાં આવશે, જેમાં માત્ર રસ્તાને જ નહીં પરંતુ તેની સુવિધાઓ અને જાહેર ઉપયોગિતાના પાસાઓને પણ આવરી લેવામાં આવશે.

વિસત-ઝુંડાલ આઇકોનિક એન્ટ્રી પોઇન્ટ બનશે
AMCના વરિષ્ઠ અધિકારીએ જણાવ્યું હતું કે, આધુનિક સ્ટ્રીટ લાઈટિંગ, ગ્રીન સ્ટ્રીટ, સ્ટ્રીટ ફર્નિચર, એક એલિવેટેડ, કોબલસ્ટોન વોકવે, સાયકલ ટ્રેક, ટુ-વે સર્વિસ લેન અને પેર્ગોલા હશે જે તેને 41 કરોડ રૂપિયાના પ્રોજેક્ટનો સૌથી મોંઘો ભાગ બનાવશે. એલિવેટેડ વોકવે જે ટેબલટોપ્સ તરીકે ઓળખાય છે જેમાં ગ્રેનાઈટ કોબલસ્ટોન્સનો ઉપયોગ કરવામાં આવશે અને તે સ્લિપ-રેઝિસ્ટન્સ હશે. આ પ્રોજેક્ટ AMCનો અત્યાર સુધીનો સૌથી મોંઘો રોડ પ્રોજેક્ટ હશે. જેમાં કુલ અંદાજીત ખર્ચ 61.14 કરોડ રૂપિયા થાય છે. જેના કારણે તે 34 કરોડના સીજી રોડ રિડેવલોપમેન્ટ પ્રોજેક્ટ અને હાલમાં ચાલી રહેલા 36.86 કરોડ રૂપિયાના આશ્રમ રોડ પ્રોજેક્ટ કરતાં વધી જાય છે.

‘ઝુંડાલ સ્ટ્રેચ’ આઈકોનિક સ્થળો તરીકે રિડેવલોપમેન્ટ માટે પસંદ કરાયેલા રસ્તાઓમાંનો એક
રસપ્રદ વાત એ છે કે, રોડ પર સૌથી મોંઘા ઘટકોમાં સામેલ એવા સ્ટ્રીટ ફર્નિચર અને લાઈટિંગ માત્ર એક વર્ષની ખામીયુક્ત જવાબદારીનો સમયગાળો ધરાવે છે જ્યારે રસ્તા માટે પાંચ વર્ષની ગેરંટી છે. વિસત-ઝુંડાલ સ્ટ્રેચ અમદાવાદમાં પ્રવેશવાના આઈકોનિક સ્થળો તરીકે રિડેવલોપમેન્ટ માટે પસંદ કરાયેલા રસ્તાઓમાંનો એક છે. અન્ય વિસ્તારોમાં શાંતિપુરા ચોકડીથી સાણંદ ચોકડી વાયા કેડિલા સર્કલ સુધીનો રોડ, નરોડા મુક્તિધામથી દહેગામ જંકશન સુધીનો રોડ, એસપી રિંગ રોડથી મુમતપુરા સુધીનો રોડ, પકવાન જંકશનથી જજીસ બંગલોઝ પાસે કેશવબાગ સુધીનો વિસ્તાર અને એરપોર્ટ સર્કલથી ડફનાળા સુધીના એરપોર્ટ વીઆઈપી રોડનો સમાવેશ થાય છે. એરપોર્ટ VIP રોડ હાલમાં AMC દ્વારા અપગ્રેડેશન હેઠળ છે, જેમાં ખાનગી કોન્ટ્રાક્ટર પબ્લિક-પ્રાઈવેટ પાર્ટનરશિપ (PPP) મોડલ દ્વારા જાહેરાતના અધિકારો સહિત સ્ટ્રીટ ફર્નિચરની કિંમતનું સંચાલન કરે છે.