વિન્ટર ઓલિમ્પિક્સની સાથે બરફમાં રમાતી વિશ્વની લોકપ્રિય રમત પણ ખતરામાં
- ક્લાઈમેટ ચેન્જના કારણે દુનિયાના પહાડો પરનો બરફ ઝડપથી પીગળી રહ્યો છે
- તેની અસર શિયાળાની સ્નો સ્પોર્ટ્સ અને વિન્ટર ઓલિમ્પિક પર પડી રહી છે
- IOC એ તો 2030 વિન્ટર ઓલિમ્પિકનું સ્થળ નક્કી કરવાની પ્રક્રિયા પણ અટકાવી દીધી
યુરોપ, 28 ડિસેમ્બર : ક્લાઈમેટ ચેન્જની અસર પહાડોના બરફ પર પણ પડી રહી છે. જેના કારણે વિન્ટર ઓલિમ્પિકની સાથે શિયાળાની સિઝનમાં યોજાતી સ્કી જેવી રમત પણ જોખમમાં છે.
ગ્લોબલ વોર્મિંગે વર્ષ 2023ને રેકોર્ડ પર વિશ્વનું સૌથી ગરમ વર્ષ ગણાવ્યું છે. ધ્રુવો પાસે બરફની ચાદર પીગળી રહી છે ત્યારે પહાડો પર પણ બરફ પીગળવા લાગ્યો છે. બરફ પર રમાતી રમતો પર તેની સીધી અસર પડી રહી છે. છેલ્લા કેટલાક સમયથી ગ્લોબલ વોર્મિંગના કારણે વિન્ટર ઓલિમ્પિક પર પણ અસર પડી રહી છે. આ વર્ષે પણ યુરોપમાં સ્કીની સિઝન પર નોંધપાત્ર અસર જોવા મળી છે. આવતા મહિને શરૂ થઈ રહેલા વિન્ટર ઓલિમ્પિક પર તેની અસરનું પણ મૂલ્યાંકન કરવામાં આવી રહ્યું છે. સૌથી વધુ અસર વિન્ટર સ્પોર્ટ્સ ટુરિઝમ પર જોવા મળી રહી છે.
ભારે ગરમીની અસર
આ વર્ષે યુરોપ સહિત સમગ્ર ઉત્તર ગોળાર્ધમાં આકરી ગરમી પડી છે. તેનું એક કારણ અલ નીનોની અસર છે. વૈજ્ઞાનિકો પહેલેથી જ માની રહ્યા છે કે આનાથી શિયાળો હળવો થશે. જ્યારે દર વર્ષે ક્લાઈમેટ ચેન્જની અસરથી પહાડોના ગ્લેશિયર્સ અને હિમનદીઓનો બરફ પીગળી રહ્યો છે. આને કારણે, સ્કીઇંગ જેવી સ્નો સ્પોર્ટ્સ માટેનો બરફ તો ઘટી રહ્યો છે પરંતુ જે વિસ્તારોમાં બરફ જોવા મળે છે ત્યાંની ઊંચાઈ પણ વધી રહી છે.
યુરોપમાં ખાસ અસર
વિન્ટર ઓલિમ્પિક સિવાય યુરોપના દરેક દેશોમાં યોજાતી વિન્ટર ગેમ્સમાં પણ કૃત્રિમ બરફનો ઉપયોગ થવા લાગ્યો છે. આયોજકો અગાઉથી તૈયારીઓ શરૂ કરી દે છે જો બરફ ઓછો પડે તો કૃત્રિમ બરફની વ્યવસ્થા કરી શકાય. આગામી વર્ષોમાં ગ્લોબલ વોર્મિંગની અસર વધુ તીવ્ર બને તેવી શક્યતા છે.
વિન્ટર ઓલિમ્પિક પર અસર
ગયા વર્ષે ડિસેમ્બરમાં ઇન્ટરનેશનલ ઓલિમ્પિક એસોસિએશને 2030 પછી યોજાનારી વિન્ટર ઓલિમ્પિક્સના સ્થળ માટે બિડિંગની પ્રક્રિયા અટકાવી દીધી હતી અને તે સૌપ્રથમ રમત અને વિન્ટર ઓલિમ્પિક્સના ભવિષ્ય પર હવામાન પરિવર્તનની અસરોનું મૂલ્યાંકન કરવા માંગે છે. એસોસિએશનને લાગે છે કે 2050 સુધીમાં નવા સ્થળે વિન્ટર ઓલિમ્પિકનું આયોજન કરવું શક્ય બનશે નહીં અને હાલના સ્થળોની સંખ્યામાં પણ ઘટાડો જોવા મળી રહ્યો છે.
આ ઉપરાંત, વિશ્વમાં ધ્રુવોની નજીકનો બરફ પીગળવાથી મહાસાગરોના જળ સ્તરમાં વધારો જોવા મળી રહ્યો છે. તેમજ વિન્ટર ઓલિમ્પિક જેવા મોટા કાર્યક્રમો માટે કૃત્રિમ બરફની વ્યવસ્થા કરવામાં આવી રહી છે. સાથે જ, યુરોપના આલ્પાઇન વાતાવરણમાં પણ બરફવર્ષા ઓછી થવા લાગી છે, બરફ પીગળવાને કારણે નીચેના વિસ્તારોમાંથી બરફ ગાયબ થવા લાગ્યો છે.
આ પણ વાંચો : જો પૃથ્વી પરનો તમામ ગ્લેશિયર પીગળી જાય તો શું થશે?
